MATEUS 9:13 - BIBEL JAMITA NA DENGGAN

¹³ Patangkas hamu ma jolo sanga aha do astuan ni hata on: ‘Mida asi ni roha do jop rohangKu, nada mida haul.’ Harana nada na giot mamiohon halak sibaen na tigor umbaen na ro Au, tapi na mamiohon pardosa do.”

MATEUS 9:13 ပူးပေါင်းရင်းမြစ်များ

PODA 21:3

Sumonang do roha ni Tuhan mida hatigoran dohot hatutuan ni pambaenanmu, ulang pado sasude na nihaulkonmu.

HOSEA 6:6

GiotKu nian ditanda hamu ma Au jana tongtong dihaholongi hamu, nada anso dihaulkon hamu haul tu Au.

MATEUS 12:3

Dialusi Jesus ma, “Na so jungada dehe disise hamu taringot tu karejo ni si Daud dompak male ia dohot dongannia sauduran i?

MATEUS 12:5

Sanga na so unjung dope disise hamu di Buku Tona, taringot tu pangalaosion ni angka malim di Ari Sabat di bagasan Bagas Ni Debata i, hape nada marsala halahi?

MATEUS 12:7

Tapi sugari diboto hamu sanga dia do astuan ni hata on: ‘Asi ni roha do giotKu, nada anggo na nihaulkon, tontu nada pola uhumonmunu halak na so marsala.

MATEUS 19:4

Dialusi Jesus ma, “Na so disise hamu dehe, anggo di mulana i halaklahi dohot dadaboru do halahi ditompa Ia?

MATEUS 21:42

Dung i ninna Jesus ma tu halahi, “Na so unjung dope tarsise hamu surat na di Buku Na Badia i? ‘Batu na niambungkon ni pande bagas i madung gabe batu parsuhi. Songon i ma pambaen ni Tuhan; sada pambaenan hahomangan di matanta.’ ”

MATEUS 3:2

“Pauba hamu ma rohamunu”, ning ia, “harana inda pola lolot be, pungkaon ni Debata ma padalankon pangarajaionNia!”

MATEUS 3:8

Baen hamu ma pangalaho na pataridahon na dung muba rohamunu, sian angka dosamunu.

MATEUS 4:17

Sian i ma dipungka Jesus marjamita mandokkon, “Pauba hamu ma rohamunu, dibaen madung donok Harajaan Ni Banua Ginjang.”

MARKUS 12:26

Dung i anggo taringot tu angka na mate i na dipangolu mangulahi, adong he na so jungada dope disise hamu di buku ni si Musa taringot tu ramba na gor i? Di angka ayat i adong do tarsurat na nidok ni Debata tu si Musa songon on, ‘Au do Debata ni si Abraham, Debata ni si Ishak dohot Debata ni si Jakob.’

MARKUS 12:33

Dung i, angkon holong do roha ni jolma mida Debata sian sude rohana, dohot sian sude pikiranna dohot sian sude na adong disia. Dung i muse angkon holong do roha di halak na asing songon na mangkaholongi diri niba sandiri. Dumengganan dope na songon i ulang pado na manghaulkon pahan-pahanan sanga angka haul na asing tu Debata di ginjang ni inganan parkaulan i.”

MARKUS 2:17

Dibege Jesus do sapa-sapa ni halahi i. Gabe dialusi Ia ma, “So na porlu doktor di halak na torkis. Hum di halak na marnyae do i. Ro pe Au, nada bagi na giot mamiohon angka halak na burju, tapi mamiohon halak pardosa do,” ning Ia.

LUKAS 10:26

Dialusi Jesus ma, “Bia dehe tarsurat di Buku Na Badia i? Aha do disise ho disi?”

LUKAS 19:10

Angke na giot manjalahi dohot paluahon angka halak na lilu do umbaen na ro Anak Ni Jolma i.”

LUKAS 24:47

Sada muse, tarsurat hian do angkon nijamitahon do tu sude bangso markite-hite goar ni Kristus i bahaso na giot ampunan ni Debata ma angka dosa muda dipauba jolma i rohana sian angka dosa ni halahi. Jana mamungka ma barita i sian Jerusalem on.

LUKAS 5:31

Dialusi Jesus ma, “Nada diporluhon halak na torkis pangubati; hum halak na marnyae do.

LUKAS 5:32

Nada giot mamiohon halak na tigor umaben na ro Au, tapi mamiohon si pardosa do anso di pauba rohana.”

JOHANNES 10:34

Dung i didok Jesus ma mangalusi, “Inda he tarsurat di Buku Tona i: Madung Hudok, ‘Angka debata do hamu’?

BAENON NI ANGKA RASUL 11:18

Jadi dung dibege halahi hata nangkinan i, nada be sai dialo halahi si Petrus. Dung i dipuji halahi ma Debata. Didok halahi ma, “Antong dipadohot Debata do halak na so marugamo Jahudi laho paubahon roha sian angka dosana be anso mangolu halahi.”

BAENON NI ANGKA RASUL 2:38

Dialusi si Petrus ma, “Pauba hamu ma rohamunu sian angka dosamunu. Jana angkon dipandidihon ma hamu ganop be di bagasan goar ni Jesus Kristus, anso nisesa sude dosamunu i. Dung i jagitonmunu ma silehen-lehen ni Debata, i ma Tondi Parbadia.

BAENON NI ANGKA RASUL 20:21

Sanga na tu halak Jahudi pe sanga na tu bangso na asing, sai tongtong do hupaingot anso dipauba halahi be rohana sian angka dosa ni halahi jana anso ro mandapotkon Debata bope anso porsaya tu Tuhan Jesus.

BAENON NI ANGKA RASUL 3:19

Hara ni i, pauba hamunu ma rohamunu sian angka dosamunu jana mulak ma hamu tu Debata, anso disesa Ia sude angka dosamunu i.

BAENON NI ANGKA RASUL 5:31

Jana madung dipabangkit Debata Ia markite tangan siamunNia gabe Pamimpin dohot Sipalua; anso marhamubaan ni roha dohot manjagit hasesaan ni dosa Israel i.

2 PETRUS 3:9

Nada tarlambat Debata mangalehen sanga aha na nijanjihonNia songon na nipikiran ni deba halak. Tapi sobar do Ia paadop-adop hamu, angke sahalak pe nada dihagioti Ia mago. GiotNia ulang so muba nian sude roha ni jolma sian angka dosana be.