MATEUS 6:5 - BIBEL JAMITA NA DENGGAN

⁵ “Muda martangiang hamu, ulang ma songon halak pangalancap. Na ringgasan halahi jongjong martangiang di angka bagas paribadatan dohot di sirpang-sirpang ni dalan, anso diida halak. Ingot hamu ma! Madung dijagit halahi upa ni halahi.

MATEUS 6:5 ပူးပေါင်းရင်းမြစ်များ

MASMUR 5:2

Pio-pio do au tu Ho urupi ma au, o Rajangku jana Debatangku.

MASMUR 55:17

Hape humolos do au jana tangis arian dohot borngin, tangihononNia do sorangku.

PODA 15:8

Sonang do roha ni Tuhan muda denggan halak martangiang, tapi anggo haul ni halak na jahat ditulak Ia.

PODA 16:5

Dihagigihon Tuhan do sude halak siginjang roha; nada dipadiar halahi malua sian uhumanNa.

JESAYA 1:15

Muda pe diangkat hamu tanganmunu martangiang, nada Huterge be i. Nada parduli Au sanga na sadia bahat tangiangmunu i, nada ra Au manangihonsa angke dohot tanganmunu i madung bahat hamu mamunu.

JEREMIA 29:12

Jadi mangido tolong ma hamu tu Au, jana alusanKu ma tangiangmunu.

DANIEL 6:10

Jadi diteken Raja Darius ma surat parenta i.

MATEUS 21:22

Sanga aha pe pangidoanmunu di bagasan tangiangmunu, jagitonmunu do i, asal ma porsaya hamu.”

MATEUS 23:13

“Marjaya ma hamu angka Siboto Surat dohot halak Parise! Angka pangalancap do hamu. Disundati hamu do halak na markagiot gabe rayat di Harajaan Ni Banua Ginjang. Hamu sandiri so ra gabe rayat ni Harajaan i. Muda adong halak na giot masuk tusi, hape dihalang-halangi hamu. [

MATEUS 23:5

Sude pambaenan ni halahi, hum anso diida jolma sajo do. Sangajo do dipake halahi angka tali ni abit sumbayang na bidang-bidang dohot rambu ni baju juba ni halahi!

MATEUS 23:6

Hum na giot di juluan do halahi muda masa pesta. Disi karosi na jumeges di angka bagas paribadatan, ulang so disi halahi juguk.

MATEUS 6:1

“Ingot hamu ma! Unang baen hamu na niwajibkon ni ugamo di jolo ni na bahat, anso diida halak hamu. Muda songon i do dibaen hamu, nada lehenon di hamu upa na sian Amangmunu na di banua ginjang i.”

MATEUS 6:16

“Dung i muda puaso hamu, ulang ma markaremut bohimunu songon halak pangalancap. Mardalani ma halahi, gale-gale idaon. Hape anso diboto halak do na puaso halahi. Ingot hamu ma! Madung dijagit halahi do sude upa ni halahi.

MATEUS 6:2

“Jadi muda dilehen hamu silehenon, ulang paboa-boa hamu i songon na nibaen ni angka halak pangalancap. Anggo halahi, tagi do mambaen na songon i di angka bagas paribadatan dohot di angka dalan godang, anso dipuji halak halahi. Ingot hamu ma! Madung dijagit halahi hian upa ni halahi.

MATEUS 9:38

Hara ni i pangido hamu ma tu nampuna sabion i, anso disuru Ia halak laho manyabi sabion i.”

MARKUS 11:25

Dung i muda martangiang hamu, hape inda sonang rohamu mida sada halak, angkon jolo sesaonmu hasalaan ni halakna i anso disesa Amangmunu na di banua ginjang i muse dosamunu.” [

MARKUS 12:38

Didok Ia disi, “Jamot ma hamu adop angka Siboto Surat i. Na torus do halahi mardalan-dalan mamake baju na ginjang. Na jopan do muse roha ni halahi muda ditabi halak di poken.

LUKAS 11:43

Marjaya ma hamu halak Parise, harana jop do rohamunu manjuguhi juguhan na sumurung di bagas paribadatan dohot diparsantabi ni halak na di poken.

LUKAS 18:1

Dung i dipaboa Jesus muse ma sada umpama laho mangajar angka siseanNia anso tongtong martangiang halahi jana ulang mandele.

LUKAS 18:13

Tapi anggo sitagi pajak i jongjong ma ia mandao-dao jana inda puluk ia mardongak adop langit. Ditompuhi ia andorania i didok ia ma, ‘O ale Debata, ibo ma rohaMu mida au pardosa on!’ ”

LUKAS 20:47

Dirugii halahi do angka na mabalu jana dirampas halahi angka bagasna i, hape dipaula-ula halahi ma lolot-lolot martangiang! Musti angkon hona uhum na dokdok halahi!”

LUKAS 6:24

Tapi marjaya ma hamu na kayo saonnari on; harana madung didai hamu na tabo!

JOHANNES 16:24

Lopus tu hatiha on na so unjung dope dipangido hamu sanga na aha markite-hite goarKu. Torus ma pangido hamu, gabe manjagit ma hamu, anso sanggam jop ni rohamunu.”

EPESUS 6:18

Mardongan tangiang mangido tolong tu Debata ma patulus hamu sudena i. Ulang hamu lupa martangiang ganop adong hatihana sanga hombar tu panogu-noguon ni Tondi Parbadia di hamu. Tongtong ma jonggor hamu. Tongtong ma martangiang hamu, manangiangkon sudena halak na porsaya.

1 TESSALONIKA 5:17

jana tongtong martangiang.

JAKOBUS 4:6

Haru songon i pe, gumogo dope asi ni roha ni Debata na nilehenNa i di hita ulang pado hagiot ni rohanta i. Hara ni i do umbaen na laing tarsurat di Buku Na Badia i muse, “Dialo Debata do halak siginjang roha, tapi asi do rohaNia anggo tu halak na toruk roha.”