MATEUS 7:22 - BIBEL JAMITA NA DENGGAN

²² Di ari parpudi bahat ma halak na mandok tu Au, ‘Tuhan, Tuhan, nada he mangasahon goarMu do hami manyurirangi? Nada he laing mangasahon goar ni Tuhan i do hami paorot angka setan, jana hami baen angka tanda hahomangan?’

MATEUS 7:22 ပူးပေါင်းရင်းမြစ်များ

JESAYA 2:11

Dapot ma hatihana parenjepon halak na gakgak, halak siginjang roha patunduhon, jana Tuhan i sandiri noma sipasangapon. Anggo di ari i patutoruon ni Tuhan noma sude sanga ise na markuaso, na ginjang roha dohot halak na gakgak.

JESAYA 2:17

Patutoruon ma halak na gakgak, jana papatuon ma halak na ginjang roha. Mago noma angka gana-ganaan sian sisik ni tano on. Anggo di ari i hum sasada Tuhan noma sipasangapon.

BILANGAN 24:4

Dilehen disia hamaloon manangihonsa, angka hata na marharoroan sian Debata. Di bagasan parnidaan huida dohot mata tarbuka sada hataridaan sian Debata na gok kuaso sasadaSa.

BILANGAN 31:8

dohot ma disi lima raja ni Midian, i ma: Si Ewi, si Rekem, si Zur, si Hur dohot si Reba. Si Bileam anak ni si Beor i pe dibunu do.

MATEUS 10:15

Satutuna ma na hudok on! “Numayang do taonon ni isi ni tano Sodom dohot Gomora di ari panguhuman i, ulang kota na songon i!”

MATEUS 24:36

“Umpe sahalak umboto sanga andigan do arina dohot jomna. Angka surusuruan na di banua ginjang i pe nada diboto halahi i. Anak i sandiri pe nada diboto Ia. Hum Damang sajo do na umboto i.

MATEUS 25:11

Dung i lalu ma angka bujing-bujing na oto i. Pio-pio ma halahi, ‘Tuan, tuan, buka ma jolo pintu on anso masuk hami.’

MATEUS 7:21

“Nada sude halak na mamiohon Au, ‘Tuhan, Tuhan’, giot masuk tu Harajaan Ni Banua Ginjang. Tapi hum halak na patuluskon hagiot ni Damang na di banua ginjang i do.

LUKAS 10:12

Hudok ma di hamu: Umnayang do uhum na tu halak Sodom di ari parpudi, ulang pado kota na songon i!”

JOHANNES 11:51

Satutuna nada sian pikirannia sandiri didok si Kayafas songon i. Tapi songon Malim Godang do ia di na sataon i, madung songon na nibaennia hian boa-boana na angkon mate Jesus humopkop halak Jahudi.

1 TESSALONIKA 5:4

Tapi anggo hamu angka dongan, nada di hagolapan hamu maringanan; na mambaen hamu gabe tarsonggot do baenon ari i songon na nisonggot ni panangko.

2 TESSALONIKA 1:10

Muda dung ro Ia di ari i giot pasangapon di tonga-tonga ni halak nabadiaNia, jana gabe hahomangan ma Ia di sude halak na porsaya, harana madung di haporsayai hamu hasaksian na hami boan i.

2 TIMOTEUS 1:12

Hara ni i ma umbaen na hutaon sudena on, tapi nada maila au, angke tangkas do huboto sanga ise na huhaporsayai. Pos do rohangku, sanga aha na nipasahatNia tu au, tarjagohon Ia do i lopus tu Ari Parpudi i.

2 TIMOTEUS 1:18

Jana di Epesus pe na dung bahat sajo do pangurupinia tu au. Taringot tusi pe madung diboto ho i. Sai denggan ma roha ni Tuhan mangalehen asi ni rohaNa tusia muda ro Tuhan manguhumi sudena jolma manusia.

2 TIMOTEUS 4:8

Jana saonnari upa ni hamonangan i noma sipainteonku. Di Ari Parpudi, pasahaton ni Tuhan Panguhum na tigor i ma upa i tu au, angke di bagasan pardomuan na denggan do au mangolu dohot Debata. Jana nada hum au sajo na giot manjagit upa i, tapi dohot do sudena halak na sai malungun paintehon haroro ni Tuhan i.