MATEUS 5:6 - BIBEL JAMITA NA DENGGAN

⁶ Martua ma angka na male dohot na manguas mida hatigoran, angke na giot pabutongon do halahi muse.

MATEUS 5:6 ပူးပေါင်းရင်းမြစ်များ

MASMUR 107:9

Angke dipaminum Ia halak na manguas, na male dipabutong Ia dohot hadengganan.

MASMUR 145:19

Dipasonang Ia do roha ni angka na burju marugamo, ditangihon Ia do pio-pio ni halahi jana dipalua Ia.

MASMUR 17:15

Tapi di bagasan hatigoran do, giot tataponku bohimu. Muda dung ngot au rap dohot Ho mambaen jop rohangku.

MASMUR 63:5

Pujionku do Ho marhite angka ende na riang-riang, dibaen dipasombu Ho rohangku songon na mangankon sipanganon na tabo.

MASMUR 65:4

Martua do sanga ise na nitodoMu, jana na nipiohonMu anso maringanan di alamanMu. Butongan ma hami dohot angka na denggan i, di BagasMu, di parmiananMu na badia i.

MASMUR 84:2

Sai na malungun situtu do rohangku mida ingananMu; sai marsurak do pamatang dohot tondingku pio-pio tu Debata na mangolu.

PODA 10:24

Halak na bulus dapotsa por ni rohana; halak na jahat dumpangan na nihabiaranna.

PODA 21:21

Muda denggan rohamu jana jujur ho, gabe ginjang ma umurmu, pasangapon ni halak ma ho jana tigor pambaenanna tu ho.

ENDE NA GODANG 5:1

Anggi na huririt, ro do au tu kobunku; huincop asar ni loba dohot aerna; huinum susu dohot anggur; hupalagut angka parmasak dohot anggur. Mangan minum ma, hamu angka dongan sudena, lopus mabuk be hamu di holong ni roha.

JESAYA 25:6

Di Dolok Sion, dihobasi Tuhan Na Markuaso i ma pesta di sude bangso na di tano on. Rade ma dibaen angka sipanganon na tumabo dohot anggur pilian.

JESAYA 41:17

Muda manguas bangsongKu na lebak i, manjalahi aek harana hiang aru-aruna i, Au Tuhan, alusanKu do tangiang ni halahi; nada tadingkonon ni Debata ni Israel bangsoNa i.

JESAYA 44:3

Tano na manguas Hupabutong dohot aek, di tano na harsang, mardalan ma batang aek. DuruskononKu ma kuasongKu tu angka dakdanakmu, jana Hupasupasu pomparanmu.

JESAYA 65:13

Jadi songon on do pandok ni Tuhan Debata, “Satutuna do, sanga ise na marsomba tu Au jana na burju mangoloi Au tuk do panganon dohot inumonna, hape anggo hamu malean do jana manguas. Moga ma halahi, hape anggo hamu maila.”

JESAYA 66:11

Daionmunu ma hataboan ni pasupasuna, songon dakdanak na manyusu tu inangna.

JEREMIA 31:25

Angka na loja sian halahi giot pargogoanKu, jana pabutongonKu angka na garse hara ni na tangkuraparon.

LUKAS 1:53

Dipabutong Ia angka halak na male marhite angka na denggan, tapi anggo halak na kayo dipaorot Ia mardongan tangan na rumar.

LUKAS 6:21

Martua ma hamu na male saonnari, harana pabutongon ma hamu muse! Martua ma hamu angka na tangis saonnari, harana gabe martata ma hamu muse!

LUKAS 6:25

Marjaya ma hamu na butong saonnari on; harana, malean ma hamu! Marjaya ma hamu na martata saonnari on; harana, marsak ma rohamunu jana tangis.

JOHANNES 4:14

tapi anggo halak na manginum aek na giot lehenonKi disia, nada manguas be ia salolot-lolotna. Angke anggo aek na giot lehenonKi angkon gabe sada mata mual na marbuldak-buldak do i di dirinia jana mangalehen hangoluan na so mantak.”

JOHANNES 6:27

Ulang pola marloja-loja hamu markarejo hara ni sipanganon na ra abis dohot na ra busuk. Markarejo ma hamu, anso dapot hamu sipanganon na so ra busuk jana na mangalehen hangoluan na so mantak. Lehenon ni Anak Ni Jolma i do di hamu panganon i; angke madung dilehen Damang, i ma Debata, kuaso i diSia.”

JOHANNES 7:37

Ari na parpudi di pesta i, i ma mata ni pesta i. Jongjong ma Jesus disi mandok hata marsora na gogo, ning Ia ma, “Sanga ise na manguas, tu Au ma ro anso minum.

HALUMBAAN 7:16

Nada be male halahi sanga manguas; nada taonon ni halahi mataniari sanga las ni ari,