MATEUS 9:2 - BIBEL JAMITA NA DENGGAN

² Jadi ro ma halak maroban sada bayo na onyangon payak di podomanna. Di na niida ni Jesus godang ni haporsayaan ni halahi, ning Ia ma tu na onyangon i, “Papos ma rohamu, amang! Madung nisesa dosamu.”

MATEUS 9:2 ပူးပေါင်းရင်းမြစ်များ

PARJAMITA 9:7

Tole, mangan ma jana marjop ni roha, inum ma anggurmi marmoga-moga. Nada muruk Debata, mur jop noma rohaNia.

JESAYA 44:22

Huayak dosami songon alogo, salamu Hupaorot songon ombun na dihabangkon ni alogo. Hara ni i mulak ma ho tu Au, angke Au do Sipaluamu.”

MATEUS 14:27

Tapi manigor digora Jesus ma mangalusi, “Pasonang hamu ma! Au do i. Ulang mabiar hamu!”

MATEUS 4:24

Tarbonggal do Jesus lalu tu tano Siria sude, gabe bahat ma marroan halak tuSia. Diparobani halak ma angka na marnyae dohot halak na marragam rupa hasusaanna. Adong ma i na hona begu, adong na solpoton, adong na pangpangon. Sude halahi dipamalum Jesus.

MATEUS 6:12

sesa ma angka dosanami, songon hami manyesa dosa ni angka na mardosa tu hami,

MATEUS 8:10

Dung dibege Jesus hata ni tentara na pangkat i, homang ma rohaNia. Gabe didok Ia ma tu halahi na mangihutkon Ia, “Tangihon hamu ma jolo! Nada unjung dope Au marsuo dohot haporsayaan na songon on godangna di tonga-tonga ni halak Israel.

MATEUS 8:16

Dung marayak potang, dioban halak ma tu Jesus bahat angka na hona setan. Dohot hata sajo do diusir Jesus angka begu i, dipamalum Ia muse ma sude halak na marnyae i.

MATEUS 9:22

Tapi manaili ma Jesus tu pudi, diida Ia ma anak boru i. Didok Ia ma, “Pos ma rohamu inang! Madung dipalua haporsayaanmi ho!” Santongkin i manigor malum ma nyae ni anak boru i.

MATEUS 9:5

Dia do ummura dohonon ‘Madung nisesa dosamu?’, ulang pado mandok, ‘Jongjong ma ho, anso mardalan?’

MATEUS 9:6

Giot patidahononKu tu hamu na markuaso do di tano on Anak Ni Jolma i laho manyesa dosa.” Dung i didok Jesus ma tu na onyangon i, “Jongjong ma ho, oban podomanmi, kehe ma ho mulak!”

MARKUS 1:32

Potang arina i dung lusut mataniari, diparobani halak ma tu Jesus sude halak na marnyae dohot angka na hona setan.

MARKUS 10:49

Gabe maradian ma Jesus, didok Ia ma, “Piohon hamu jolo ia.” Jadi dipiohon halak ma bayo na mapitung i. Didok halahi ma tusia, “Patogu ma rohamu! Madung dipio Jesus ho. Jongjong ma ho!”

MARKUS 5:34

Gabe didok Jesus ma tu anak boru i, “Ale anakKu, haporsayaanmi do na paluahon ho. Kehe ma ho di bagasan hahorasan, jana malum ma dihilala ho!”

MARKUS 6:50

Gabe manyongkir ma halahi hara ni biarna. Harana sude do halahi marnida Ia, jana sude rap tarsonggot. Tapi manigor dipangkulingkon Jesus ma halahi, “Ulang hamu mabiar! Au do i.”

JOHANNES 16:33

Hudok pe i sudena anso marhasonangan do hamu harana di bagasan Au do hamu. Marhancit ma hamu baenon ni portibi on. Tapi sobar ma hamu! Madung Hutaluhon portibi on!”

JOHANNES 2:25

Nada porlu baenon ni halak hatorangan tuSia taringot tu jolma, harana diboto Ia sandiri do sanga aha na adong di bagasan roha ni jolma.

JOHANNES 21:5

Didok Jesus ma tu halahi, “Adong dehe ihan di hamu, dakdanak?” ning Ia. “Inda,” ninna halahi.

BAENON NI ANGKA RASUL 14:9

Juguk ma bayo i disi manangi-nangihon si Paulus na mandok hata i. Diida si Paulus porsaya do bayo i, jadi tarpamalum do ia. Jadi ditatap si Paulus ma tusia,

BAENON NI ANGKA RASUL 19:12

Hum sapu tangan pe sanga abit pangalilit ni gonting na jungada dipake si Paulus diboan tu angka halak na marnyae, manigor malum ma i jana angka tondi na jahat pe marmorotan ma sian halahi.

BAENON NI ANGKA RASUL 23:11

Borngin na mangihut i ro ma Tuhan jongjong di lambung ni si Paulus mandok, “Papos ma rohamu! Madung dilehen ho hasaksian taringot tu Au di Jerusalem. Angkon laing saksihononmu ma songon i di Rom muse.”

SURAT NI SI PAULUS TU PARLAGUTAN ROM 5:11

Tapi nada hum i sajo. Marmoga-moga muse ma hita di bagasan Debata, markite-hite Tuhanta Jesus Kristus, harana markite-hite Ia madung hita jagit saonnari pardamean i.

JAKOBUS 2:18

Tapi sugari adong na mandok, “Haporsayaan do di ho, pambaenan i di au. Antong patidahon ma di au haporsayaanmu na so mardongan pambaenan, jana hupatidahon di ho sian pambaenan do haporsayaanki.”