MATEUS 8:20 - BIBEL JAMITA NA DENGGAN

²⁰ Dialusi Jesus ma, “Marliang do sorigala, marasar do angka unggas, tapi anggo Anak Ni Jolma i, i ma suruan ni Debata, nada adong inganan hapayahan ni uluNia.”

MATEUS 8:20 ပူးပေါင်းရင်းမြစ်များ

MASMUR 104:12

Di lambungna i ma angka unggas mambaeni asarna; mangkulingi halahi di holang-kolang ni angka bulung-bulung.

MASMUR 104:17

Marasari ma disi angka situmorus habong; di hayu sampinur i ma unggas onggang maringanan.

MASMUR 109:22

Angke na pogos do au boti na dangol, jana rohangku pe marsingotngot.

MASMUR 40:17

Na gale do au on jana na pogos, ale Tuhan, hape diparrohahon Ho do au. Ho do na mangurupi dohot na paluahon au, tibu ma Ho ro, ale Debatangku!

MASMUR 69:29

Hona sosak do au on jana hancitan, angkat ma au ale Debata, jana palua ma au.

MASMUR 84:3

Salang amporik adong do asarna songon i muse unggas layang-layang. Dipayakkon halahi anakna di lambung ni langgatanMu, ale Tuhan Na Markuaso, Rajangku jana Debatangku.

DANIEL 7:13

Di bagasan parnidaan na tu au borngin i, huida ma adong tarsongon jolma. Ro ma ia dihuliangi ombun lalu kehe ia mandapotkon Na Tongtong Mangolu i jana dipatandahon tuSia.

MATEUS 12:32

Halak na mandok hata laho mangalo Anak Ni Jolma, tarsesa do i. Tapi anggo halak na mandok hatana laho mangalo Tondi Parbadia, bagi na bia pe nada tarsesa be i, bope di portibi on sanga pe di ari na giot ro!”

MATEUS 12:40

Tolu ari tolu borngin Panurirang Junus di bagasan butuha ni ihan na godang i. Songon i muse ma Anak Ni Jolma i, di bagasan tano.

MATEUS 12:8

Angke Anak Ni Jolma i do Tuhan ni Ari Sabat.’ ”

MATEUS 13:37

Dipatorang Jesus ma, “Anggo na nidok na manyabur same na denggan i, i ma Anak Ni Jolma i.

MATEUS 16:13

Hum lalu Jesus tu luat na mardonokkon Kaisarea Pilippi. Disapai Ia ma disi angka anak siseanNia i, “Ise dehe didok halak, Anak Ni Jolma i?”

MATEUS 16:27

Ro ne ma Anak Ni Jolma i, mardongan hasangapan ni AmangNia rap dohot angka surusuruanNia. Anggo disi, baloskononNia ma tu ganop jolma hombar tu pambaenan ni halahi be.

MATEUS 17:9

Hatiha manuat halahi sian dolok i, dipaingot Jesus ma halahi, “Salolot so dipangot sian na mate dope Anak Ni Jolma i, ulang paboa-boa hamu sanga na tu ise pe sanga aha na niidamunu nangkin.”

MATEUS 19:28

Dialusi Jesus ma halahi, “Hudok ma tu hamu, satutuna di hatiha panompaon muse, di hatiha juguk Anak Ni Jolma i, di habangsa hamuliaonNa, hamu angka na mangihutkon Au, giot juguk di ginjang di habangsa na dua bolas i laho manguhumi Israel na dua bolas marga i.

MARKUS 8:38

Angke sanga ise na maila hara ni Au dohot hatangKu di tonga-tonga ni halak na so setia dohot pardosa, maila muse ma Anak Ni Jolma i mida ia muda ro Ia di bagasan hasangapan ni AmangNia rap dohot surusuruanNia na badia i.”

LUKAS 12:8

“Tapi Hudok ma di hamu: Ganup halak na mangoku Au di adopan ni halak, okuan ni Anak Ni Jolma ma ia di adopan ni angka surusuruan ni Debata.

