MATEUS 8:29 - BIBEL JAMITA NA DENGGAN

²⁹ Jadi marsurak ma halahi na dua ninna halahi ma, “O, Anak Ni Debata, na giot bia do baenonMu hami? Betak na giot siksaonMu ma hami? Na he nada dope dapot hatihana?”

MATEUS 8:29 ပူးပေါင်းရင်းမြစ်များ

2 SAMUEL 16:10

Tapi didok raja i ma tu si Abisai dohot si Joab angkangna i, “Ulang antoi hamu. Padiar hamu sajo ma ia mamurai au. Harana betak na Tuhan do na marsuru ia ise ma na patut manyapai ia sanga na hara ni aha dibaen ia songon i?”

2 SAMUEL 19:22

Tapi mangkuling ma si Daud tu si Abisai dohot si Joab, mandok, “Ulang manganto-antoi hamu. Biasi arsahanmunu au? Di ari sadari on mulak au gabe raja di Israel, jana nada adong tola halak Israel na mate hona uhum.”

1 RAJA-RAJA 17:18

Jadi didok na mabalu i ma tu si Elia, “O naposo ni Debata, biasi ma he angkon ro ho amang tuson jana i ma mambaen tarsunggul Debata di dosangku umbaen lopus mate anakki?”

2 RAJA-RAJA 3:13

“Aha urusanku tu ho?” ning si Elisa tu raja ni halak Israel i. “Tu angka panurirang ni amangmi ma ho kehe.” “Nada!” ning si Joram mangalusi. “Angke na nisangkap ni Tuhan do laho pasahatkon hami na tolu tu raja Moab.”

2 JUJUR TAON 35:21

tapi ditongos si Neko ma barita songon on tu si Josia, “Nada mardais tu ho, raja ni Juda, porang on! Nada ho na hualo umbaen na ro au, tapi na giot mangalo angka musungku do, jana disuru Debata do au anso huompoti sude. Debata do mandongani au, hara ni i ulang ambati au, dironcohon Ia lalu ho.”

JOEL 3:4

Na giot bia do baenonmu Au, ale Tirus, Sidon, dohot sandok Luat Pilistin? Na giot palalu hosom dehe ho tu Au? Jagit ma pamalosonKu na tompu harorona muda dibaen ho na songon i.

MATEUS 4:3

Ro ma Sibolis i didok ma tuSia, “Muda Anak Ni Debata do Ho, dokkon ma tu angka batu on anso gabe roti.”

MATEUS 8:30

Nada sadia dao sian i, adong ma sahulanan babi na topet mangugei.

MARKUS 1:24

“Na giot mambaen bia do Ho tu hami, o Jesus halak Nasaret? Betak na giot mamatehon hami do Ho? Hutanda do sanga ise Ho: Suruan na badia ni Debata do Ho!”

MARKUS 3:11

Angka halak na hona setan pe muda marsuo dohot Ia, angkon manigor manungkap marsomba-somba di joloNia mangangguhi, “Anak Ni Debata do Ho!” ninna be.

MARKUS 5:7

Gogo ma didokkon ia, “Jesus, Anak Ni Debata Na Gumincat! Na giot mambaen bia do Ho tu au? Mangasahon Debata, mangido au, ulang ma parkanciti au!” (

LUKAS 4:34

“O Jesus halak Nasaret, na giot mambaen bia do Ho tu hami? Adong he na giot mangagohon hami do Ho? Huboto do sanga ise Ho: Na Badia do Ho sian Debata!”

LUKAS 4:41

Angka setan pe marmorotan ma sian pamatang ni bahat halak, huhut marsurak-surak, “Anak Ni Debata do Ho!” Tapi disonggak Jesus ma halahi jana nada dipaloas Ia halahi mangkatai, angke diboto halahi do bahaso Ia do Kristus i.

LUKAS 8:28

Di na niidania Jesus, mangangguhi ma ia jana marsomba di jolo ni Jesus, marsurak ma ia, “O, Jesus Anak Ni Debata Na Guminjang! Na giot mahua do Ho tu au? Gomos ma hupangidohon, ulang ma parkanciti au!”

JOHANNES 2:4

Dialusi Jesus ma, “Aha do na dihagiotimu sian Au, inang? Napodo dapot dope hatihangKu.”

BAENON NI ANGKA RASUL 16:17

Sai dipaihut-ihut anak boru i ma si Paulus dohot hami, marsurahi ma ia, “Naposo ni Debata na gumogo i do halak on! Ro pe halahi, na giot paboahon dalan haluaan do tu hamu ale angka dongan!” ning ia.

JAKOBUS 2:19

Nada he porsaya do ho hum sada do Debata? Denggan do i! Tapi setan i pe porsaya do jana humitir halahi hara ni biarna!

2 PETRUS 2:4

Haru angka surusuruan na mardosa pe nada dipatola Debata malua sian uhuman, tapi ambungkonon do i tu narako. Pamasuhon do halahi tu inganan na golap anso tarhurung disi lopus tu Ari Paruhuman.

JUDAS 1:6

Laing ingot hamu ma angka surusuruan na so mangargahon jabatan ni halahi, na gabe kehe halahi manadingkon ingananna. Dipasung Debata do angka surusuruan i dohot hayu na so ra sego salolot-lolotna, di inganan na golap situtu. Torus ma halahi disi ditahan lopus nidabu uhum tu halahi di Ari na godang i.

HAKIM-HAKIM 11:12

Dung salpu i diutus si Jefta ma halak mandapotkon Raja Amon laho mandok songon on, “Aha lakna salanami umbaen jabat diporangi hamu luatnami?”