MATEUS 9:18 - BIBEL JAMITA NA DENGGAN

¹⁸ Dompak mangkata-hatai dope Jesus dohot anak sisean ni si Johannes i, ro ma sahalak pamimpin ni bagas paribadatan. Marsomba ma bayo i mandok hata tu Jesus, “On dope mate borungku, tapi ro ma jolo Ho manjamasa, anso mangolu ia.”

MATEUS 9:18 ပူးပေါင်းရင်းမြစ်များ

2 RAJA-RAJA 5:11

Umbege i, kehe ma si Naaman hara ni muruknia. Didok ia ma, “Ninna roha ruar ma ia sandiri mandapotkon au, manigor martangiang tu Tuhan, Debatania i dohot mangapuskon tangannia di pamatangniba na marnyae on anso malum.

MATEUS 14:33

Gabe unduk ma angka anak siseanNia na di parau i marsomba tu Jesus. “Tutu do Anak Ni Debata Ho, Tuhan!” ninna halahi.

MATEUS 15:25

Tapi haru pe na dung didok Jesus songon i, laing ro do anak boru i tu Jesus. Marsomba-somba ia mandok hatania, “O, Tuhan, urupi ma au,” ning ia.

MATEUS 17:14

Dung diulahi halahi mandapotkon halak na bahat i, ro ma sada bayo marsomba di jolo ni Jesus.

MATEUS 20:20

Dung i ro ma inang ni si Zebedeus rap dohot angka dakdanaknia tu Jesus. Unduk ma ia manyomba Jesus laho mangido sanga aha.

MATEUS 28:17

Dung i diida halahi ma Jesus disi, tungkap ma halahi manyomba Ia. Tapi adong dope deba sian halahi na ganggu dope rohana.

MATEUS 8:2

Jadi ro ma sada halak na huliton. Manungkap ma ia marsomba tu Jesus. Didok ia ma, “O, Tuan! Sugari ra Ho, tarpamalum Ho do au.”

MATEUS 8:25

Jadi disungguli anak siseanNia i ma Ia. Ninna halahi ma, “Ale, Tuhan! Palua ma hita, marmara ma hita!”

MATEUS 9:17

Songon i muse do, nada adong halak na mangusehon anggur na imbaru tu inganan na buruk harana gabe masibak do inganan na buruk i, gabe sabur anggur i. Boti ingananna i pe gabe sego. Muda anggur na imbaru angkon tu inganan na imbaru do i baenon. Anso rap jeges dua-duana.”

MATEUS 9:19

Jongjong ma Jesus, rap kehe dohot bayo i. Dohot muse ma anak siseanNia i.

MATEUS 9:24

didok Ia ma, “Ruar ma jolo hamu sude! Inda na mate dakdanak on. Na modom do i.” Dipartatai halahi ma Jesus.

LUKAS 13:14

Muruk ma kapala ni bagas paribadatan i, hara ni na nipamalum ni Jesus halak di Ari Sabat. Didok ia ma tu angka halak na disi, “Onom ari honokna markarejo hita, marroan ma di angka ari i na giot sipamalumon, ulang ma hatiha di Ari Sabat!”

LUKAS 18:18

Ro ma sahalak pamimpin marsapa tu Jesus, “Guru na denggan roha, aha dehe na angkon baenonku anso hutean hangoluan na so mantak i?”

LUKAS 7:2

Adong ma disi sahalak tentara Rom na pangkat. Adong muse do sahalak naposonia jana holong sajo do rohania midasa. Jadi marnyae ma naposonia i jabat giot mate.

JOHANNES 11:25

Dialusi Jesus ma, “Au do hangongot dohot hangoluan. Laing mangolu do sanga ise na porsaya tu Au haru pe na dung mate ia.

JOHANNES 11:32

Dung lalu si Maria tu inganan ni Jesus jana diida ia ma Jesus, marsinggang ma ia di jolo ni Jesus mandok, “O Tuhan, sugari dison Tuhan i, nada jabat mate ibotongki!”

BAENON NI ANGKA RASUL 13:15

Dung disise Buku Ni si Musa dohot Buku Ni angka Panurirang, disuru angka pamimpin ni ibadat na disi i ma betak adong na giot mandok hata di halahi. “Hamu ale angka dongan, betak na adong do sipaingotmunu tu angka halak na bahat on, dok hamu ma.”

BAENON NI ANGKA RASUL 28:8

Hatiha i topet do marnyae amangnia. Marun boti baro bunion. Jadi kehe ma si Paulus mangaligi na marnyae i, martangiang ma ia lalu dipayakkon ia tangannia tu uluna i, gabe malum ma nyae i.