MATEUS 8:22 - BIBEL JAMITA NA DENGGAN

²² Tapi dialusi Jesus ma, “Ihutkon ma Au, jana padiar ma halak na mate manguburkon na matena sandiri,” ning Ia.

MATEUS 8:22 ပူးပေါင်းရင်းမြစ်များ

1 RAJA-RAJA 19:20

Gabe ditadingkon si Elisa ma angka lombunia i jana dilojong ia ma mangkojar si Elia. Dung dapot, didok si Elisa ma, “Paloas ma au jolo marpaboa tu simatobangku, dung i ihutkononku ma ho.” Dialusi si Elia ma, “Tole ma. Nada hupaksa ho anso dohot.”

MATEUS 8:21

Dung i ro ma sada halak siseanNia na asing mandok, “Ale Tuhan, loas ma jolo au mulak tu huta manguburkon damang,” ninna.

MATEUS 9:9

Jadi kehe ma Jesus sian i. Jadi taran mardalan Ia, diida Ia ma sada bayo na margoar si Mateus juguk di kantor pajakna. Dipiohon Jesus ma bayo i, “Beta ma, ihutkon Au!” Jongjong ma si Mateus mangihutkon Jesus.

MARKUS 2:14

Hatiha na mardalan i Ia disi, tarpaida Ia ma sahalak sipanjagit pajak na margoar si Levi anak ni si Alfeus. Topet do hatiha juguk si Levi di kantornia. Didok Jesus ma tusia, “Ihutkon ma Au!” Jongjong ma ia, gabe diihutkon Jesus.

LUKAS 15:24

Angke madung mate do anakkon, saonnari mulak mangolu, madung lilu ia, hape mulak ia saonnari.’ Jadi dipungka halahi ma na marpesta marjop ni roha.

LUKAS 15:32

Tapi anggo saonnari na patut do hita mambaen pesta jop ni roha, angke na dung mate do anggimi, hape saonnari mulak mangolu; madung lilu ia, hape saonnari madung mulak.’ ”

LUKAS 9:59

Dung i didok Jesus ma muse tu sada bayo na asing, “Ihutkon ma Au.” Tapi didok bayo i ma, “Paloas ma au jolo mulak, laho mananom damang.”

LUKAS 9:60

Dialusi Jesus ma, “Padiar ma halak na mate mananom na matena sandiri. Tapi anggo ho, kehe ma ho pararatkon Harajaan Ni Debata.”

JOHANNES 1:43

Ancogotna i ditontuhon Jesus ma anso kehe Ia tu Galilea. Marsuo ma Ia dohot si Pilipus, dung i ning Ia ma tu si Pilipus, “Beta, ihutkon ma Au!” (

JOHANNES 21:19

Jadi na paboahon sanga na tarbia do parmate ni si Petrus saulahon laho pasangap Debata, i do na nidok ni Jesus disi.) Dung i didok Jesus ma tu si Petrus, “Ihutkon ma Au!” ning Ia.

JOHANNES 21:22

Ninna Jesus ma mangalusi, “Muda jop rohangKu laing mangolu ia lopus ro Au mangulahi, ahana ma i di ho. Salaku ihutkon ma Au!” ninna Jesus.

EPESUS 2:1

Na mate do hamu najolo hara ni na nilaosimunu angka parenta ni Debata jana mardosai hamu.

EPESUS 2:5

Jadi hatiha mate hita di partondionta, hara ni pangalaosionta dipangolu Ia hita mangulahi rap dohot Kristus. Jadi hum hara ni asi ni roha do umbaen na dipalua hamu.

EPESUS 5:14

Jana sasudena na tarida tangkas, na torang do i. Hara ni i do umbaen na didok, “Ngot ma ho na modom i, jana jongjong ma ho sian hamatean! Giot marsinondang ma Kristus di ginjangmu.”

KOLOSSE 2:13

Najolo madung mate hamu anggo salaho tu partondion hara ni na mardosa hamu, boti hara ni na so marsunat pamatangmunu. Tapi saonnari dipangolu Debata do hamu rap dohot Kristus, dibaen madung diampuni Debata sasudena dosanta,

1 TIMOTEUS 5:6

Tapi na mabalu na giot mangolu marsonang-sonang, madung mate do i haru pe laing mangolu.