MATEUS 6:32 - BIBEL JAMITA NA DENGGAN

³² Halak na so mananda Tuhan do na tongtong manggogo manjalahi na songon i. Hape nian diboto Amangmunu na di banua ginjang i do, sude na porlu di hamu.

MATEUS 6:32 ပူးပေါင်းရင်းမြစ်များ

1 RAJA-RAJA 19:6

Manaili ma si Elia humaliangnia, jadi diida ia ma payak sada roti di lambung ni ulunia i dohot kendi na marisi aek. Mangan ma ia antong jana minum, lalu dipapodom-podom ia mangulahi.

MASMUR 103:13

Songon asi ni roha ni ama-ama mida angka anakna do, asi ni roha ni Tuhan di angka na manghabiari Ia.

MASMUR 17:14

Palua ma au dohot tanganMu, ale Tuhan, sian angka jolma portibi on, na dapotan bagian di pangoluon on, padiar ma dipabutong butuha ni halahi dohot na dung dipasingkopMu, gabe dohot ma angka dakdanak ni halahi butongan, jana angka na teba i dilehen tu angka dakdanak na menek.

JEREMIA 45:5

Biasi dijalahi ho hagodangon ni dirimu? Ulang jalahi i. Angke satutuna paroonKu ma parhancitan tu sude na mangolu, songon i ma didok Tuhan. Tapi anggo tu ho lehenonKu do ngolu songon gonti ni sude inganan na giot bolusonmu.”

MATEUS 6:8

Ulang songon i hamu. Diboto Amangmunu do na porlu di hamu, dompak so mangido dope hamu.

LUKAS 12:30

Halak na so mananda Debata do na tongtong parayakkon angka na songon i.) Diboto Amangmunu i do na porlu di hamu angka na songon i.

EPESUS 4:17

Jadi husaksihon di bagasan goar ni Tuhan, on do na giot dokkononku dohot patangkasonku: Ulang be songon halak na so mananda Debata ngolumunu na mamikirkon angka na so haru binoto.

PILIPPI 4:19

Pasingkopon ni Debatangku ma sudena na hasaya di hamu mangihutkon hagabeanNia na so tarsuhat i na adong di Kristus Jesus.

1 TESSALONIKA 4:5

Ulang ma hara ni na mangoloi hagiot ni sibukna songon na nibaen ni angka halak na so mananda Debata.