MATEUS 8:25 - BIBEL JAMITA NA DENGGAN

²⁵ Jadi disungguli anak siseanNia i ma Ia. Ninna halahi ma, “Ale, Tuhan! Palua ma hita, marmara ma hita!”

MATEUS 8:25 ပူးပေါင်းရင်းမြစ်များ

2 JUJUR TAON 14:11

Jadi martangiang ma si Asa tu Tuhan Debatania, “Tuhan, hum Ho do na tarbaen mangurupi na gale maradopkon na gogo. Urupi ma hami saonnari, ale Tuhan Debatanami! Marpangunsandean tu Ho do hami jana mangasahon goarMu haruar ma hami marporang mangalo pasukan na santak bahat on. Tuhan, Ho do Debatanami. Ulang ma padiar diriMu ditaluhon sada jolma.”

2 JUJUR TAON 20:12

Ho do Debatanami! Ho ma manguhumi halahi, dibaen nada margogo anggo hami mangadopi tentara na bahat i na giot mamorangi hami. Nada hami boto be sanga na aha sibaenonnami, jadi hara ni i ro ma hami mangido tolong tu Ho.”

MASMUR 10:1

Biasi songon i daoMu o Tuhan, jana martabuni Ho taran hami di hasusaan?

JUNUS 1:6

Jadi di na mijur nakhoda ni kapal i tu toru, didapot ia ma si Junus disi hatiha modom. Jadi didok ia ma, “Laing tarbaen ho dope antong modom ma pola songon on na masa! Ngot ho! Martangiang ma ho tu Debatamu laho mangido tolong. Nada binoto betak sai ibo rohaNia tu hita gabe dipalua hita.”

MATEUS 8:2

Jadi ro ma sada halak na huliton. Manungkap ma ia marsomba tu Jesus. Didok ia ma, “O, Tuan! Sugari ra Ho, tarpamalum Ho do au.”

MATEUS 8:24

Tompu ma ro alogo na lobi gogo di dano i gabe ditondong ombak ma parau i. Topet do hatiha modom Jesus di na ro alogo i.

MATEUS 9:18

Dompak mangkata-hatai dope Jesus dohot anak sisean ni si Johannes i, ro ma sahalak pamimpin ni bagas paribadatan. Marsomba ma bayo i mandok hata tu Jesus, “On dope mate borungku, tapi ro ma jolo Ho manjamasa, anso mangolu ia.”

LUKAS 8:24

Kehe ma angka siseanNia i mandapotkon Jesus mangngoti Ia. Ning halahi ma, “O, Guru! Guru! Marmara ma hita on!” Ngot ma Jesus, digorahon Ia ma alogo dohot aek ni dano na marombak i. Alogo i pe dohot aek ni dano i nada marombak be jana gabe so ma sudena.