MATEUS 8:12 - BIBEL JAMITA NA DENGGAN

¹² Hape anggo na patut hian gabe parsidohot di Harajaan i, ambungkononkon ma tu hagolapan di balian. Tangis-tangis ma halahi disi jana patungaripon.”

MATEUS 8:12 ပူးပေါင်းရင်းမြစ်များ

MASMUR 112:10

Diida halak na jahat ma i jana milas rohana, patungaripon halahi hara ni sogo ni rohana. Gabe mago ma halahi nada adong be arop ni roha sapanjangna di halahi.

JESAYA 65:14

Marende ma halahi marjop ni roha, hape anggo hamu ngotngot tangis.

MATEUS 13:38

Portibi on ma ladang i. Anggo same na denggan i, i ma angka halak na dung gabe parsidohot di Harajaan i. Simareme-eme i, i ma angka halak na mangoloi si Jahat i.

MATEUS 13:42

Ambungkononkon ma halahi sude tu purunan ni api. Disi ma halahi mangangguhi jana patungaripon.

MATEUS 13:50

Dung i diambungkon ma halak na jahat i tu purunan ni api. Disi ma halahi mangangguhi jana patungaripon.”

MATEUS 21:43

“Hara ni i Hudok ma tu hamu: Buaton do Harajaan Ni Debata sian hamu jana nilehen ma i tu sada bangso na marbatuhon parbatu ni Harajaan i. [

MATEUS 24:51

Tontu balbalon ni tuan i ma i so mangantarai, sarupahonon ni tuan i muse ma ia tu halak pangalancap. Disi ma adong andung-andung dohot na patungaripon.”

MATEUS 25:30

Ambungkonon ma naposo na so hasaya i tu hagolapan parbalian. Disi ma ia tangis patungaripon!’ ”

LUKAS 13:28

Dung diida hamu si Abraham dohot si Ishak dohot si Jakob dohot sude angka panurirang marsonang-sonang di Harajaan Ni Debata, gabe tangis ma hamu jana mardangol situtu angke anggo hamu sandiri ambungkonon do tu ruar!

BAENON NI ANGKA RASUL 3:25

Di hamu do angka janji ni Debata na nipabolkas ni angka panurirang i. Di bagasan parjanjian na nibaen ni Debata tu angka ompungmunu pe didok Debata do tu si Abraham songon on, ‘PasupasuonKu ma sude bangso na di tano on markite-hite pomparanmu.’

SURAT NI SI PAULUS TU PARLAGUTAN ROM 9:4

Harana halak Israel do halahi, halahi madung dibaen gabe dakdanak, jana madung manjagit hasangapan, angka tona, ugamo dohot angka janji.

2 PETRUS 2:17

Songon mual na mate do angka guru pargabus i jana songon ombun na niombus ni halingsungsung. Madung diparade Debata do di halahi inganan na golap marimpot-impot.

2 PETRUS 2:4

Haru angka surusuruan na mardosa pe nada dipatola Debata malua sian uhuman, tapi ambungkonon do i tu narako. Pamasuhon do halahi tu inganan na golap anso tarhurung disi lopus tu Ari Paruhuman.

JUDAS 1:13

Laing tarsongon ombak ni laut na margubo-gubo, laing songon i ma halahi paila-ilahon markite-hite angka parange ni halahi. Songon angka binatang na mardalan di ramba i do halahi jana na dung diparade Debata do inganan di halahi salolot-lolotna di hagolapan na jumorbut.

HALUMBAAN 22:15

Tapi sanga ise halak na mambaen habilean, angka na marhadatuon, angka halak na mambaen rorang, angka halak sibunu jolma, angka halak na marsomba gana-ganaan, dohot angka halak pargabus di hatana sanga markite-hite pambaenanna, di balian ni kota i do anggo inganan ni angka halak sisongon i.

1 SAMUEL 2:9

Halak na tigor do na sai sonang di bagasan pangaramotion ni Tuhan. Tapi anggo na jahat sai na sarsar do i mago di bagasan hagolapan na marimpot-impot. Gogona sandiri so tarpangasahon, so tarlehen gogo ni jolma hamonangan.