MATEUS 8:5 - BIBEL JAMITA NA DENGGAN

⁵ Di na masuk Jesus tu kota Kapernaum, ro ma sada halak tentara na marpangkat mandapotkon Jesus mangido tolong tuSia.

MATEUS 8:5 ပူးပေါင်းရင်းမြစ်များ

MATEUS 11:23

Dohot ho, kota Kapernaum! Giot pagincaton ma ho lakna lalu tu banua ginjang? Nada! Tu narako do ho ambungkononkon! Sugari sura di kota Sodom dibaen angka tanda hahomangan na nibaen ditonga-tongami, laing adong dope kota i lopus sadari on!

MATEUS 27:54

Mabiar ma komandan i rap dohot angka parajurit i na manjagoi Jesus dung diida halahi lalo i dohot sude na masa i. Didok halahi ma, “Tutu do Ia on Anak Ni Debata!”

MATEUS 4:13

Ditadingkon Ia ma kota Nasaret, kehe ma Ia maringanan tu kota Kapernaum. I ma sada kota di topi ni Dano Galilea na masuk tu Luat Zebulon dohot Naftali.

MATEUS 9:1

Marparau ma Jesus laho manaripari dano i, giot mulak tu hutaNia.

MARKUS 15:39

Dipanotnoti komandan na jongjong di jolo ni parsilang i do sanga tarbia pangangguk ni Jesus dohot parmateNia i. Didok komandan i ma, “Tutu do bayo on Anak Ni Debata!”

MARKUS 2:1

Dung adong piga-piga ari, mangulahi ma Jesus tu Kapernaum. Tarboto ma tu halak hape na dung di bagasan bagas do Ia.

BAENON NI ANGKA RASUL 22:25

Haru pe na dung dirahut si Paulus laho mangaloncing ia, laing mandok hata dope ia tu perwira na jongjong i disi, “Tola do tehe niloncingan mangihutkon undang-undang sada halak warga negara Rom dompak so nitimbang parkarona?” ning ia.

BAENON NI ANGKA RASUL 23:17

Manigor dipiohon si Paulus ma sahalak perwira, didok ia ma, “Boan hamu ma jolo bayo on tu komandan i; adong na giot sipaboaonnia tu komandan i.”

BAENON NI ANGKA RASUL 23:23

Dung i dipio komandan i ma dua halak perwira, didok ia ma tu halahi, “Pasingkop hamu dua ratus halak parajurit rap dohot pitu pulu halak tentara parkudo dohot dua ratus halak tentara sitiop hujur anso kehe borngin on pukul sambilan tu Kaisarea.

BAENON NI ANGKA RASUL 27:13

Songon na purpur dope hatiha i haroro ni alogo sian sabola Selatan. Ninna roha ni parkapal i, na dung denggan ma tarbaen marlayar mangulahi. Jadi dibuat halahi ma sao i, dipatorus halahi ma marlayar manopi-nopi pulo Kreta.

BAENON NI ANGKA RASUL 27:31

Hara ni i, ninna si Paulus ma mandok tu perwira dohot angka soridadu i, “Muda nada tinggal halahi di kapal on, nada tarbaen hamu malua.”

BAENON NI ANGKA RASUL 27:43

Tapi diantahi perwira i do maksud ni tentara i hara ni na giot paluahon si Paulus ia. Disuru ia ma marlange sude mangambur sanga na ise na malo marlange anso dilangei halahi manigor tu darat;

BAENON NI ANGKA RASUL 9:38

Nada pola sadia dao dope Jope sian Lida. Jadi dung dibege angka sisean ni Jesus na di Jope, na topet do si Petrus di Lida, disuruhon halahi ma dua halak mandapotkon si Petrus marhite pangidoan, “Patibu ma ro tu inganannami.”