MATEUS 7:21 - BIBEL JAMITA NA DENGGAN

²¹ “Nada sude halak na mamiohon Au, ‘Tuhan, Tuhan’, giot masuk tu Harajaan Ni Banua Ginjang. Tapi hum halak na patuluskon hagiot ni Damang na di banua ginjang i do.

MATEUS 7:21 ပူးပေါင်းရင်းမြစ်များ

MATEUS 12:50

Halak na patuluskon na nipangido ni roha ni Damang na di banua ginjang i, i do kahanggingKu, i do ibotongKu, i do dainang.”

MATEUS 16:17

“Na martua do ho ale Simon anak ni si Junus!” ninna Jesus, “Harana nada jolma be na paboahon pangalaho i tu ho, tapi Damang na di banua ginjang i do.

MATEUS 18:10

“Ingot hamu ma, ulang dipalayas hamu sahalak sian angka na menek on. Harana Hudok ma tu hamu: Adong do surusuruan ni halahi di banua ginjang na sai mangaligi bohi ni Damang na di banua ginjang.” [

MATEUS 18:19

Ingot hamu muse ma on! Muda adong dua halak sian hamu di tano on na saroha manangiangkon sanga aha pe, tulus do tangiang i baenon ni Damang na di banua ginjang i.

MATEUS 18:3

Sasintongna do na Hudok on tu hamu, “Muda so muba rohamunu jana mulak songon dakdanak on, nada tarbaen hamu masuk tu Harajaan Ni Banua Ginjang.

MATEUS 18:35

Laho paujungkon caritoNia i Jesus, didok Ia ma, “Songon i muse ma baenon ni Damang na di banua ginjang i tu hamu, anggo inda ias rohamunu mangampuni donganmunu.”

MATEUS 19:24

Jana Hupaboa muse dope on di hamu; ummuraan dope unto mamolus sian lubang ni jait, ulang pado halak na kayo laho masuk tu Harajaan Ni Debata.”

MATEUS 25:10

Gabe kehe ma bujing-bujing na oto i manobusi miak. Jadi taran na kehe i halahi, lalu muse ma bayo pangoli i. Masuk ma bujing-bujing na marroha i rap dohot bayo pangoli i tu bagas parpestaan i. Ditutup ma pintu i!

MATEUS 25:21

‘Ma denggan i,’ ning tuan i, ‘ho ma ibana naposo na burju jana na denggan. Angke haposan do ho di na otik, hulehen ma pos ni rohangku tu ho taringot tu na umbahat. Dohot ma ho masuk marsonang-sonang rap dohot au!’

MATEUS 26:39

Dung i kehe ma Jesus tar dumao saotik, tungkap ma Ia tu tano laho martangiang, “O Amang,” ning Ia, “Anggo tarbaen do, padao ma sian Au parkancitan na angkon jagitonKu. Tapi ulang ma hagiotKu na tulus, baen ma songon na dihagiotiMu.”

MATEUS 26:42

Jadi kehe ma Jesus padua-nolihon laho martangiang. Didok Ia ma, “Muda na angkon taononKu ma parkancitan on ale Amang jana nada tarbaen so taononKu, rohaMu ma na tulus.”

MARKUS 3:35

Halak na mambaen lomo ni roha ni Damang, angka i do kahanggingKu dohot ibotongKu dohot Dainang.”

MARKUS 9:47

Muda hara ni matamu do gabe mardosa ho, pulsikkon ma mata i! Gumonan ma ho masuk tu Harajaan Ni Debata marmata sada sajo, ulang pado diambungkon ho marmata dua tu narako.

LUKAS 11:28

Tapi dialusi Jesus ma, “Sanga ise na umbege hata ni Debata jana na mandalankonsa, halahi do na martua situtu!”

LUKAS 13:25

Sada hatiha jongjong ma nampuna bagas i jana ditutup ia ma pintuna i. Dung i jongjong ma hamu di ruar manektehi pintu i jana mandok, ‘Dibuka Tuan i ma jolo di hami pintu on!’ Alusan ni Tuan i ma, ‘Nada Huboto sanga sian dia hamu ro!’

LUKAS 18:25

Ummomoan do sada unto mamolus sian lubang ni jait ulang pado sada halak na kayo masuk tu Harajaan Ni Debata.”

LUKAS 6:46

“Biasi dipio hamu Au, ‘Tuhan, Tuhan,’ hape so dioloi hamu na Hudok tu hamu?

JOHANNES 14:7

Sugari ditanda hamu Au, tontu laing tandaonmunu muse ma Damang. Mamungka saonnari madung ditanda hamu Ia, jana madung diida hamu.”

JOHANNES 15:23

Sanga ise na mangkosomi Au, dihosomi ia muse do Damang.

JOHANNES 3:5

Dialusi Jesus ma, “Tutu do na Hudok tu ho: Anggo so sorang halak sian aek dohot sian Tondi, nada tarbaen gabe parsidohot di Harajaan Ni Debata.

