MATEUS 6:25 - BIBEL JAMITA NA DENGGAN

²⁵ Hara ni i, Hudok ma tu hamu! Ulang pola sak rohamunu taringot tu ngolumunu. Sanga aha ma panganon dohot inumonmunu, jala ulang pola sak rohamunu taringot tu pamatangmunu, sanga aha sipakeonmunu. Inda he ummarga hosa sian panganon? Inda he ummarga pamatang sian pakean?

MATEUS 6:25 ပူးပေါင်းရင်းမြစ်များ

MASMUR 55:22

Pasahat ma holos ni rohamu tu Tuhan, jadi pargogoanNia ma ho, angke nada unjung Ia padiarkon halak na tigor ditaluhon.

JEREMIA 45:5

Biasi dijalahi ho hagodangon ni dirimu? Ulang jalahi i. Angke satutuna paroonKu ma parhancitan tu sude na mangolu, songon i ma didok Tuhan. Tapi anggo tu ho lehenonKu do ngolu songon gonti ni sude inganan na giot bolusonmu.”

MATEUS 10:19

Tapi muda dioban hamu anso niadilan, ulang sak rohamunu taringot tu hata sidohononmunu sanga taringot tu pangkataimunu bagi na tarbia. Harana, sanga aha pe na giot sidokkononmunu disi, jolo paboaon do i tu hamu.

MATEUS 13:22

Same na madabu tu tonga-tonga ni duri i, i ma tarsongon halak na mambege jamita i, tapi humolos ma halahi hara ni ngolu ni halahi. Sai giot marlobi-lobi do ngolu ni halahi. Jadi tarhapit ma jamita i di bagasan roha ni halahi, gabe nada marbatu.

MATEUS 6:31

Ulang ma lomos rohamunu! Jana ulang ma dokkon hamu, ‘Aha ma naron panganonnami’, sanga, ‘Aha ma naron inumonnami’, sanga, ‘Aha ma naron pakeannami?’

MATEUS 6:34

Hara ni i ulang pola lomos rohamunu taringot tu ancogot, angke disarihon ari ancogot i do na hasaya disia. Marsiporsan hasusaanna be do angka ari i.”

MARKUS 13:11

Jadi muda tartangkup hamu dioban tu paruhuman, ulang pola sak rohamunu taringot tu sidohononmunu. Muda dung dapot hatihana mandok hata hamu, dok hamu ma disi sanga aha na nipaboa tu hamu. Harana nada hatamunu sandiri sidohononmunu. Sian Tondi Parbadia do sude marroan hata sidohononmunu i.

MARKUS 4:19

tapi disegohon pangkilalaan na humolos ma taringot tu ngolu ni halahi. Sai giot maradong. Marragam ma hagiot na mangganggui roha ni halahi. Gabe mate ma hata i na sian Debata, inda marguna be di roha ni halahi.

LUKAS 12:11

Muda dioban hamu tu angka bagas paribadatan anso diuhumi di jolo ni pamarenta sanga parkuaso, ulang ma humolos rohamunu taringot tu alusmunu, sanga pe taringot tu hata sidokkononmunu,

LUKAS 8:14

Same na madabu tu tonga-tonga ni duri i, manggambarkon angka halak na manangihon hata i tapi ganggu do roha ni halahi jana por roha ni halahi di sinadongan boti lungun roha ni halahi marsonang-sonang di tano on. Sudena ma i mangkapit halahi mambaen halahi nada marbatuhon parbatu na matoras.

SURAT NI SI PAULUS TU PARLAGUTAN ROM 8:32

Ia na so mangolani anakNia sandiri, tapi dipasahat Ia do anakNa i hara ni hita sude; nada he lehenonNia muse tu hita sasudena na asing i rap dohot AnakNa i?

1 KORINTUS 7:32

Giotku nian, malua ma hamu sian hasusaan. Halaklahi na so marripe, tarpasada ia ma rohania tu angka pangalaho na marpardomuan tu Tuhan, angke sai giot pasonangonnia ma roha ni Tuhan.

PILIPPI 4:6

Ulang pola holoskon hamu sanga na aha. Sanga dia pe na masa, martangiang ma hamu jana pasahat hamu ma pangidoanmunu tu Debata. Sanga aha na porlu di hamu, paboa hamu ma i tongtong tu Debata mardongan roha na mandok tarimakasi.

2 TIMOTEUS 2:4

Muda sada tentara na topet mardinas nada tola baenonna urusanna sandiri, angke por do rohania laho pasonangkon roha ni komandanna i.

1 PETRUS 5:7

Pasahat hamu ma sudena holos ni rohamunu tu Debata, angke diparrohahon Ia do hamu.