Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MATEUS 8:11 - BIBEL JAMITA NA DENGGAN

11 Tapi ingot hamu ma na Hudok on! Bahat do halak na giot ro sian Habincaran dohot sian Hasundutan anso rap marpesta marjop ni roha dohot si Abraham, si Ishak dohot si Jakob di bagasan Harajaan Ni Banua Ginjang.

အခန်းကိုကြည့်ပါ။ ကော်ပီ




MATEUS 8:11
40 ပူးပေါင်းရင်းမြစ်များ  

PasupasuonKu ma sanga ise na mamasumasu ho. Tapi buraanKu ma sanga ise na mamurai ho. Jana hara ni ho, pasupasuonKu ma sude angka bangso na di tano on.”


Pangidoan ni sude bangso na di tano on ma tu Au anso Hupasupasu halahi – hara ni na nioloanmu parentangKu.”


Songon bahat ni abuan na di tano on ma bahat ni pomparanmu. Pabidangonmu ma tano ni halahi tu ganup humaliang, jana markite-hite ho dohot pomparanmu, pasupasuonKu ma sude bangso na di tano on.


Tiopon ni si Juda ma tungkot harajaon. Mamarenta ma pomparanna sapanjangna. Marroan ma angka bangso pasahat somba-sombana. Jana manungkap tanda tunduk di jolona.


Ingoton ni sude bangso ma Tuhan, sian desa na walu halahi marroan, sude horong ni bangso mulak ma tuSia, lalu marsomba tuSia.


Ditiop Ia do janjiNia tu Israel, bangsoNa i, dibaen sai holong do rohaNia jana setia tu halahi. Sude bangso di portibi madung marnida haluaan na sian Debatanta.


Dapot do hatihana, ro sada raja pomparan ni si Daud na gabe pamusatan ni roha ni angka bangso. Marlagut ma halahi di kota ni harajaan jana mangalehen sangap tusia.


Ligi ma, bahat halak na ro sian na dao, adong sian Utara dohot sian Hasundutan, jana adong sian tano Sinim.”


“Pamenek tu ma ho muda hum gabe naposongKu, laho pajongjongkon marga-marga ni Jakob, laho paulakkon halak Israel na tading i. Tapi baenonKu ma ho gabe sinondang di angka bangso anso haluaan na sian Au lalu tu ujung ni tano on.”


Patuduhonon ni Tuhan ma tanganNia na badia i di adopan ni sandok bangso, jadi sandok ujung ni portibi manyaksihon na ro Tuhan paluahon.


Sian Habincaran lalu tu Hasundutan mabiar be noma halak mida Ia hara ni godang ni kuasoNia. Ro ma Ia songon batang aek na doras sanga songon alogo na gogo.


O Tuhan, Ho do na mangondihon au dohot na margogoihon au; diurupi Ho do au taran di hagogotan. Marroan ma angka bangso sian ujung ni tano on tu Ho jana dokkononna ma, “Hum debata na so tutu jana na so marguna do debata ni ompunami.


Di hatiha ni angka raja-raja i mamarenta, giot pajongjongon ni Debata na di banua ginjang i ma sada harajaan na manongtong sapanjangna jana na so tartaluhon bangso dia pe. Roncohonon ni harajaan na sada i ma sandok harajaan na asing i tapi harajaan na sada i, manongtong do ro di salolot ni lolotna.


Dipasangap angka bangso na di tano on do Au sudena. Sanga na di dia ditutung halahi do dupa laho pasangapkon Au jana dihaulkon halahi do angka haul na patut tu Au. Olo! sude do halahi pasangapkon Au!”


Dialusi halahi ma, “Tontu bunuonnia ma sude angka parjahat i, dung i tu halak na asing noma dipabolahon ia kobun anggurnia i. Tu halak na ra mangalehen bolaan ni tano i tusia muda dapot hatihana,” ning halahi.


Dipalu ma tarompet na godang, suruon ni Anak Ni Jolma i ma angka surusuruanNia tu panjuru na opat i di tano on palagutkon bangsoNia, sian topi ni langit na sada lalu tu topi ni langit na sada nari.”


“Pauba hamu ma rohamunu”, ning ia, “harana inda pola lolot be, pungkaon ni Debata ma padalankon pangarajaionNia!”


Dung dibege Jesus hata ni tentara na pangkat i, homang ma rohaNia. Gabe didok Ia ma tu halahi na mangihutkon Ia, “Tangihon hamu ma jolo! Nada unjung dope Au marsuo dohot haporsayaan na songon on godangna di tonga-tonga ni halak Israel.


Martua do angka naposo na nidapot ni tuanna sai painte-intehon harorona. Na tutu do na Hudokkon tu hamu, dihohosi ia ma gontingna, dung i dipajuguk ia ma halahi jana ro ma ia mangoloi halahi.


Dung i jumolo ma halak na pogos i jana dioban surusuruan ma ia tu inganan na dumenggan di lambung ni si Abraham di banua ginjang i. Halak na kayo i pe jumolo muse ma jana ditanom.


Homang ma roha ni halak Jahudi na dung porsaya i tu Jesus, i ma na rap dohot si Petrus i, na marnida bahaso dilehen Debata do muse Tondi Parbadia tu bangso na asing.


Jadi dung dibege halahi hata nangkinan i, nada be sai dialo halahi si Petrus. Dung i dipuji halahi ma Debata. Didok halahi ma, “Antong dipadohot Debata do halak na so marugamo Jahudi laho paubahon roha sian angka dosana be anso mangolu halahi.”


Dipapos halahi ma roha ni angka na mangihutkon Jesus, jana dipaingot halahi ma angka na mangihutkon Jesus i anso tongtong porsaya tu Jesus. “Angkon jolo bahat do taononta parkancitan baru pe anso maruli hita hatuaan ni Harajaan Ni Debata,” ninna rasul i mamodai angka na mangihutkon Jesus di angka kota nangkinan i.


Dung lalu halahi di Antiokia, dipalagut halahi ma angka dongan na di parlagutan i. Dibaritahon halahi ma sude na dung dibaen Debata markite-hite halahi. Laing dipaboa halahi ma sanga na bia dibaen Debata laho mangungkap dalan anso laing dohot halak na asing na so Jahudi mangkaporsayai Jesus.


Hape anggo satutuna madung dipangolu mangulahi Kristus sian hamatean, songon siangkaan sian angka halak na dung mate. Jana on ma jaminanna, paboa na pangoluon do mangulahi angka jolma na dung marmatean i.


Nada he diboto hamu do, anggo angka halak na so tigor nada dapotan bagian di Harajaan Ni Debata? Ulang ma hamu lilu! Halak na markarosuan, sioloi gana-ganaan, si pangalangkup, si pangalukluhi, si pandalus-dalus,


On ma rahasia i: Hara ni Jamita Na Denggan i tola ma dohot halak na so Jahudi manjagit angka pasupasu sian Debata; gabe rap anggota ni sada pamatang ma halahi, jana tola ma dohot manjagit sanga aha na nijanjihon ni Debata markite-hite Jesus Kristus.


Hara ni sasudena i gabe mago ma angka parasingan ni halak Jahudi dohot na so Jahudi, halak na marsunat dohot na so marsunat; nada adong be parasingan ni angka bangso; nada adong be hatoban sanga na mardeka; angke hum Kristus noma sasudena. Mardomu do Kristus dohot halahi sudena!


Dison ma tarida sanga na bia tigorna Uhum Ni Debata: Manaon parkancitan do hamu hara ni Harajaan Ni Debata, jadi etongon ma hamu songon halak na patut masuk tusi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