MATEUS 6:1 - BIBEL JAMITA NA DENGGAN

¹ “Ingot hamu ma! Unang baen hamu na niwajibkon ni ugamo di jolo ni na bahat, anso diida halak hamu. Muda songon i do dibaen hamu, nada lehenon di hamu upa na sian Amangmunu na di banua ginjang i.”

MATEUS 6:1 ပူးပေါင်းရင်းမြစ်များ

2 RAJA-RAJA 10:16

laing didok ia muse ma, “Beta ma anso diida ho sandiri sanga na bia hubaen laho mangoloi Tuhan.” Jadi rap markareta ma halahi tu Samaria.

MASMUR 112:9

Dilehen ia do sidoka tu halak na pogos, jana dibagihon ia sinadonganna sian burju ni rohana; sai marpupu do ia mambaen na denggan, hara ni i ma umbaen na markuaso ia jana dipasangap.

JEHESKIEL 33:31

Ro do halahi marbahat-bahat songon bangsongKu, tangihonon ni halahi do angka hata na nidokmu, tapi anggo na niparentahonmu nada diterge halahi. Hata holong ni roha do dipajojor bibir ni halahi, tapi anggo rohana di bagasan hum mamikiri untung sajo do.

DANIEL 4:27

Hara ni i, denggan ma diihutkon raja i sipaingotku. Ulang be sai mardosa raja i, tapi dipatulus raja i ma na denggan dohot na tigor, jana ibo ma roha ni raja i mida halak na pogos. Jadi muda songon i, sai tongtong ma martua raja i.”

ZAKARIA 13:4

Di hatiha i maila ma angka panurirang hara ni parnidaanna songon sada panurirang, nada adong be sian halahi na mamake baju juba na marimbulu giot margabus.

ZAKARIA 7:5

“Palalu ma tu sude halak na maringanan di luat on dohot tu angka malim songon on: Dompak marpuaso hamu jana mangandungi di bulan palimahon dohot papituhon salolot na pitu pulu taon on, adong ma he sian situtu ni rohamunu marpuaso di Au?

MATEUS 16:27

Ro ne ma Anak Ni Jolma i, mardongan hasangapan ni AmangNia rap dohot angka surusuruanNia. Anggo disi, baloskononNia ma tu ganop jolma hombar tu pambaenan ni halahi be.

MATEUS 16:6

Didok Jesus ma tu halahi, “Manat-manat jana jamot ma hamu adop ragi ni angka Parise dohot Saduse i.”

MATEUS 23:13

“Marjaya ma hamu angka Siboto Surat dohot halak Parise! Angka pangalancap do hamu. Disundati hamu do halak na markagiot gabe rayat di Harajaan Ni Banua Ginjang. Hamu sandiri so ra gabe rayat ni Harajaan i. Muda adong halak na giot masuk tusi, hape dihalang-halangi hamu. [

MATEUS 23:5

Sude pambaenan ni halahi, hum anso diida jolma sajo do. Sangajo do dipake halahi angka tali ni abit sumbayang na bidang-bidang dohot rambu ni baju juba ni halahi!

MATEUS 25:40

Alusan ni Raja i ma, ‘Ingot hamu ma on: Hatiha dibaen hamu songon i tu sada halak sian angka kahanggingKu na umdangol i, etongon na tu Au do i dibaen hamu!’

MATEUS 5:16

Sugari angkon songon i ma nian torangna sinondangmunu di jolo ni halak. Anso diida halak parangemunu na denggan i. Gabe dohot ma halahi mamuji Amangmunu na di banua ginjang i.”

MATEUS 5:46

Harana, muda hum halak na manghaholongi hamu do dihaholongi hamu, aha labo ni i di hamu? Nada he laing songon i do dikarejohon angka sitagi pajak i?

MATEUS 5:48

Angkon sanggam do hamu – sarupa dohot Amangmunu na di banua ginjang i, sanggam.”