JOHANNES 5:17

Tapi didok Jesus ma tu halahi, “Tongtong do markarejo Damang; jana Au pe angkon laing markarejo do.”

JOHANNES 6:40

Harana on do hagiot ni Damang: Sudena halak na marnida Anak i jana porsaya tuSia, i do na marhangoluan na so mantak jana pangoluonKu ma halahi mangulahi dung di Ari Parpudi.”

JOHANNES 7:17

Sanga ise na ra mangihutkon hagiot ni Debata, botoon ni halahi ma sanga na sian Debata do pangajaranKi, sanga na sian roha-rohangKu sandiri.

BAENON NI ANGKA RASUL 14:22

Dipapos halahi ma roha ni angka na mangihutkon Jesus, jana dipaingot halahi ma angka na mangihutkon Jesus i anso tongtong porsaya tu Jesus. “Angkon jolo bahat do taononta parkancitan baru pe anso maruli hita hatuaan ni Harajaan Ni Debata,” ninna rasul i mamodai angka na mangihutkon Jesus di angka kota nangkinan i.

SURAT NI SI PAULUS TU PARLAGUTAN ROM 12:2

Ulang pahombar hamu dirimunu tu hasiangan on, tapi pauba hamu ma dirimunu markite-hite haimbaruon ni rohamunu anso tartimbang hamu sanga dia do hagiot ni Debata: Na denggan, na tumbuk jana na sanggam.

SURAT NI SI PAULUS TU PARLAGUTAN ROM 2:13

Harana, nada hara ni na mamboto Tona i umbaen na tigor sada-sada halak adop Debata, tapi na patuluskon na nidok ni Tona i do na tardok tigor.

EPESUS 6:6

Ulang ma hum hatiha dijagoi baen hamu songon i; jana ulang ma hum na giot mambuat roha ni jolma sajo. Tapi angkon gabe songon naposo ni Kristus do hamu na mangoloi hagiot ni Debata sian sandok roha.

KOLOSSE 4:12

Tabe ni si Epafras di hamu. Laing sian hamu on do asalnia. Naposo ni Jesus Kristus do ia, na sai manangiangkon hamu. Marsitutu do ia mangido tu Debata anso margogo hamu nian jana anso tongtong togu; boti muse anso laing mardongan pos ni roha na togu hamu mangoloi hagiot ni Debata.

1 TESSALONIKA 4:3

Angka na songon on ma na nipangido ni roha ni Debata sian hamu: Angkon badia do ngolumunu dipangido roha ni Debata jana nada tola marharorangon.

1 TESSALONIKA 5:18

Di sude pangalaho na masa, tongtong ma hamu mandok tarimakasi, angke na songon i do dipangido roha ni Debata sian hamu songon angka na mangolu marsada dohot Jesus Kristus.

TITUS 1:16

Pandok ni halahi, ditanda halahi do Debata, hape anggo sian parange ni halahi nada tarida na songon i. Jahat do roha ni halahi jana nada marpangoloion. Sada pe nada adong tarpatupa halahi na denggan.

IBRANI 13:21

Sai dipasingkop Debata mual ni hasonangan i ma hamu di sasude na denggan i na porlu di hamu laho patuluskon hagiot ni rohaNia. Sai dibaen Debata ma di hita sanga aha giot ni rohaNia markite-hite Jesus Kristus. Tarpuji ma Jesus salolot-lolotna! Amen.

IBRANI 4:6

Jadi halahi na parjolo umbege barita taringot tu Jamita Na Denggan i nada dilehen inganan paradianan hara ni na so porsaya halahi. Antong madung torang sian i, adong dope angka halak na asing na nipatola manjagit inganan paradianan i sian Debata.

JAKOBUS 1:22

Patulus hamu ma sanga aha na nidok ni Debata, ulang ma hum na manangihon sajo, angke na paoto-oto dirimunu sandiri do hamu muda songon i.

1 PETRUS 2:15

Anggo giot ni Debata, huntam hamu ma pamangan ni halak na oto pangkataina markite-hite angka pambaenanmunu na denggan i.

1 PETRUS 4:2

Hara ni i, salolot mangolu hamu di tano on tu pudi on, ihutkon hamu ma hagiot ni Debata, ulang be mangihut di hagiot ni jolma hamu.

HALUMBAAN 2:27

Jana mamarenta ma ia tu halahi dohot tungkot bosi; dohot mangabiskon bangso i songon na manapor-napor hudon tano – dos songon na Hujagit sian Damang.

HALUMBAAN 22:14

Martua do sanga ise halak na paiaskon baju jubana lopus ias. Halahi do na tola mangankon batu ni hayu hangoluan dohot na tola mandalani masuk tu kota i sian harbanganna i.

HALUMBAAN 3:5

Angke pakean na songon i ma bontarna na giot pakeon ni angka halak na monang. Nada sesaonKu be goar ni halahi sian buku hangoluan, tapi okuonKu ma halahi di adopan ni Damang dohot di adopan ni angka surusuruanNia paboa na Au nampuna halahi.