LUKAS 18:8

Hudok ma di hamu! Manigor belaonNia do parkaro ni halahi! Tapi laing adong dope he haporsayaan di portibi on saulahon muda ro Anak Ni Jolma i.”

LUKAS 2:12

Songon on ma tandana: Dapot hamu ma disi Dakdanak na baru sorang dibungkus dohot lampin, dipapodom di bagasan palangka ni pahan-pahanan.”

LUKAS 2:16

Manigor kehe ma halahi, dapot halahi ma antong si Josep dohot si Maria dohot Dakdanak i na topet hatiha modom di palangka ni pahan-pahanan i.

LUKAS 2:7

Ditubuhon ia ma sada Anak halaklahi, i ma panggoarannia. Dibalut ia ma Dakdanak i dohot lampin, dipayakkon ia di palangka ni pahan-pahanan, angke nada dapotan inganan be halahi di parbornginan.

LUKAS 21:36

Hara ni i tongtong ma hamu marjago jana martangiang anso taradopi hamu sude pangalaho na giot tarjadi i, jana tarbaen hamu ma mangadop tu Anak Ni Jolma i.”

LUKAS 8:3

dohot si Johanna daboru ni si Khusa, bendahara ni Raja Herodes; si Susanna, bahat dope tehe daboru na asing. Halahi sandiri do na pasingkop na hasaya di Jesus rap dohot angka siseanNia i.

LUKAS 9:58

Dialusi Jesus ma, “Marliang do sorigala, unggas pe adong do asarna, tapi anggo Anak Ni Jolma i, nada adong inganan hapayahan ni uluNa.”

JOHANNES 1:51

Dung i ninna Jesus ma tusia, “Tutu situtu do na Hudok on tu ho, idaonmu ma mungkap langit, jana manaek mijur ma angka surusuruan ni Debata tu Anak Ni Jolma i.”

JOHANNES 12:34

Didok halak na bahat i ma tuSia, “Anggo mangihutkon Buku Tona ni ugamonami, salolot-lolotna do mangolu anggo Kristus i. Biasi do didokkon Ho patuginjangon di ginjang tano Anak Ni Jolma i. Ise lakna Anak Ni Jolma i?”

JOHANNES 13:31

Dung morot si Judas sian i, didok Jesus ma, “Pasangapon ma saonnari Anak Ni Jolma Suruan ni Debata i. Jana nipasangap muse ma Debata markite-hite Ia.

JOHANNES 3:13

So na adong sahalak pe na jungada manaek tu banua ginjang, tapi anggo sian banua ginjang madung adong Sahalak na mijur tu tano on, i ma Anak Ni Jolma i.”

JOHANNES 3:14

“Songon ulok tumbaga na nipatuginjang ni si Musa di sada hayu di halongonan i, laing songon i muse ma Anak Ni Jolma i angkon dipatuginjang,

JOHANNES 6:27

Ulang pola marloja-loja hamu markarejo hara ni sipanganon na ra abis dohot na ra busuk. Markarejo ma hamu, anso dapot hamu sipanganon na so ra busuk jana na mangalehen hangoluan na so mantak. Lehenon ni Anak Ni Jolma i do di hamu panganon i; angke madung dilehen Damang, i ma Debata, kuaso i diSia.”

JOHANNES 6:53

Dung i didok Jesus ma tu halahi, “Tutu do na Hudok on di hamu: Anggo so dipangan hamu do pamatang ni Anak Ni Jolma i jana nada diinum hamu mudarNia, nada adong hangoluan na tutu di bagasan hamu.

JOHANNES 6:62

Bia do muda diida hamu saulahon Anak Ni Jolma i mulak manaek tu ingananna humani?

BAENON NI ANGKA RASUL 7:56

“Ligi pe da, mungkap do huida langit i jana jongjong Anak Ni Jolma i di siamun ni Debata!”

2 KORINTUS 8:9

Angke tangkas do diboto hamu, holong situtu do roha ni Jesus Kristus Tuhanta i maradopkon hita. Na mora do Ia nian, tapi gabe marpogos do Ia hara ni hamu, anso mamora hamu hara ni hapogosonNia i.