MATEUS 6:31 - BIBEL JAMITA NA DENGGAN

³¹ Ulang ma lomos rohamunu! Jana ulang ma dokkon hamu, ‘Aha ma naron panganonnami’, sanga, ‘Aha ma naron inumonnami’, sanga, ‘Aha ma naron pakeannami?’

MATEUS 6:31 ပူးပေါင်းရင်းမြစ်များ

2 JUJUR TAON 25:9

“Tapi bia ma taringot tu perak na dung sanga i hulehen tu halahi?” ning si Amasia marsapa. Dialusi panurirang i ma, “Tarpaulak Tuhan do tu raja i lobi sian i!”

MASMUR 111:5

Dilehen Ia rasoki di halak na burju marugamo, jana na sai marningot di janjiNia.

MASMUR 37:3

Haporsayai ma Tuhan jana baen ma na denggan, anso sonang ho di tano i maringanan.

MASMUR 55:22

Pasahat ma holos ni rohamu tu Tuhan, jadi pargogoanNia ma ho, angke nada unjung Ia padiarkon halak na tigor ditaluhon.

MATEUS 15:33

Gabe disapai anak siseanNia i ma tuSia, “Di dia ma dapot hita sipanganon di halongonan on di halak na songon on bahatna?”

MATEUS 4:4

Dialusi Jesus ma, “Adong do tarsurat songon on: Nada hum sian roti sajo hangoluan ni jolma, tapi sian sude hata na nidok ni Debata do.”

MATEUS 6:25

Hara ni i, Hudok ma tu hamu! Ulang pola sak rohamunu taringot tu ngolumunu. Sanga aha ma panganon dohot inumonmunu, jala ulang pola sak rohamunu taringot tu pamatangmunu, sanga aha sipakeonmunu. Inda he ummarga hosa sian panganon? Inda he ummarga pamatang sian pakean?

MATEUS 6:27

Ise ma sian hamu na tarbaen paginjangkon umurna, hum saotik pe, hara ni sak ni rohania lakna?

LUKAS 10:41

Dialusi Tuhan i ma, “O Marta, Marta! Mabahattu do dipasari-sari rohamu jana sude dihasusahon ho.

LUKAS 12:11

Muda dioban hamu tu angka bagas paribadatan anso diuhumi di jolo ni pamarenta sanga parkuaso, ulang ma humolos rohamunu taringot tu alusmunu, sanga pe taringot tu hata sidokkononmunu,

LUKAS 12:22

Dung i didok Jesus ma tu angka siseanNia, “I do umbaen na Hudok, ‘Ulang humolos rohamunu hara ni angka parngoluonmunu, i ma taringot tu sanga aha na giot panganonmunu annon, sanga aha na giot pakeonmunu annon.’

LUKAS 12:29

Antong hara ni i, ulang ganggu rohamunu taringot tu sipanganon sanga siinumonmunu; ulang ma humolos rohamunu taringot tusi. (

PILIPPI 4:6

Ulang pola holoskon hamu sanga na aha. Sanga dia pe na masa, martangiang ma hamu jana pasahat hamu ma pangidoanmunu tu Debata. Sanga aha na porlu di hamu, paboa hamu ma i tongtong tu Debata mardongan roha na mandok tarimakasi.

1 PETRUS 5:7

Pasahat hamu ma sudena holos ni rohamunu tu Debata, angke diparrohahon Ia do hamu.