MATEUS 5:7 - BIBEL JAMITA NA DENGGAN

⁷ Martua ma angka na marasi ni roha, dibaen dapotan asi ni roha do muse halahi.

MATEUS 5:7 ပူးပေါင်းရင်းမြစ်များ

2 SAMUEL 17:28

Dioban halahi ma podoman, mangkuk, huali, dohot kasur di si Daud dohot parangannia i, songon i muse gandum, jabaure, topung, gandum na digoreng, kacang polong,

2 SAMUEL 22:26

Laing burju do Ho, tu halak na tigor tu halak na sanggam, ibo ni rohaMu pe laing sanggam ma.

MASMUR 112:4

Marsinondang ma na torang di bagasan hagolapan, di halak na burju, na tigor, parholong dohot paribo.

MASMUR 112:9

Dilehen ia do sidoka tu halak na pogos, jana dibagihon ia sinadonganna sian burju ni rohana; sai marpupu do ia mambaen na denggan, hara ni i ma umbaen na markuaso ia jana dipasangap.

MASMUR 18:25

Tuhan, tu halak na burju laing burju do Ho mambaen na denggan, i ma hadengganan na nibaenMu tu halak na so mardosa.

MASMUR 37:26

Matua na painjamkon ma i jana mangalehen, jana angka dakdanakna gabe pasupasu do i disia.

PODA 11:17

Maruntung do halak muda denggan rohana, tapi marugi do muda marroha na jat iba.

PODA 11:25

Halak na mangalehen pasupasu, mur bahat manjagit pasupasu, halak na sai manolong, laing dapotan tolongan ia.

PODA 14:21

Sanga ise na palayas halak, mambaen dosa; sanga ise marroha na denggan tu halak na pogos, martua.

PODA 19:17

Mangurupi halak na pogos tudos do na pasalihon tu Tuhan; laing Tuhan muse ma na paulakkon.

JESAYA 57:1

Mate halak partigor, jana nada adong sahalak pe na mampardulihonsa; angka halak na alim hona sintak hosana, jana nada adong na mangantureskonsa; tutu, hara ni na dung rarat hajahaton, hona sintak ma hosa ni halak partigor.

DANIEL 4:27

Hara ni i, denggan ma diihutkon raja i sipaingotku. Ulang be sai mardosa raja i, tapi dipatulus raja i ma na denggan dohot na tigor, jana ibo ma roha ni raja i mida halak na pogos. Jadi muda songon i, sai tongtong ma martua raja i.”

HOSEA 1:6

Dung i denggan ma muse pamatang ni dadaboru i jana manubuhon sada dakdanak dadaboru. Didok Tuhan ma tu si Hosea, “Baen ma goar ni borumi si Lo-Ruhama, angke nada holong be rohangKu mida bangso Israel, jana nada ampunanKu be halahi.

HOSEA 2:1

Dokkon ma tu donganmu halaklahi, “Ami!” jana tu donganmu dadaboru, “Ruhama!”

HOSEA 2:23

BaenonKu ma bangsongKu mangolu marsonang-sonang jana hot maringanan di tanona. Tu halahi na margoar ‘Na So Dihaholongi’ patuduhononKu ma bahaso na Huhaholongi do halahi, jana tu halahi na nigoaran ‘Nada BangsongKu’, dokkononKu ma ‘BangsongKu Do Hamu’. Songon on ma alusan ni halahi ‘Ho do tutu Debatanami!’ ”

MIKA 6:8

Nada! Madung dipaboa Tuhan tu hita sanga aha na denggan. Anggo na nipangido ni rohaNia sian hita, i ma anso tigor pambaenanta, tadalankon ma holong ni roha, jana mangoku di bagasan toruk ni roha di jolo ni Debatanta.

