MATEUS 7:7 - BIBEL JAMITA NA DENGGAN

⁷ “Pangido hamu ma, gabe manjagit ma hamu. Jalahi hamu ma, gabe dapotan ma hamu. Tuktuhi hamu ma pintu, gabe dibuka ma pintu i di hamu.

MATEUS 7:7 ပူးပေါင်းရင်းမြစ်များ

PAMUNGKAAN 26:32

Laing di ari i, ro ma da angka naposo ni si Ishak paboahon tusia taringot tu sumur na nihuar ni halahi. Didok halahi, “Ma dapot hami aek.”

1 RAJA-RAJA 3:5

Borngin i dipataridahon Tuhan ma diriNa tusia di bagasan nipi jana manyapai, “Aha do dipangido rohamu lehenonKu tu ho?”

MASMUR 10:17

Tuhan, ditangihon Ho do tangiang ni halak na bile, jana dipagodang Ho do roha ni halahi be.

MASMUR 10:4

Nada parduli tu Tuhan anggo halak pardosa; hara ni jungkatna, dipikiri ia nada adong Debata.

MASMUR 119:12

Hupuji do Ho, ale Tuhan, ajarkon ma tu au angka hatontuanMu.

MASMUR 27:8

Ho mandok, “Ro marsomba tu Au.” Hualusi do, “Ale Tuhan, manigor ro pe au.”

MASMUR 34:4

Martangiang au, gabe dialusi Tuhan, dipalua Ia do au sian sandok sihabiaran.

MASMUR 37:4

Jalahi ma hatuaanmu di bagasan Tuhan, dilehen Ia ma por ni rohamu.

MASMUR 50:15

Muda ro hasusaan, pio-pio ma ho tu Au paluaonKu ma ho, jana pujionmu ma Au.”

MASMUR 69:32

Marjop ni roha ma na dangol, marnidasa margodang ni roha ma halak na manyomba Debata.

MASMUR 70:4

Sai marmoga-moga jana marjop ni roha ma nian sude halak na sai manjalahi Ho. Sai dohonon ni sandok na marhaluaan hara ni haluaon na nilehenMu ma, “Na godang ma da antong Debata!”

MASMUR 86:5

Angke na burju do Ho ale Tuhan, jana sai mangampuni do Ho sanga ise na martangiang tu Ho sai dihaholongi Ho do.

PODA 8:17

Huhaholongi do na marholong ni roha di au; na manjalahi au, gabe dapot ia do au.

ENDE NA GODANG 3:2

Ngot au, lalu hubolusi kota manjalahi, hujujur sude dalan dohot lorong. Hujalahi haholonganki, hape nada dapot au.

JESAYA 30:19

Ale hamu na maringanan di Jerusalem, nada sai mangandungi be hamu. Ibo roha ni Tuhan jana alusanNia ma hamu muda pio-pio hamu tuSia mangido tolong.

JEREMIA 33:3

“Pio-pio ma ho tu Au, jadi gabe alusanKu ma; giot paboaonKu tu ho angka pangalaho na jeges-jeges jana na pahomang roha na so diboto ho dope.

AMOS 5:4

Didok Tuhan ma tu halak Israel, “Mulak ma hamu tu Au, anso gabe mangolu hamu.

MATEUS 18:19

Ingot hamu muse ma on! Muda adong dua halak sian hamu di tano on na saroha manangiangkon sanga aha pe, tulus do tangiang i baenon ni Damang na di banua ginjang i.

MATEUS 21:22

Sanga aha pe pangidoanmunu di bagasan tangiangmunu, jagitonmunu do i, asal ma porsaya hamu.”

MATEUS 6:33

Sai jumolo ma jalahi hamu Harajaan Ni Debata dohot hatigoranNa, jadi lehenonNia ma di hamu sasude na songon i.

MATEUS 7:11

Haru songon i pe jahatmunu, laing diboto hamu do mangalehen na denggan tu dakdanakmunu, mur Amangmunu na di banua ginjang i ma. Tontu lehenonNia do angka na denggan i di halak na mangido tuSia!

MATEUS 7:8

Harana, angkon manjagit do halak na torus mangido. Angkon dapotan do halak na torus manjalahi. Jana na torus manuktuk pintu, angkon dibuka do pintu i disia.

MARKUS 11:24

Antong ingot hamu ma! Muda martangiang hamu mangido sanga na aha pe, pos ma rohamunu na dung dilehen Debata do na nipangidomunu i.

LUKAS 13:25

Sada hatiha jongjong ma nampuna bagas i jana ditutup ia ma pintuna i. Dung i jongjong ma hamu di ruar manektehi pintu i jana mandok, ‘Dibuka Tuan i ma jolo di hami pintu on!’ Alusan ni Tuan i ma, ‘Nada Huboto sanga sian dia hamu ro!’

LUKAS 18:1

Dung i dipaboa Jesus muse ma sada umpama laho mangajar angka siseanNia anso tongtong martangiang halahi jana ulang mandele.

JOHANNES 15:16

Nada hamu mamili Au. Au do na mamili hamu jana Husuru hamu kehe anso ramos hamu marbatu – i ma parbatu na denggan. Dung i lehenon ni Damang ma di hamu sanga aha pe na nipangidomunu markite-hite goarKu.

JOHANNES 15:7

Muda tinggal do hamu di bagasan Au jana pangajaranKu pe sai tinggal di bagasan rohamunu, tola ma pangidoanmunu sanga na aha pe giotmunu; nigohan ma pangidoanmunu i.

JOHANNES 4:10

Dialusi Jesus ma, “Sugari ma diboto ho silehen-lehen ni Debata jana ditanda ho na mangido minum sian ho, gabe ho sandiri noma mangido sian Ia, jana lehenonNia ma di ho aek na mangolu.”

SURAT NI SI PAULUS TU PARLAGUTAN ROM 2:7

Lehenon ni Debata ma ngolu na manongtong tu sude na mangkaburjuhon na denggan, hasangapan na sanggam jana na manongtong i.

SURAT NI SI PAULUS TU PARLAGUTAN ROM 3:11

Umpe sahalak na mangastui jana umpe adong sahalak na manjalahi Debata.

IBRANI 11:6

Muda so marhaporsayaan sanga ise pe nada tarbaen pasonang roha ni Debata. Angke sanga ise na ro tu Debata angkon porsaya do ia na tutu adong Debata jana lehenon ni Debata do upa tu angka na manjalahi Ia.

JAKOBUS 5:15

Tangiang na nipasahat tu Tuhan mardongan pos ni roha, tarbaen do i pamalumkon halak na marnyae. Pamalumon ni Tuhan ma i jana sesaonNia ma angka dosa na nibaennia.

1 JOHANNES 3:22

Jana sanga aha pe na tapangido sian Ia, dapot hita do i, angke burju do hita mangoloi angka tonaNia dohot patuluskon sanga aha na tumbuk tu rohaNia.