MATEUS 8:26 - BIBEL JAMITA NA DENGGAN

²⁶ Ninna Jesus ma tu halahi, “Ale hamu na menek haporsayaan, biasi he mabiar hamu?” Dung i jongjong ma Jesus manyonggak alogo dohot ombak i. Gabe so ma manigor alogo i.

MATEUS 8:26 ပူးပေါင်းရင်းမြစ်များ

MASMUR 65:7

Dipademak Ho do pardobur ni laut dohot pangamuk ni ombak, dipasonang Ho do hagaoran ni angka bangso.

MASMUR 89:9

Dirajai Ho do laut na sai gumaluncang dipademak Ho do panggasa-gasa ni galumbang.

JESAYA 63:12

Di dia do na mandongani si Musa marhite tanganNa na gogo marmulia, jana na mambola aek di jolo ni bangsoNia anso tarbarita goarNia?

NAHUM 1:4

Diondam Ia laut jana dipahiang Ia, sude batang aek di pahiang Ia. Gabe harsang Dolok Karmel dohot angka padang na di Basan jana di Libanon malos ma sude angka bunga.

HABAKUK 3:8

Maradopkon angka batang aek ma he? Maradopkon angka batang aek ma he hamumurukMu? Dipanaek Ho do ombun songon tompangan, di na nilehenmu di bangsoMu hamonangan.

MATEUS 16:8

Diboto Jesus do sanga aha na nihataan ni halahi i. Gabe didok Ia ma, “Biasi taringot tu na so maroban roti dihatai hamu? Na hurang porsaya do hamu!

MATEUS 17:20

Dialusi Jesus ma, “Angke hurang porsaya hamu. Ingot hamu ma! Sugari sagodang ni batu ni sabi pe adong haporsayaanmunu, tardok hamu do tu dolok on, ‘Morot ma ho sian on tu sadu!’ angkon pinda do dolok i. Jana nada adong sanga aha pe na so tarpatupa hamu! [

MATEUS 6:30

Songon i ma jegesna dihobasi Debata angka duhut na di padang-padang i, i ma na tubu sadari on, tapi ancogot ambungkononkon ma i, dung i nitutung. Muda dihobasi Debata do ruput i songon i, mur ma hamu! Tapi, magaletu do haporsayaanmunu!

MATEUS 8:27

Homang ma roha ni halahi sude na disi. Didok halahi, “Halak na bia dehe Ia on, alogo dohot ombak pe tunduk do tuSia!”

LUKAS 4:35

Disonggakkon Jesus ma tondi i. “Sip!” ninna Jesus, “Morot ma sian bayo on!” Dung i diompaskon setan i ma bayo i di jolo ni halahi sude, dung i ruar ma ia sian bayo i. Nada jabat mahua bayo i nian.

SURAT NI SI PAULUS TU PARLAGUTAN ROM 4:20

Laing tongtong do ia porsaya jana nada ganggu rohania di janji ni Debata i. Mur dipargogoi haporsayaannia i muse dope ia laho pasangapkon Debata.

HALUMBAAN 10:2

Adong ma di tanganna i sada balunan buku na menek na ungkap. Patnia siamun i mandege laut, jana patnia siambirang i mandege darat.