MATEUS 5:29 - BIBEL JAMITA NA DENGGAN

²⁹ Muda mardosa ho hara ni matamu siamun i, pulsikkon ma i anso ambungkon! Gumonan do mago deba parkokas ni pamatangmi ulang pado sudena niambungkon tu narako.

MATEUS 5:29 ပူးပေါင်းရင်းမြစ်များ

MATEUS 10:28

Ulang pola mabiar hamu mida halahi sibunu pamatang tapi na so margogo mamunu tondi. Tapi habiari hamu ma Debata na markuaso mamunu pamatang dohot tondi di api narako.

MATEUS 11:6

Martua do halak na so mandele hara ni Au!”

MATEUS 16:26

Aha ma he labo ni halak, muda ia nampuna sude na satano on, anggo mago do sian ia ngolunia? Targonti ma he ngolu i sanga na dohot aha?

MATEUS 17:27

Tapi anso ulang pola gabe batu partuktuhan di halahi, kehe ma ho jolo mangkail tu dano. Buat ma ihan na parjolo dapot i. Dapot ho ma di baba ni ihan i hepeng satuk ni panggarar ni pajak sian hita na dua. Buat ma hepeng i, gararkon ma tu halahi. I ma pajak sian hita tu Bagas Ni Debata.”

MATEUS 19:12

Harana adong do halak na so bisa marripe, angke songon i hian do halahi sian mulai sorang. Adong muse do halak na so marripe hara ni na nibaen ni halak songon i. Dung i adong muse do halak na so marripe hara ni por ni rohania sandiri jana hara ni Harajaan Ni Banua Ginjang. Sanga ise na sanggup manjagit pangajaran on, halahi sajo ma manjagitsa.”

MATEUS 23:15

Marjaya ma hamu angka Siboto Surat dohot halak Parise! Angka pangalancap do hamu! Kehe do hamu taripar laut tu na dao laho mangelek-elek sada halak anso masuk mangihutkon ugamomunu. Dung diihutkon ia ugamomunu i, hape na giot pamasuhonmunu do ia tu narako, dua noli lompit jahatna sian hamu sandiri!

MATEUS 23:33

O hamu angka ulok, panipu do hamu! Tar bia be baenonmunu paluahon dirimunu sian uhuman na di narako i?

MATEUS 5:22

Tapi anggo saonnari Au mandok di hamu, sanga ise na marmilas ni roha tu donganna, angkon diuhumi do; barang ise na mandok tu donganna, ‘Raka’ (artina ‘Si soada’), hona uhum di jolo ni Mahkamah Ugamo; dung i barang ise na mandok tu donganna, ‘Si naoto’, tama ma ia diambungkon tu api naroko.

MATEUS 5:30

Muda hara ni tangan siamunmi do ho mardosa, gotapkon lalu ambungkon sian i! Gumonan do mago sabariba tanganmi, ulang pado sude pamatangmi masuk tu narako.”

MARKUS 8:36

Aha ma he labona di halak, muda gabe ia puna sudena tano on hape mago tondinia? Aha muse ma labonia disi!

LUKAS 12:5

Denggan ma Hupatuduhon di hamu, sanga ise do na angkon sihabiaranmunu. Habiari hamu ma Debata! Angke dung mamunu Ia markuaso muse dope Ia mangambungkon tu narako! Denggan ma ingot hamu; angkon habiaranmunu do Ia!

SURAT NI SI PAULUS TU PARLAGUTAN ROM 6:6

Dibaen madung taboto, madung diparsilangkon hajolmaonta na honok i, anso mago gogo ni dosa na disi jana ulang diparhatoban dosa i be hita.

SURAT NI SI PAULUS TU PARLAGUTAN ROM 8:13

Harana, muda mangihutkon bako ni jolma do hamu mangolu, ujungna angkon mate ma hamu; tapi anggo mardongan kuaso ni Tondi Parbadia do, matehononmunu ma torus angka pangalahomunu na mardosa i, gabe mangolu ma hamu.

1 KORINTUS 9:27

Hupadiar do pamatangki dilatik sagogona lopus tarrajai au sudena i. Hubaen pe songon i, anso ulang sanga do tarderet au, dung husosoi halak na asing dohot di parlumbaan i.

GALATIA 5:24

Angka halak na dung gabe nampuna ni Kristus Jesus, madung dimatehon halahi do bakona humani na jat i.

KOLOSSE 3:5

Hara ni i, matehon hamu ma angka hagiot ni portibi on na manyego-nyego dirimunu, i ma angka na mambaen na so ture, pangalaho na hodar, hisap ni sibuk, parhagiot na jahat, na songkal (halak na songkal sarupa do i dohot na marsomba gana-ganaan).