MATEUS 9:12 - BIBEL JAMITA NA DENGGAN

¹² Dibege Jesus do na nisapaan ni halahi i gabe dialusi Ia ma, “Inda adong guna ni pangubati di na torkis. Di na marnyae do i.

MATEUS 9:12 ပူးပေါင်းရင်းမြစ်များ

MASMUR 147:3

Dipamalum Ia halak na marnyae roha, jana dibalut Ia angka bugangna.

MASMUR 41:4

Ningku do, “Mardosa maradopkon Ho do au ale Tuhan, ibo ma rohaMu di au jana pamalum ma au.”

MASMUR 6:2

Ibo ma rohaMu mida au, angke abis ma gogongku da Tuhan, pargogoi ma au, angke madung gale-gale au.

JEREMIA 17:14

Pamalum ma au Tuhan, anso gabe torkis au. Palua ma au, anso gabe malua au. Hum Ho do na hupasangap!

JEREMIA 30:17

Haru pe didok musumu, ‘Madung tarbuang Sion, jana nada adong na marnidasa,’ baenonKu horas hamu mangulahi, jana angka bugangmu Huubati.”

JEREMIA 33:6

Tapi pasuangonKu do muse pangalaho ni kota on dohot halakna; margogo do halahi mangulahi. LehenonKu do tu halahi hasonangan dohot hadamean na sumurung.

JEREMIA 8:22

Hara ni aha do ulaning bangsongku lopus saonnari matua laing so marnamalum? Adong he di sude Gilead na so adong be pangubati dohot ubat?

HOSEA 14:4

Anggo Asur nada margogo i paluahon hami, jana kudo porang pe nada tarbaensa mangurupi hami. Nada ra be hami manghobari dohot angka patung na hami baen i gabe debatanami. Ale Tuhan, holong do rohaMu di angka jolma na so adong sanga ise pe sipangasahononna.”

MATEUS 18:11

Harana, laho paluahon halak na lilu do umbaen na ro Anak Ni Jolma i!]

MARKUS 2:17

Dibege Jesus do sapa-sapa ni halahi i. Gabe dialusi Ia ma, “So na porlu doktor di halak na torkis. Hum di halak na marnyae do i. Ro pe Au, nada bagi na giot mamiohon angka halak na burju, tapi mamiohon halak pardosa do,” ning Ia.

LUKAS 5:31

Dialusi Jesus ma, “Nada diporluhon halak na torkis pangubati; hum halak na marnyae do.

LUKAS 8:43

Adong ma disi sahalak anak boru na sai ro bulanna ma jabat dua bolas taon. Madung abis sinadongannia dipake ia manggarari pangubati hape nada adong na tolapsa pamalumkon ia.

LUKAS 9:11

Jadi di na tarboto pangalaho i di halak na bahat, diihutkon halahi ma Jesus. Dijagit Jesus ma halahi, lalu dihobarkon Ia ma taringot tu Harajaan Ni Debata tu halahi. Laing dipamalum Ia muse dope angka halak na marnyae.

KOLOSSE 4:14

Dokter Lukas na tahaholongi i, dohot si Demas laing manongos tabe do tu hamu.