MATEUS 8:17 - BIBEL JAMITA NA DENGGAN

¹⁷ Di na nibaen ni Jesus sudena i gabe hasongtian ma na nidok ni Panurirang Jesaya na mandok songon on, “Diporsan Ia do sude pardangolanta, dipamalum Ia do sude nyaenta.”

MATEUS 8:17 ပူးပေါင်းရင်းမြစ်များ

PAMUNGKAAN 22:6

Dipaporsankon si Abraham ma soban i tu abara ni si Ishak, jana ia sandiri ma maroban piso dohot surpu panutung ni soban i. Di na udur i halahi mardalan,

JESAYA 53:4

Hape satutuna, nyaenta do na nitaonnia, jana pardangolanta diporsan ia. Hape didok rohanta bura ni Debata do tusia na niaena.

MATEUS 1:22

Tulus pe songon i sudena, anso laing tulus do muse sanga aha na nidok ni Tuhan marhite panurirangNa, na mandok songon on,

MATEUS 2:15

Disi ma halahi maringanan lopus mate si Herodes. Songon i ma tarjadi anso laing tulus hata ni Tuhan markite-hite panurirang na mandok, “Sian tano Mesir do Hupio anakKi.”

MATEUS 2:23

Disi ma ia maringanan di sada kota na margoar Nasaret. Markite na songon i ma tulus na nidok ni angka panurirang, na mandok, “Nigoaran ma Ia halak Nasaret.”

MARKUS 1:32

Potang arina i dung lusut mataniari, diparobani halak ma tu Jesus sude halak na marnyae dohot angka na hona setan.

LUKAS 4:40

Dung lusut mataniari, sude halak na adong na marnyaena sanga na nyae aha pe, diparobani be ma i tu Jesus. Dipayakkon Jesus ma tanganNia tu halahi pamalumkonsa.

2 KORINTUS 12:10

Jadi gabe jop do rohangku hara ni angka hagaleanki. Jop do rohangku muda adong na mangalayasi au, muda taruli hasusaan, muda dipakojar-kojar halak au, bope muda hubolus hasusaan hara ni Kristus. Angke muda gale au, hape apala disi ma gabe margogo au.

1 PETRUS 2:24

Kristus sandiri do mamorsan angka dosanta i di pamatangNia sandiri di ginjang ni hayu parsilang i, anso tola hita malua sian kuaso ni dosa jana tola hita mangihutkon hagiot ni Debata. Angke bugang ni Kristus i do na paluahon hamu.