MATEUS 6:6 - BIBEL JAMITA NA DENGGAN

⁶ Tapi muda martangiang ho, masuk ma tu bilik, kunci ma pintuna i. Disi ma ho martangiang tu Amangmu na so tarida i. Diida Ia do sanga aha na nibaenmu di na so pamotoan ni halak. LehenonNia ma upa ni i tu ho.

MATEUS 6:6 ပူးပေါင်းရင်းမြစ်များ

2 RAJA-RAJA 4:33

Ditutup si Elisa ma pintuna i, martangiang ma ia tu Tuhan.

MASMUR 34:15

Diparrohahon Tuhan do halak na daulat, muda pio-pio halahi, ditangihon Ia.

PODA 25:22

Marhite na songon i gabe maila ma ia dibaen ho jana pasupasuon ni Tuhan ma ho.

JESAYA 26:20

Masuk ma hamu tu bagasmunu i ale bangsongKu, lalu tutupkon ma pintuna i. Martabuni ma hamu sangombas lopus mombun rimas ni Tuhan.

JESAYA 65:24

Jadi andorang so pio-pio halahi, madung Hualusi; hatiha manghobari halahi, madung Hubege.

MATEUS 14:23

Dung marmulahan halak na bahat i, manangkok ma Jesus sada Ia tu sada dolok laho martangiang. Ma samon hatiha i, laing disi dope Jesus, hum sasada Ia sajo.

MATEUS 6:18

Anso ulang pola diboto halak na puaso hamu. Tuk ma Amangmunu na so tarida i na umbotosa. Diida Ia do na nibaenmunu i haru pe so diboto halak na asing. Dung i lehenonNia ma upana tu hamu.”

MATEUS 6:4

Indangkon pola adong halak na umbotoan i. Diida Amangmunu na di banua ginjang i do sanga aha na nibaenmunu di na so pamotoan ni halak. Jadi, lehenonNia ma upana di hamu.”

JOHANNES 1:48

“Sian dia diboto Ho taringot tu au?” ninna si Natanael manyapai Jesus. Dialusi Jesus ma, “Taran so dipio si Pilipus ho, dompak di toru ni bona ni hayu ara i dope ho, madung Huida ho.”

JOHANNES 20:17

Didok Jesus ma tu si Maria, “Ulang jama Au jolo, harana nada podo manaek Au tu Damang. Kehe ma ho mandapotkon angka kahanggingKu jana paboa ma tu halahi, ‘Manaek ma Au tu Damang, i ma Amangmunu muse; tu DebatangKu, i ma Debatamunu muse.’ ”

BAENON NI ANGKA RASUL 10:30

Dialusi si Kornelius ma, “Tolu ari na salpu, laing tarsongon on ma hatiha i pukul tolu arian, martangiang do au di bagaskon. Na so huambang-ambang ro ma sada bayo jongjong di jolongku. Marlinang noma idaon baju ni bayo i.

BAENON NI ANGKA RASUL 10:9

Ancogotna i, di na mardalan halahi marayak lalu tu Jope, manaek ma si Petrus tu tarup ni bagas giot martangiang, hira-hira pukul dua bolas tonga ari.

BAENON NI ANGKA RASUL 9:40

Disuru si Petrus ma halahi sude anso haruar, jana singgang ma ia martangiang. Dung i dipaadop ia ma tu bangke ni si Dorkas jana didok ia ma, “Tabita, ngot ma ho!” Jadi dipabolnang ia ma matania jana dung diida ia si Petrus, juguk ma ia.

SURAT NI SI PAULUS TU PARLAGUTAN ROM 8:5

Anggo halak na mangolu marguru tu bako ni hajolmaonna, sai na tumbuk tu hagiot ni bako ni jolma do dipasari-sari i. Tapi anggo halak na mangolu mangihutkon Tondi Ni Debata, sai jop ni roha ni Tondi i do dipasari-sari halahi.

EPESUS 3:14

Hara ni i ma umbaen na marsinggang au di adopan ni Ama i.