MATEUS 8:4 - BIBEL JAMITA NA DENGGAN

⁴ Dung i didok Jesus ma tusia, “Ingot ma! Ulang caritohon na masa on sanga na tu ise pe. Tapi kehe ma ho manopot malim, patidahon ma dirimu. Jadi lehen ma haulmu hombar tu na nidok ni si Musa, anso diboto halak na dung malum ho!”

MATEUS 8:4 ပူးပေါင်းရင်းမြစ်များ

JESAYA 42:21

Tuhan marpor ni roha mambaen anso malua, mangalehen pangajaranNia na godang jana marmulia.

HAMALIMON 13:49

Muda rata-rata do tompa ni lapuk i sanga rara-rara, i ma tandana na dung mabidang na lapuhon i, angkon patidahononkon do i tu malim.

MATEUS 10:18

Boanon ni halahi ma hamu tu jolo ni angka parkuaso dohot tu jolo ni raja-raja hara ni na mangihutkon Au. Jana i ma hatiha hadenggananna di hamu laho manyaksihon Au tu halahi dohot tu halak na so mananda Debata dope.

MATEUS 16:20

Dung i ditonai Ia ma angka anak siseanNia i anso ulang dipaboa-boa halahi sanga na tu ise pe, paboa na Ia do Kristus i.

MATEUS 17:9

Hatiha manuat halahi sian dolok i, dipaingot Jesus ma halahi, “Salolot so dipangot sian na mate dope Anak Ni Jolma i, ulang paboa-boa hamu sanga na tu ise pe sanga aha na niidamunu nangkin.”

MATEUS 3:15

Tapi dialusi Jesus ma, “Padiar ma songon i! Harana patut do oloanta sude aturan na nihalomohon ni Debata.” Jadi dididihon si Johannes ma Jesus.

MATEUS 5:17

“Ulang ninna rohamunu, na giot mansoadahon angka Tona ni ugamo Jahudi na niajarkon ni si Musa dohot panurirang-panurirang i, umbaen na ro Au. Nada na giot mangagohon i umbaen na ro Au, tapi na giot mambaen sanggam do.

MATEUS 6:1

“Ingot hamu ma! Unang baen hamu na niwajibkon ni ugamo di jolo ni na bahat, anso diida halak hamu. Muda songon i do dibaen hamu, nada lehenon di hamu upa na sian Amangmunu na di banua ginjang i.”

MATEUS 9:30

Gabe marnida ma mata ni halahi. Jadi dipaingot ma halahi, tangkas digogohon Ia anso ulang dipaboa-boa halahi pangalaho i sanga na tu ise pe.

MARKUS 13:9

Angkon jamot do hamu, angke tangkupon do hamu, obanon tu rapot ugamo. Dibalbali halahi ma hamu di angka bagas paribadatan. Obanon ma hamu mangadop tu jolo ni angka parkuaso dohot raja-raja hara ni Au. Anso gabe hasaksian ma i taringot tu goarKu di halahi sude.

MARKUS 3:12

Tapi dipaksa Jesus do anso ulang dipaboa-boa tu halak, sanga ise Ia.

MARKUS 5:43

Tapi gomos ma dipaingot Jesus halahi sude anso ulang dipaboa-boa pangalaho na masa i sanga na tu ise pe. Dung i disuru Ia ma anso dilehen halahi mangan dakdanak i.

MARKUS 6:11

Tapi muda lalu hamu tu sada inganan hape inda ra halak na disi i manjagit hamu dohot manangihon hamu, morot ma hamu sian inganan i. Paspaskon hamu ma abuan na di palakpak ni patmunu i gabe songon parningotan di halahi!”

MARKUS 7:36

Dung i dirarang Jesus ma halahi sude anso ulang dipaboa pangalaho i sanga na tu ise pe. Tapi mur dirarang Jesus, mur dipaboa-boa halahi do.

MARKUS 8:30

Dung i dipaingot Ia ma halahi, anso ulang dipaboa-boa halahi sanga na tu ise pe taringot tu diriNia.

MARKUS 9:9

Dung i manuat ma halahi sian dolok i. Dompak na manuat i halahi didok Jesus ma songon on tu halahi, “Anggo so mulak mangolu dope Anak Ni Jolma i sian hamatean, ulang paboa hamu sanga na tu ise pe sude na niidamunu nangkin.”

LUKAS 17:14

Dung diida Jesus halahi, didok Ia ma, “Kehe ma hamu patidahon dirimunu tu angka malim.” Dompak na mardalan i halahi malum ma nyaena i.

LUKAS 21:13

Jadi i ma hatiha na denggan di hamu laho manyaksihon Jamita Na Denggan na sian Debata i.

LUKAS 4:41

Angka setan pe marmorotan ma sian pamatang ni bahat halak, huhut marsurak-surak, “Anak Ni Debata do Ho!” Tapi disonggak Jesus ma halahi jana nada dipaloas Ia halahi mangkatai, angke diboto halahi do bahaso Ia do Kristus i.

LUKAS 5:14

Dung i dilarang Jesus ma bayo i anso ulang dicaritohon ia taringot tusi sanga na tu ise pe. Torus tu malim do disuru Jesus bayo i. “Pangido ma anso dipareso malim ho, dung i kehe ma ho pasahatkon haul hombar tu na nitontuhon ni si Musa laho patandahon tu halak na bahat, bahaso na dung malum ho.”

LUKAS 8:56

Homang sajo ma roha ni natoras ni dakdanak i. Tapi dirarang Jesus ma halahi anso ulang dipaboa-boa na masa i sanga na tu ise pe.

LUKAS 9:21

Dung i didok Jesus ma tu angka siseanNia i, “Ulang paboa-boa hamu sanga aha taringot tusi sanga na tu ise pe.

JOHANNES 5:41

Nada Hujalahi pujian sian jolma.

JOHANNES 7:18

Anggo halak na marroha-roha mandok hatana, na manjalahi sangap tu dirina sajo do i. Tapi anggo halak na manjalahi sangap tu na marsuru ia, i ma halak na tigor; nada adong gabus disia.

JOHANNES 8:50

Nada manjalahi sangap tu diringKu sandiri Au. Adong do Sada na manjalahisa jana Ia do na manguhumi.