MATEUS 8:9 - BIBEL JAMITA NA DENGGAN

⁹ Harana au pe, angkon oloanku do hata ni kapalangku. Ditoru ni pangkatku pe adong do angka tentara, angkon oloan ni halahi do na hudok. Muda hudok tu na sada, ‘Kehe ho!’, kehe do ia. Husuru na asing, ‘Ro tuson!’ ro do ia. Huparenta do naposongku, ‘Songon on baen!’ dibaen ia do i.”

MATEUS 8:9 ပူးပေါင်းရင်းမြစ်များ

MASMUR 119:91

Sandok na adong saonnari, hara ni parentaMu do i adong, harana angka naposoMu do i sudena.

MASMUR 148:8

ale hilap dohot ambolas, es dohot ombun, halingsungsung na mangoloi parenta ni Tuhan!

MATEUS 8:10

Dung dibege Jesus hata ni tentara na pangkat i, homang ma rohaNia. Gabe didok Ia ma tu halahi na mangihutkon Ia, “Tangihon hamu ma jolo! Nada unjung dope Au marsuo dohot haporsayaan na songon on godangna di tonga-tonga ni halak Israel.

MATEUS 8:8

“Inda pola ale Tuan,” ninna tentara na pangkat i, “Mabiletu do au manjagit Tuan i di bagasku, hum sahata sajo pe dokkon, manigor malum ma nyae ni naposongki.

MARKUS 1:27

Homang ma roha ni halahi sude jabat marsipandohonan halahi sama halahi, “Aha dehe na masa on? Pangajaran na imbaru do on! Marsahala do Ia jana margogo paorot angka tondi na jahat, jana mangoloi do tuSia!”

LUKAS 4:39

Jadi, jongjong ma Ia di lambung ni dadaboru i, jana disonggak Ia ma nyae i. Dung i ditadingkon nyae i ma ia, manigor jongjong ma dadaboru i mangoloi halahi.

LUKAS 7:8

Harana au sandiri pe tunduk do tu parenta ni atasan, songon i muse adong do di torungku angka soridadu na tunduk tu parentangku. Muda huparentahon tu sada soridadu, ‘Kehe!’ angkon kehe do: Jana muda hudok tu soridadu na asing, ‘Ro tuson!’ ia pe angkon ro do. Jana muda hudok tu naposongku, ‘Baen on!’ angkon dibaen ia i.”

LUKAS 9:1

Dipiohon Jesus ma siseanNia sidua bolas halak i marlagut. Dilehen Ia ma gogo dohot kuaso tu halahi giot mangusir tondi na jahat dohot pamalum nyae.

KOLOSSE 3:22

Hamu angka hatoban! Sanga na bia pe, oloi hamu ma tuanmunu na di tano on. Ulang ma hum hatiha dijagoi halahi hamu, mangoloi hamu tu halahi, anso dapotan pujian hamu sian halahi. Sian rohamunu ma oloi hamu halahi, hara ni biar mida Tuhan.

TITUS 2:9

Angka hatoban angkon mangoloi do tu tuanna, jana di sude pangalaho angkon pasonangon ni halahi ma roha ni tuanna. Nada tola halahi mangalo na nidok,