MATEUS 8:8 - BIBEL JAMITA NA DENGGAN

⁸ “Inda pola ale Tuan,” ninna tentara na pangkat i, “Mabiletu do au manjagit Tuan i di bagasku, hum sahata sajo pe dokkon, manigor malum ma nyae ni naposongki.

MATEUS 8:8 ပူးပေါင်းရင်းမြစ်များ

PAMUNGKAAN 32:10

Nada patut au manjagit sude holong ni roha dohot haburjuon na dung nipatuduhonMi tu au di na kehe au manaripari Batang aek Jordan, nada maroban bagi aha au asing sian tungkotku. Saonnari ro au mangulahi rap dohot na dua rombongan on.

MASMUR 10:17

Tuhan, ditangihon Ho do tangiang ni halak na bile, jana dipagodang Ho do roha ni halahi be.

MASMUR 107:20

Dipamalum Ia halahi i dohot parentaNia, jana dipalua Ia halahi i sian kuburan.

MASMUR 33:9

Angke mandok hata Ia, gabe tarjadi ma sasudena dibaen Ia parenta, gabe adong ma sasudena.

BILANGAN 20:8

“Buat ma tungkot na di Poti Parjanjian i, dung i rap ma ho dohot si Harun palagutkon sude bangso i. Mangkatai ma ho di jolo ni halahi sude tu batu na godang na disi, dung i gabe mamancur ma aek haruar sian batu i. Marhite i gabe tarparuar ho aek sian batu na godang i anso minum sude halahi dohot pahan-pahanan ni halahi.”

MATEUS 3:11

Anggo au, aek do hudidihon tu hamu. I ma pataridahon na dung muba rohamunu sian angka dosamunu. Tapi anggo na giot ro i di pudingku, Tondi Na Badia dohot api do didihononNia tu hamu. Gumodang dope Ia sian au. Hum mambuka tali ni sipatuNia pe tehe nada tuk dope au.

MATEUS 3:14

Tapi ditulak si Johannes do pangidoanNia i. Ning ia ma, “Au do na patut didihononMu! Jana biasi Ho ro tu au?”

MATEUS 8:3

Disurduhon Jesus ma tanganNia laho manjama bayo i. Didok Jesus ma tusia, “Ra do Au, malum ma ho!” Santongkin i mago ma nyaena i jana manigor malum.

MATEUS 8:7

“Denggan,” ninna Jesus, “Ro pe Au pamalum ia.”

MATEUS 8:9

Harana au pe, angkon oloanku do hata ni kapalangku. Ditoru ni pangkatku pe adong do angka tentara, angkon oloan ni halahi do na hudok. Muda hudok tu na sada, ‘Kehe ho!’, kehe do ia. Husuru na asing, ‘Ro tuson!’ ro do ia. Huparenta do naposongku, ‘Songon on baen!’ dibaen ia do i.”

LUKAS 15:19

Na so tama be dohononmu au anakmu. Etong ma au amang songon sada parkarejomu.’

LUKAS 15:21

Didok ia tu amangnia i, ‘O amang, madung mardosa au adop Debata bope maradopkon damang. Nada tama be didok au anak ni damang.’

LUKAS 5:8

Dung diida si Simon songon i, marsomba ma ia di jolo ni Jesus mandok hata, “Ulang donok Ho tu au, Tuhan! Pardosa do au!” ning ia.

JOHANNES 1:27

Umpudi dope Ia ro ulang au, tapi mangkarhari tali ni sipatuNia pe, nada tama dope au.”