MATEUS 9:17 - BIBEL JAMITA NA DENGGAN

¹⁷ Songon i muse do, nada adong halak na mangusehon anggur na imbaru tu inganan na buruk harana gabe masibak do inganan na buruk i, gabe sabur anggur i. Boti ingananna i pe gabe sego. Muda anggur na imbaru angkon tu inganan na imbaru do i baenon. Anso rap jeges dua-duana.”

MATEUS 9:17 ပူးပေါင်းရင်းမြစ်များ

JOB 32:19

Muda laing mangkohom iba, matapor noma da au, songon hadangan na bubung anggur na imbaru.

MASMUR 119:83

Markerut huling-kulingku songon inganan ni anggur na buruk, tapi anggo hatontuan na nibaenMu nada huhalupahon.

MATEUS 9:16

Nada didungkapkon halak abit na imbaru tu abit na buruk, harana, gabe disibak pandungkap i do abit na buruk i gabe mur bidang ma na masibak i.

MATEUS 9:18

Dompak mangkata-hatai dope Jesus dohot anak sisean ni si Johannes i, ro ma sahalak pamimpin ni bagas paribadatan. Marsomba ma bayo i mandok hata tu Jesus, “On dope mate borungku, tapi ro ma jolo Ho manjamasa, anso mangolu ia.”

MARKUS 2:22

Laing songon i muse do, nada diusehon halak anggur na imbaru tu inganan na buruk. Muda dibaen songon i, puntarkonon ni anggur i do ingananna i. Ujungna gabe dua-dua rap so marguna. Anggo anggur na imbaru angkon tu inganan ni anggur na imbaru do baenon.”

LUKAS 5:37

Songon i muse do, nada adong halak na mangusehon anggur na imbaru tu bobak na buruk, angke muda songon i sabur ma anggur i boti sego ingananna i.

LUKAS 5:38

Anggo anggur na baru angkon di inganan na imbaru do nisimpan!

JOSUA 9:4

Diputuskon halahi ma laho mamake tipu akal maradopkon si Josua. Kehe ma halahi mambuat sipanganon, jana dibobani halahi ma angka halode ni halahi dohot harung angka na dung buruk, dohot angka kantongan ni anggur na buruk-buruk na nibaen sian bobak.