MATEUS 9:11 - BIBEL JAMITA NA DENGGAN

¹¹ Diida halak Parise ma halahi na mangan i. Jadi disapai halahi ma anak siseanNia i, ninna halahi ma, “Biasi ma he mangan Gurumunu i rap dohot panjagit pajak dohot angka pardosa?”

MATEUS 9:11 ပူးပေါင်းရင်းမြစ်များ

JESAYA 65:5

Dung i didok halahi ma tu halak na asing, ‘Kehe ho, padao; sun do badianami ulang ho dais tu hami!’ Au Tuhan, nada tahan Au paida-ida jolma sisongon i. Songon api na so ra mintop do muruk ni rohangKu maradopkon halahi.

MATEUS 11:19

Madung ro Anak Ni Jolma i – na mangan dohot na minum, jadi didok halahi, ‘Ligi ma jolo Bayo i! Na songkalan, hum na minum, didongan-dongani Ia angka sijagit pajak dohot angka pardosa.’ Tapi haru pe songon i, na bisuk do Debata. Tarida do habisuhonNia i sian angka pambaenanNia.”

MATEUS 5:46

Harana, muda hum halak na manghaholongi hamu do dihaholongi hamu, aha labo ni i di hamu? Nada he laing songon i do dikarejohon angka sitagi pajak i?

MATEUS 9:10

Jadi hatiha mangan Jesus di bagas ni si Mateus i, marroan ma angka panjagit pajak dohot angka pardosa. Dohot ma halahi mangan rap dohot Jesus dohot angka anak siseanNia i.

MARKUS 2:16

Jadi adong ma deba angka Siboto Surat na sian halak Parise na marnida Jesus, hatiha na mangan i Ia rap dohot angka sipanjagit pajak i songon i dohot halak na so ture i. Jadi disapai halahi ma angka anak siseanNia i, “Biasi mangan Jesus rap dohot angka sipanjagit pajak dohot angka halak na so ture?”

LUKAS 19:7

Mungut-ungut ma sude halak marnida pangalaho i. Didok halahi ma, “Kehe do Ia masuk tu bagas ni halak pardosa!”

LUKAS 5:30

Jadi mungut-ungut ma angka halak Parise dohot angka Siboto Surat, gabe didok halahi ma tu angka anak sisean ni Jesus, “Biasi rap mangan minum hamu sudena dohot sitagi-pajak dohot angka na nietong ni halak jolma na so ture?”

BAENON NI ANGKA RASUL 11:3

“Biasi kehe ho tu bagas ni halak na so marsunat? Mangan muse dope ho rap dohot halahi!”

GALATIA 2:15

Nian halak Jahudi do hami sian hasosorangnami, jana nada sian bangso na asing na indohan “na mardosa i”.

IBRANI 5:2

Laing gale do Malim Godang i di ragam-ragam ni pangalaho, tapi haru songon i pe laing tarbaen ia muse dope marlambok ni roha maradopkon angka halak na so umboto sanga aha jana na lilu pardalananna.

2 JOHANNES 1:10

Hara ni i, muda adong halak na ro jana manjamitahon tu hamu pangajaran na so niajarkon ni Kristus, ulang ma jagit hamu halakna i di bagasmunu; jana ulang dok hamu “Horas” tu halahi.