MATEUS 8:28 - BIBEL JAMITA NA DENGGAN

²⁸ Lalu ma Jesus tu ipar ni dano i, i ma di Luat Gadara. Jadi ro ma dua halak na hona setan mangalo-alo Ia. Jana manggasa-gasa ma idaon na dua i sian liang ni kuburan na disi. Nada adong halak na puluk mamolus sian i.

MATEUS 8:28 ပူးပေါင်းရင်းမြစ်များ

PAMUNGKAAN 10:16

Laing di Kanaan muse do ompu ni halak Jebusi, halak Amori dohot halak Gergasi,

PAMUNGKAAN 15:21

Amori, Kanaan, Girgasi dohot Jebus.”

MATEUS 4:24

Tarbonggal do Jesus lalu tu tano Siria sude, gabe bahat ma marroan halak tuSia. Diparobani halak ma angka na marnyae dohot halak na marragam rupa hasusaanna. Adong ma i na hona begu, adong na solpoton, adong na pangpangon. Sude halahi dipamalum Jesus.

MATEUS 8:27

Homang ma roha ni halahi sude na disi. Didok halahi, “Halak na bia dehe Ia on, alogo dohot ombak pe tunduk do tuSia!”

BAENON NI ANGKA RASUL 10:38

Diboto hamu do, na dung dipili Debata do Jesus halak Nasaret i, jana dilehen tuSia Tondi Parbadia dohot kuaso. Laing diboto hamu do, na dung mardalani Jesus i tudia-tudia mambaen na denggan; dipamalum Ia sudena halak na nitaluhon ni Sibolis, angke didongani Debata do Ia.

PANGARATAION 7:1

“Giot obanon ni Tuhan Debatamu ma ho tu tano siingananmu jana paorotonNia ma bahat bangso sian i. Di jolo ni matamu ayahonNia ma pitu bangso na gumodang jana na gumogo sian ho: Halak Het, Girgasi, Amori, Kanaan, Peris, Hewi dohot Jebus.

HAKIM-HAKIM 5:6

Di hatiha ni si Samgar anak ni si Anat, songon i di hatiha ni si Jael, nada adong pardalan-dalan be di luat on, soada pardalanan di dalan godang.