MATEUS 8:16 - BIBEL JAMITA NA DENGGAN

¹⁶ Dung marayak potang, dioban halak ma tu Jesus bahat angka na hona setan. Dohot hata sajo do diusir Jesus angka begu i, dipamalum Ia muse ma sude halak na marnyae i.

MATEUS 8:16 ပူးပေါင်းရင်းမြစ်များ

HARURUAR 15:26

Ninna Tuhan ma, “Angkon oloanmunu do Au sian sude rohamunu, marhite na patupahon sanga aha na denggan di Au bope patulus sude na Huparentahon. Muda dikarejohon hamu do i, nada uhumanKu hamu marhite angka nyae songon na dung Hubaen tu halak Mesir i. Au do Tuhan na pamalum hamu.”

MATEUS 12:22

Dung i adong ma halak na maroban sahalak na mapitung boti na ngungu muse tu Jesus. Na hona setan do bayo i. Dipamalum Jesus ma ia gabe tarbaen ma mangkatai jana marnida mangulahi.

MATEUS 14:14

Jadi di na mijur Jesus sian parau i, diida Ia ma halak na bahat i. Gabe ibo ma rohaNia mida halahi. Dipamalum Ia ma sanga ise na marnyae sian halahi.

MATEUS 8:15

Dijama Jesus ma tanganna i, manigor mago ma arunna i. Jongjong ma ia laho mangoloi Jesus.

MATEUS 8:33

Marlojong ma angka parmahan babi i tu kota laho paboahon na masa i dohot taringot tu bayo na dua na hona setan i.

MATEUS 9:2

Jadi ro ma halak maroban sada bayo na onyangon payak di podomanna. Di na niida ni Jesus godang ni haporsayaan ni halahi, ning Ia ma tu na onyangon i, “Papos ma rohamu, amang! Madung nisesa dosamu.”

MARKUS 2:3

Hatiha mangkobari Jesus, ro ma opat halak tuSia maroban sada halak na onyangon.

MARKUS 5:8

Umbaen na nidok ni bayo i pe songon i, hara ni na dung nidok ni Jesus do tusia, “Ho tondi na jahat, morot ma ho sian bayo on!”)

MARKUS 9:25

Dung diida Jesus, ma mamungka mur ribur halak, dipaorot Ia ma setan i haruar. Ning Ia ma, “Ho tondi na mambaen maingol jana na mambaen ngungu, Hudok tu ho, haruar ma ho sian dakdanak on, ulang be masuk ho tusia sanga andigan!”

LUKAS 13:12

Dung diida Jesus anak boru i, dipiohon ma ia. Didok Jesus ma tusia, “O inang, malum ma ho saonnari!”

LUKAS 4:40

Dung lusut mataniari, sude halak na adong na marnyaena sanga na nyae aha pe, diparobani be ma i tu Jesus. Dipayakkon Jesus ma tanganNia tu halahi pamalumkonsa.

LUKAS 4:41

Angka setan pe marmorotan ma sian pamatang ni bahat halak, huhut marsurak-surak, “Anak Ni Debata do Ho!” Tapi disonggak Jesus ma halahi jana nada dipaloas Ia halahi mangkatai, angke diboto halahi do bahaso Ia do Kristus i.

BAENON NI ANGKA RASUL 5:15

Jana diparobani halak i do angka na marnyae, dibaen ma halahi di podoman sanga di lage, jana dioban ma halahi tu dalan, anso dais nada apala halinu ni si Petrus tu halahi muda mamolus si Petrus disi.