MATEUS 8:34 - BIBEL JAMITA NA DENGGAN

³⁴ Jadi ro ma halak kota i mandapotkon Jesus. Jadi dung diida halahi Ia, gomos ma dipangido halahi anso kehe Jesus sian luat ni halahi i.

MATEUS 8:34 ပူးပေါင်းရင်းမြစ်များ

1 RAJA-RAJA 17:18

Jadi didok na mabalu i ma tu si Elia, “O naposo ni Debata, biasi ma he angkon ro ho amang tuson jana i ma mambaen tarsunggul Debata di dosangku umbaen lopus mate anakki?”

1 RAJA-RAJA 18:17

Dung diligi si Ahab si Elia, didok ma tu ibana: “Ho dehe na manggaori Israel?”

JOB 21:14

Hape nian didok halahi do tu Debata, ‘Padao ma sian hami, kehe ma Ho da! Nada pardulinami jana nada ra hami mangastui, sanga aha na di rohaMi bope hagiotMu salaho tu ngolunami.’

JOB 22:17

Halahi ma da na puluk manulak Debata, jana na mangetong di bagasan rohana na so tarbaen Ia tu halahi sanga na aha.

AMOS 7:12

Dung i didok si Amasia ma tu si Amos, “Mulak ma ho panurirang tu Juda! Disi ma ho marjamita. Halahi ma mangalehen balanjomu!

MATEUS 8:29

Jadi marsurak ma halahi na dua ninna halahi ma, “O, Anak Ni Debata, na giot bia do baenonMu hami? Betak na giot siksaonMu ma hami? Na he nada dope dapot hatihana?”

LUKAS 5:8

Dung diida si Simon songon i, marsomba ma ia di jolo ni Jesus mandok hata, “Ulang donok Ho tu au, Tuhan! Pardosa do au!” ning ia.

LUKAS 8:28

Di na niidania Jesus, mangangguhi ma ia jana marsomba di jolo ni Jesus, marsurak ma ia, “O, Jesus Anak Ni Debata Na Guminjang! Na giot mahua do Ho tu au? Gomos ma hupangidohon, ulang ma parkanciti au!”

BAENON NI ANGKA RASUL 16:39

Dung i kehe ma halahi mangido maap tu si Paulus dohot si Silas, jana ditaruhon halahi ma sidua halak i ruar sian hurungan i; dipangidohon halahi muse ma anso laing morot halahi na dua sian kota i.

PANGARATAION 5:25

Hapengani tu aha dope angkon sai porangkononnami hosanami? Na giot abiskonon ni api na jorbut i ma hami. Anggo ning rohanami na mate ma hami muda hami bege Tuhan Debatanami mangkuling mangulahi.

1 SAMUEL 16:4

Dibaen si Samuel ma songon na nidok ni Tuhan i. Disi lalu ia di Betlehem, dialo-alo angka pamimpin ni kota i ma ia tarsonggot be jana disapai halahi ma, “Na maroban hahorasan dehe ulaning haroro ni ompu i?”