MATEUS 9:16 - BIBEL JAMITA NA DENGGAN

¹⁶ Nada didungkapkon halak abit na imbaru tu abit na buruk, harana, gabe disibak pandungkap i do abit na buruk i gabe mur bidang ma na masibak i.

MATEUS 9:16 ပူးပေါင်းရင်းမြစ်များ

PAMUNGKAAN 33:14

Pajolo hamu ma da mardalan, hami deget-degeti pe sian pudi mangihutkon hamu. Intap ni na lobas huompoti pe mardalan rap dohot pahan-pahanan on dohot angka anakta on anso hudapoti ho di Edom.”

MASMUR 125:3

Nada sai torus markuaso anggo parjahat di tano ni angka halak na burju, anso ulang dohot muse na burju i mambaen na jahat.

JESAYA 40:11

Songon parmahan, disarihon Ia do na niparmahanNia, jana dipalagut Ia angka anak ni biri-biriNia; diabing Ia do halahi di tanganNia, lambok do ditogu Ia induk ni biri-biriNia.

MATEUS 9:15

Dialusi Jesus ma, “Bia do ninna rohamunu? Adong ma he ninna rohamunu tamu na marsak hatiha pesta mangupa na marbagas, salolot rap dohot halahi bayo pangoli i? Tapi muda dung dapot hatihana dibuat bayo pangoli i sian halahi, baru pe anso puaso halahi.

MATEUS 9:17

Songon i muse do, nada adong halak na mangusehon anggur na imbaru tu inganan na buruk harana gabe masibak do inganan na buruk i, gabe sabur anggur i. Boti ingananna i pe gabe sego. Muda anggur na imbaru angkon tu inganan na imbaru do i baenon. Anso rap jeges dua-duana.”

MARKUS 2:21

Nada adong halak mambaen abit na imbaru gabe pandungkap tu abit na buruk. Muda songon i dibaen ia, sibakkonon ni pandungkap na imbaru i do abit na buruk i. Mur bidang ma parsibakna i.

LUKAS 5:36

Dung i dipaboa Jesus ma umpama on tu halahi, “Nada adong sada halak pe na ra mangaribahi abit na imbaru giot mandungkapkonsa tu abit na dung buruk, muda binaen songon i sego ma abit na imbaru i, angke nada mardomu pandungkap na imbaru dohot abit na buruk i.

JOHANNES 16:12

Bahat dope nian na giot dokkononKu tu hamu, tapi anggo saonnari nada tuk dope gogomunu laho manjagit i.

1 KORINTUS 13:13

Jadi tinggal ma na tolu on: Haporsayaan, arop ni roha, dohot holong ni roha; tapi na gumodang sian na tolu i, holong ni roha do.

2 KORINTUS 9:12

Harana nada hum na manggohi hahurangan ni angka dongan sahaporsayaan sajo be pambaenanmunu na denggan i, tapi gabe mandok bahat tarimakasi ma halak tu Debata hara ni i.