MATEUS 9:22 - BIBEL JAMITA NA DENGGAN

²² Tapi manaili ma Jesus tu pudi, diida Ia ma anak boru i. Didok Ia ma, “Pos ma rohamu inang! Madung dipalua haporsayaanmi ho!” Santongkin i manigor malum ma nyae ni anak boru i.

MATEUS 9:22 ပူးပေါင်းရင်းမြစ်များ

MATEUS 15:28

Gabe didok Jesus ma tusia, “Godangna i haporsayaanmi, da inang! Tulus ma di ho sanga aha na nihalungunkonmi!” Laing di na santongkin i, malum ma manigor borunia i.

MATEUS 17:18

Gabe dipaorot Jesus ma setan i sian dakdanak i. Morot ma setan i, gabe manigor malum ma dihilala dakdanak i.

MATEUS 8:13

Dung i didok Jesus ma tu tentara na pangkat i, “Mulak ma ho, sanga aha na ni haporsayaanmi, tulus ma i.” Santongkin i, manigor malum ma nyae ni naposonia i.

MATEUS 9:2

Jadi ro ma halak maroban sada bayo na onyangon payak di podomanna. Di na niida ni Jesus godang ni haporsayaan ni halahi, ning Ia ma tu na onyangon i, “Papos ma rohamu, amang! Madung nisesa dosamu.”

MATEUS 9:29

Gabe dijama Jesus ma mata ni halahi, didok ma, “Tulus ma di hamu marguru tu haporsayaanmunu!”

MARKUS 10:52

“Kehe ma ho,” ninna Jesus. “Madung dipamalum haporsayaanmi ho.” Manigor marnida ma bayo i. Lalu diihutkon ia ma Jesus di dalan i.

MARKUS 5:34

Gabe didok Jesus ma tu anak boru i, “Ale anakKu, haporsayaanmi do na paluahon ho. Kehe ma ho di bagasan hahorasan, jana malum ma dihilala ho!”

LUKAS 17:19

Dung i didok Jesus ma tu bayo i, “Jongjong ma ho, jana mulak ma ho. Haporsayaanmu do na palua ho.”

LUKAS 18:42

Didok Jesus ma tusia, “Marnida ma ho! Madung dipamalum haporsayaanmi ho.”

LUKAS 7:50

Tapi didok Jesus ma tu dadaboru i, “Haporsayaanmu do na paluahon ho, kehe ma ho di bagasan hahorasan!”

LUKAS 8:48

Didok Jesus ma tusia, “Madung dipamalum haporsayaanmi ho da inang. Kehe ma ho, dibagasan sonang!”

JOHANNES 4:53

Dung i diingot amang ni dakdanak i ma laing di jom i ma didok Jesus tusia, “Mangolu do anakmi.” Gabe porsaya ma ia dohot halahi na sabagas tu Jesus.

BAENON NI ANGKA RASUL 14:9

Juguk ma bayo i disi manangi-nangihon si Paulus na mandok hata i. Diida si Paulus porsaya do bayo i, jadi tarpamalum do ia. Jadi ditatap si Paulus ma tusia,

BAENON NI ANGKA RASUL 16:18

Sanga na piga ari sai songon i ma dipardokkoni ia. Goyak ma roha ni si Paulus umbegesa, gabe humusor ma ia manaili tu anak boru i didok ia ma tu tondi i, “Mangasahon goar ni Jesus Kristus, huparentahon anso ruar ho sian anak boru i!” ning ia. Manigor ditadingkon tondi i ma anak boru i.

IBRANI 4:2

Harana madung dipaboa tu hita Jamita Na Denggan i laing songon na tu halahi. Hape anggo di halahi nada marguna jamita i. Angke di na nibege ni halahi jamita i, nada dijagit halahi i mardongan haporsayaan tu Debata.