MATEUS 6:7 - BIBEL JAMITA NA DENGGAN

⁷ Muda martangiang ho, ulang pola maradu ginjang songon na nibaen ni halak na so mananda Tuhan. Ninna roha ni halahi, gabe ditangihon ma tangiang ni halahi hara ni ginjangna.

MATEUS 6:7 ပူးပေါင်းရင်းမြစ်များ

PARJAMITA 5:7

Songon nipi bahat na so adong artina, laing songon i muse ma na so marguna bahat hata-hata. Tapi habiari ma Tuhan.

MATEUS 18:17

Muda laing inda ditangihon ia sipaingot ni halahi i, paboa ma di tonga-tonga ni parlagutan. Muda laing inda ditangihon ia be sipaingot ni parlagutan i, etong hamu ma i songon halak na so mananda Tuhan. Sanga songon sada halak sitagi pajak.”

MATEUS 26:39

Dung i kehe ma Jesus tar dumao saotik, tungkap ma Ia tu tano laho martangiang, “O Amang,” ning Ia, “Anggo tarbaen do, padao ma sian Au parkancitan na angkon jagitonKu. Tapi ulang ma hagiotKu na tulus, baen ma songon na dihagiotiMu.”

MATEUS 26:42

Jadi kehe ma Jesus padua-nolihon laho martangiang. Didok Ia ma, “Muda na angkon taononKu ma parkancitan on ale Amang jana nada tarbaen so taononKu, rohaMu ma na tulus.”

MATEUS 26:44

Jadi ditadingkon Jesus ma halahi sanoli nari. Kehe ma Ia martangiang patolu-nolihon. Sarupa do tangiangNia i dohot sinangkinan i.

MATEUS 6:32

Halak na so mananda Tuhan do na tongtong manggogo manjalahi na songon i. Hape nian diboto Amangmunu na di banua ginjang i do, sude na porlu di hamu.

BAENON NI ANGKA RASUL 19:34

Tapi disi diida halak na bahat i, hape na halak Jahudi do ia, manigor rap marsurak ma halahi sagogo-gogona, hira-hira dua jom lolotna, “Na godang do Dewi Artemis ni halak Epesus!”