MARKUS 11:25

Dung i muda martangiang hamu, hape inda sonang rohamu mida sada halak, angkon jolo sesaonmu hasalaan ni halakna i anso disesa Amangmunu na di banua ginjang i muse dosamunu.” [

LUKAS 6:35

Anggo sapatutna nada songon i! Anggo hamu angkon suhar-suhar ni i do. Angkon haholonganmunu do musumunu jana baen hamu ma na denggan tu halahi. Angkon lehenonmunu do manginjam jana ulang pola arop rohamunu dapotan garar mangulahi. Godang do dapot hamu upa ni i jana gabe anak ni Debata Na Gumincat i ma hamu. Angke anggo Debata, denggan do dibaen Ia maradopkon angka na so malo mandok tarimakasi, songon i muse laing denggan do dibaen Debata maradopkon halak na jahat.

SURAT NI SI PAULUS TU PARLAGUTAN ROM 11:30

Najolo nada mangoloi Debata hamu. Hape saonnari madung dapotan asi ni roha do hamu, hara ni na so ra halak Jahudi mangoloi.

1 KORINTUS 7:25

Saonnari taringot tu angka na so marripe noma. Anggo taringot tusi nada adong dope hujagit angka parenta sian Tuhan. Tapi haru songon i pe, songon halak na manjagit asi ni roha ni Tuhan na patut sihaposan, giot lehenonku do sipaingotku.

2 KORINTUS 4:1

Na niurupan ni Debata do hami mangkarejohon karejo on. Na nilehenNia do karejo on di hami. Hara ni i ma umbaen na so mandele hami.

EPESUS 4:32

Tapi gumonan ma burju jana lambok hamu sama hamu, bope na marsisesaan sala songon panyesa ni Debata di dosamunu markite-hite Kristus.

KOLOSSE 3:12

Antong hamu angka na dung dipuldit ni Debata, na diparbadia i jana na dihaholonginNia, pake hamu ma ibo ni roha, habasaron, toruk ni roha, lambok ni roha dohot hapohomon.

1 TIMOTEUS 1:13

Najolo, madung hupalayas Ia, huparkanciti jana hupabile. Tapi haru songon i pe asi do roha ni Debata mida au, angke nada porsaya dope au hatiha i, gabe nada huboto sanga aha na hubaen i.

1 TIMOTEUS 1:16

Tapi laing hara ni i muse ma dihaholongi Debata au, anso laing tarpatuduhon Jesus Kristus hasobaronNia maradopkon au halak pardosa on. Jana gabe tiruan ma on di angka na giot porsaya muse tuSia jana na manjagit hangoluan na so mantak.

IBRANI 4:16

Hara ni i, pos ma rohanta ulang pola mabiar be hita mandapotkon habangsa parasinirohaan, anso tajagit ibo ni roha dohot dumpangan asi ni roha, na gabe pangurupi di hatiha na dung ditontuhon i.

IBRANI 6:10

Nada Debata na so tigor. Nada halupahononNia sanga aha na denggan na nibaenmunu tuSia. Sai na ingotonNia do holong ni roha na nipatuduhonmunu tuSia di bagasan pangurupionmunu na nipasahatmunu maradopkon angka dongan Kristen na asing i. Jana lopus saonnari pe laing dilehen hamu do pangurupion i.

JAKOBUS 2:13

Angke sanga ise halak na so maribo ni roha tu halak na asing, sidabuon do uhuman tusi so pola mardongan ibo ni roha. Tapi gumogo dope ibo ni roha ulang uhuman!

JAKOBUS 3:17

Tapi sanga ise na maruli habisuhon na ro sian ginjang, na parjolo: Na ias do i, dung i pardame, na burju dohot na ra mangoloi. Gok do i dohot ibo ni roha bope na pataridahon angka parange na denggan. Nada ganggu rohana jana nada mangalancap.

1 PETRUS 2:10

Na jolo, nada bangso ni Debata hamu, hape anggo saonnari bangso ni Debata do hamu. Najolo, nada dihaholongi Debata hamu, hape anggo saonnari didai hamu do asi ni rohaNia.