MATEUS 6:16

“Dung i muda puaso hamu, ulang ma markaremut bohimunu songon halak pangalancap. Mardalani ma halahi, gale-gale idaon. Hape anso diboto halak do na puaso halahi. Ingot hamu ma! Madung dijagit halahi do sude upa ni halahi.

MATEUS 6:9

Jadi songon on ma dok hamu muda martangiang hamu, ‘Ale, Amangnami na di banua ginjang: Pinarbadia ma goarMu,

MARKUS 8:15

“Manat-manat ma hamu maradopkon ragi ni halak Parise dohot ragi ni si Herodes,” ninna Jesus tu halahi.

LUKAS 11:35

Antong hara ni i manat-manat ma hamu anso ulang sanga golap na torang na di bagasan ho i.

LUKAS 12:1

Marribu halak na marsisohan jabat adong na tardege-dege patna i. Jadi taran marrongoman jolma i mandok hata ma Jesus, lumobi tu angka siseanNia i, “Jago ma hamu maradopkon ragi ni halak Parise, i ma pangalancapon ni halahi.

LUKAS 12:15

Dung i didok Jesus ma hata tu sude halak na disi, “Manat jana jagohon hamu ma dirimunu, angke haru bahat sajo pe arta ni halak, nada marguru tu sinadonganna i anggo ngoluna.”

LUKAS 16:15

Tapi didok Jesus ma tu halahi, “Hamu ma angka na mandok di jolo ni halak, sai na tigor hamu. Tapi diboto Debata do isi ni rohamunu. Angke sanga aha na nietong ni roha ni jolma na gincat, i ma na toruk di panatapan ni Debata.

JOHANNES 12:43

Harana holongan do roha ni halahi di hasangapan na sian jolma, ulang pado hasangapan na sian Debata.

JOHANNES 5:44

Tarbia muse ma pambaenmunu porsaya, harana na manjalahi sangap do hamu sama hamu, anggo sangap sian Debata na sasada i nada dijalahi hamu.

BAENON NI ANGKA RASUL 3:12

Di na niida ni si Petrus halak na bahat i, didok ia ma tu halahi, “Hamu ale halak Israel, biasi pola homang rohamunu? Adong he ninna rohamunu hara ni na adong kuaso di hami sanga hara ni haburjuonnami gabe tarbaen bayo on mardalan?

GALATIA 6:12

Halak na giot patujolohon dirina di angka pangalaho na tarida, halahi do na mamaksa hamu mangihutkon paraturan ni sunat. Tapi dibaen halahi pe songon i, hum anso ulang dimusui halak Jahudi do halahi hara ni silang ni Kristus i.

PANGARATAION 24:13

tapi angkon paulahonmu do i tusia ganop borngin, anso tarpake ia pakean i modom. Jadi gabe mandok tarimakasi ma ia jana lomo ma roha ni Tuhan Debatamu tu hamu.

IBRANI 11:26

Dihilala si Musa dao dope ummarga maruli incak-incak hara ni Kristus na nijanjihon ni Debata i ulang pado manjagit sasude arta ni tano Mesir; harana upa di ari na giot ro do na nipainte ni si Musa.

IBRANI 2:1

Hara ni i ma umbaen na porlu hita mur manat tu angka na hita bege, anso ulang mayup hita.

IBRANI 6:10

Nada Debata na so tigor. Nada halupahononNia sanga aha na denggan na nibaenmunu tuSia. Sai na ingotonNia do holong ni roha na nipatuduhonmunu tuSia di bagasan pangurupionmunu na nipasahatmunu maradopkon angka dongan Kristen na asing i. Jana lopus saonnari pe laing dilehen hamu do pangurupion i.

2 JOHANNES 1:8

Hara ni i, jagohon hamu ma anso ulang jabat adong sanga aha na mago sian na hami pasahat i tu hamu. Manat ma hamu anso laing dohot hamu manjagit sudena upamunu i.