MATEUS 7:6 - BIBEL JAMITA NA DENGGAN

⁶ Ulang lehen hamu barang na badia tu anjing. Harana muda dilehen hamu i, marbalik ma anjing i laho manyarbut hamu. Dung i ulang lehen hamu berlian tu babi, angke dilonca-lonca babi i sajo do i.”

MATEUS 7:6 ပူးပေါင်းရင်းမြစ်များ

PODA 11:22

Dadaboru na so marroha tapi jogi sarupa tu tintin sere do i di igung ni babi.

PODA 23:9

Ulang nipaingot halak na oto; indangkan na argahononna sipaingotmi.

PODA 26:11

Songon anjing na mulak tu uta-utana, songon i ma halak na oto mangulahi haotoonna.

PODA 26:4

Jolma na mangalusi halak na oto, sarupa do otonia dohot bayo i.

MATEUS 15:26

Tapi dialusi Jesus ma, “Dia ma denggan nibuat panganon ni dakdanak gabe niambungkon tu anjing.”

MATEUS 24:10

Jadi anggo disi, bahat ma halak na so burju be tu Au.

MATEUS 7:5

O pangalancap! Paruar ma jolo balok na di matami sandiri, baru pe anso tangkas ho mangaligi. Dung i tarparuar ho ma bancir-bancir na di mata ni halak na asing.

2 KORINTUS 11:26

Jotjot do au mamolus pardalanan na gok parmaraan: aek magodang, mangadopi panyamun, parmaraan sian halak Jahudi dohot sian na so Jahudi, parmaraan di kota, parmaraan di halongonan, di laut dohot parmaraan sian halak na mandok dirina Kristen hape inda.

PILIPPI 3:2

Jagohon hamu ma dirimunu maradopkon angka anjing i, jagohon hamu ma dirimunu maradopkon angka panyunat na so tutu.

IBRANI 10:29

Haru tu halak na songon i, i ma borat ni uhumanna, mur bia muse dope ulaning borat ni uhuman tu angka jolma na songon on: Na mangalayasi Anak Ni Debata, halak na marnayang ni roha mida hamamate ni Kristus na songon jaminan ni janji ni Debata na mangkaholongi Ia. Hilala hamu ma sanga bia dokdok ni uhuman tu angka jolma sisongon i!

IBRANI 6:6

Hape marbalik do roha ni halahi! Bia dope baenon manogu halahi mangulahi anso muba sian angka dosa ni halahi i. Angke na mamparsilangkon Anak Ni Debata i do halahi mangulahi jana mambaen halak na bahat anso dohot mangalayasi Ia.

2 PETRUS 2:22

Sude na nibaen ni halahi tudos do tu pandohan on, “Mulak do anjing mangan uta-utana,” dohot, “Mulak marluntak do babi diparguluanna.”

HALUMBAAN 22:15

Tapi sanga ise halak na mambaen habilean, angka na marhadatuon, angka halak na mambaen rorang, angka halak sibunu jolma, angka halak na marsomba gana-ganaan, dohot angka halak pargabus di hatana sanga markite-hite pambaenanna, di balian ni kota i do anggo inganan ni angka halak sisongon i.