MATEUS 5:47 - BIBEL JAMITA NA DENGGAN

⁴⁷ Muda hum donganmunu do dijalang hamu, aha ma pola surungmunu disi?

MATEUS 5:47 ပူးပေါင်းရင်းမြစ်များ

MATEUS 10:12

Muda masuk hamu tu bagas i jalang hamu ma halahi. Dok hamu ma, “Horas ma di hamu!”

MATEUS 5:20

Jadi Hudok ma tu hamu: Muda nada sumurung hatigoranmu sian hatigoran ni angka Parise dohot Siboto Surat, nada tarbaen hamu masuk tu Harajaan Ni Banua Ginjang.”

MATEUS 5:46

Harana, muda hum halak na manghaholongi hamu do dihaholongi hamu, aha labo ni i di hamu? Nada he laing songon i do dikarejohon angka sitagi pajak i?

MATEUS 5:48

Angkon sanggam do hamu – sarupa dohot Amangmunu na di banua ginjang i, sanggam.”

LUKAS 6:32

“Muda hum na mangkaholongi hamu sajo do dihaholongi hamu, aha ma he labomu disi? Angke pardosa i pe dihaholongi do angka na mangkaholongi halahi!

KOLOSSE 4:14

Dokter Lukas na tahaholongi i, dohot si Demas laing manongos tabe do tu hamu.

KOLOSSE 4:15

Laing palalu hamu ma tabenami tu angka dongan Kristen na di Laodikea; bope tu si Nimpa dohot tu parlagutan na marsomba di bagasnia i.

1 PETRUS 2:20

Harana aha ma he hasurunganna muda sobar hamu manjagit uhuman na patut tanggungonmunu hara ni hasalaanmunu? Tapi muda sobar hamu manjagit sitaonon na ro tu hamu hara ni na nibaenmunu na denggan, anggo i, pasupasuon ni Debata ma hamu.