MATEUS 6:22 - BIBEL JAMITA NA DENGGAN

²² “Mata i do songon lampu di pamatang. Muda torang matamu, gabe torang do sude pamatangmu.

MATEUS 6:22 ပူးပေါင်းရင်းမြစ်များ

JESAYA 5:20

Marjaya ma halahi na mandokkon hajahatan i denggan jana na denggan i na jahat, na manggonti hagolapan gabe torang jana na torang gabe hagolapan, na manggonti na paet gabe tonggi, jana na tonggi gabe na paet.

MATEUS 5:15

Nada adong halak na manutung lampu, dung i ditutupi ia dohot belek. Tu inganan ni lampu do i dibaen halak, anso torang sude idaon ni halak na di bagas i.

BAENON NI ANGKA RASUL 2:46

Ganop ari marlagut do halahi di Bagas Ni Debata; marmoga-moga jana martoruk ni roha, rap mamonggoli roti halahi di angka bagas ni halahi. Jana rap mangan ma halahi di bagasan jop ni roha dohot toruk ni roha;

2 KORINTUS 11:3

Tapi songon na ganggu do rohangku, betak na hona goda do hamu jana nada setia be hamu tu Kristus, sarupa dohot si Hawa narobi na hona goda dibaen habisuhon ni ulok i.

EPESUS 6:5

Hamu angka dongan na gabe hatoban! Oloi hamu ma parenta ni tuanmunu na di tano on. Mardongan sangap dohot biar ni roha jana burju ma baen hamu i songon na mangoloi Tuhan i sandiri.

KOLOSSE 3:22

Hamu angka hatoban! Sanga na bia pe, oloi hamu ma tuanmunu na di tano on. Ulang ma hum hatiha dijagoi halahi hamu, mangoloi hamu tu halahi, anso dapotan pujian hamu sian halahi. Sian rohamunu ma oloi hamu halahi, hara ni biar mida Tuhan.