MATEUS 8:10 - BIBEL JAMITA NA DENGGAN

¹⁰ Dung dibege Jesus hata ni tentara na pangkat i, homang ma rohaNia. Gabe didok Ia ma tu halahi na mangihutkon Ia, “Tangihon hamu ma jolo! Nada unjung dope Au marsuo dohot haporsayaan na songon on godangna di tonga-tonga ni halak Israel.

MATEUS 8:10 ပူးပေါင်းရင်းမြစ်များ

PAMUNGKAAN 43:33

Angka kahanggi ni si Josep i di meja na paadop-adop dohot meja ni si Josep ma dibaen, marjojor sian na tumobang lalu tu sianggian. Di na niida ni halahi pangatur ni parjuguk ni halahi i, homang-komang ma halahi marsiligian.

MATEUS 15:28

Gabe didok Jesus ma tusia, “Godangna i haporsayaanmi, da inang! Tulus ma di ho sanga aha na nihalungunkonmi!” Laing di na santongkin i, malum ma manigor borunia i.

MATEUS 8:11

Tapi ingot hamu ma na Hudok on! Bahat do halak na giot ro sian Habincaran dohot sian Hasundutan anso rap marpesta marjop ni roha dohot si Abraham, si Ishak dohot si Jakob di bagasan Harajaan Ni Banua Ginjang.

MATEUS 8:9

Harana au pe, angkon oloanku do hata ni kapalangku. Ditoru ni pangkatku pe adong do angka tentara, angkon oloan ni halahi do na hudok. Muda hudok tu na sada, ‘Kehe ho!’, kehe do ia. Husuru na asing, ‘Ro tuson!’ ro do ia. Huparenta do naposongku, ‘Songon on baen!’ dibaen ia do i.”

MARKUS 6:6

Homang ma rohaNia hara ni na so ra i halahi porsaya. Dung i gabe kehe ma Jesus tu angka huta na donok-donok disi mangajari halak.

LUKAS 5:20

Marnida godang ni haporsayaan ni halahi, didok Jesus ma tu bayo i, “Madung disesa dosami, dongan!”

LUKAS 7:50

Tapi didok Jesus ma tu dadaboru i, “Haporsayaanmu do na paluahon ho, kehe ma ho di bagasan hahorasan!”

LUKAS 7:9

Homang ma roha ni Jesus umbege i. Ditailihon Ia ma tu halak na bahat i na mangihutkon Ia, ning Ia ma, “Na hebat do bayo on. Salang di halak Israel nada unjung dope marsuo Au tu haporsayaan na songon haporsayaan ni bayo on!”

BAENON NI ANGKA RASUL 2:7

Homang-komang jana tartarik ma roha ni halahi jana marsipandohonan ma halahi, “Inda he halak Galilea do sude na mangkatai on?