MATEUS 5:35 - BIBEL JAMITA NA DENGGAN

³⁵ Sanga markite-hite tano on. Harana sidege-degean ni pat ni Debata do tano on. Sanga markite-hite Jerusalem, angke kota ni Debata do i.

MATEUS 5:35 ပူးပေါင်းရင်းမြစ်များ

MASMUR 48:2

Sion, dolok ni Debata na jeges jana gincat marsijongjong, kota ni Raja Godang hajopan ni roha ni sude portibi on.

MASMUR 87:2

Sian sasude kota na diingani ni si Jakob Sion do na umbahat dihaholongi Tuhan.

MASMUR 99:5

Puji ma Tuhan Debatanta, manungkap ma hamu di joloNia, angke na badia do Ia!

JESAYA 66:1

Songon on do pandok ni Tuhan, “Langit do habangsangKu, jana portibi sidegean ni patKu. Jadi bagas na tarbia ma he na giot bangunonMu di Au, jana inganan na tarbia ma he na giot baenonmu parmiananKu?

MALEAKI 1:14

“Hona bura ma pangicu na manghaulkon tu Au pahan-pahanan na so mararga, anggo adong dope pahan-pahanan na asing na dung dijanjihon humani tu Au! Angke Au do Raja Godang, jana sandok bangso do pasangapkon Au.”

MATEUS 5:36

Ulang ho muse marsumpa markite-hite ulumu, harana nada adong kuasomu mambaen bontar sanga mambaen lomlom sada pe sian obukmi.

BAENON NI ANGKA RASUL 7:49

‘Langit do habangsa sijuguhanKu jana tano on sidegean ni patKu. Bagas aha ma he na giot pajongjongonmu di Au? Di dia ma he inganan na giot paradiananKu?

HALUMBAAN 21:10

Jadi digohi Tondi Parbadia ma au, jana dioban surusuruan i ma au tu puncut ni dolok na lobi gincat. Dipatidahon ia ma tu au Jerusalem, Kota Na Badia i. Na mijur do huta i sian banua ginjang, sian Debata

HALUMBAAN 21:2

Gabe huida ma Kota Na Badia i, i ma Jerusalem na imbaru, na mijur sian banua ginjang sian Debata. Madung jolo nihobasan kota i songon boru na giot marbagas laho mandapotkon halaklahina.