MATEUS 5:28 - BIBEL JAMITA NA DENGGAN

²⁸ Tapi anggo saonnari Hudok tu hamu: Muda adong halak na midaan dadaboru, gabe impol rohania, na dung markarosuan do ia dohot anak boru i di bagasan rohania.

MATEUS 5:28 ပူးပေါင်းရင်းမြစ်များ

PAMUNGKAAN 34:2

Di na niida ni si Sikem anak ni si Hemor halak Hewi i, i ma raja ni luat i si Dina, dilojongkon ia ma anak boru i, dipaksa ia ma mambaen na so ture.

2 SAMUEL 11:2

Sanoli andospotang, dung ngot si Daud sian na modom, kehe ma ia tu tarup ni bagas godang na hornop i. Diida ia ma sian i sada anakboru na topet maridi, jana sun jeges ni anakboru i.

JOB 31:1

Marjanji do au mardongan sumpa na so ro be rohangku di bujing-bujing na poso muda huida.

JOB 31:9

Sugari rupani na jungada por rohangku mida na nibuat ni hombar bagasku, jana martabuni au manungkirisa sian balik ni pintu,

MASMUR 119:96

Marujung be do huida sandok na singkop, hum parentaMu do na sanggam.

HARURUAR 20:17

Ulang impol rohamu di bagas ni donganmu jolma; ulang impol rohamu di dadaborunia, bope naposona bope lombuna bope halodena, bope di sanga aha nampuna ni donganmu jolma.”

PODA 6:25

Ulang dihagioti rohamu hajegeson ni halahi, jana ulang tartarik rohamu baenon ni pangkidop ni matana.

JEHESKIEL 23:16

Disi diida si Oholiba angka gambar i, manigor gintal ma hagiotnia jana ditongos ia ma ontang-ontang tu angka perwira i di Babel.

HAMALIMON 18:20

Ulang marcampur dohot dadaboru ni halak na asing, pangalaho na songon i mambaen ramun ho.

MATEUS 15:19

Harana sian roha i do haroroan ni angka pikiran na jat, gabe mamunu jolma, mangalangkup, mambaen na so ture, manangko, margabus, dohot na manilakoi.

MATEUS 5:22

Tapi anggo saonnari Au mandok di hamu, sanga ise na marmilas ni roha tu donganna, angkon diuhumi do; barang ise na mandok tu donganna, ‘Raka’ (artina ‘Si soada’), hona uhum di jolo ni Mahkamah Ugamo; dung i barang ise na mandok tu donganna, ‘Si naoto’, tama ma ia diambungkon tu api naroko.

MATEUS 5:39

Tapi saonnari Au mandok di hamu: Ulang ma alo hamu halak na mambaen na so denggan tu hamu. Tapi sabalikna do! Muda ditampeleng halak hurummu siamun, laing tarehon ma ditampeleng ia hurummu siambirang i.

SURAT NI SI PAULUS TU PARLAGUTAN ROM 7:14

Angke madung taboto, partondion do Tona i, tapi anggo au pardagingon do, na targadis gabe hatoban ni dosa.

PANGARATAION 22:22

Muda tardapot sada halaklahi hatiha marcampur dohot dadaboru ni halak na asing angkon mate niuhuman do i dua-dua. Songon i ma dalanna baenonmunu mangagohon hajahatan i.

2 PETRUS 2:14

Angke na so marnaloja do halahi mambaen dosa, jana mangaligi dadaboru ma giot ni halahi dohot mata na sai giot markamainan. Jana sanga ise na gale haporsayaanna, hona jorgong ma i baenon ni halahi. Madung somal roha ni halahi di angka hagiot na so denggan. Angka jolma na hona bura do halahi!

1 JOHANNES 2:16

Sasudena na adong di portibi on na nihalungunkon ni jolma – i ma sasude hagiot ni sibuk, hagiot ni mata dohot na pagodangkon dirina – nada sian Debata haroroan ni angka na songon i, tapi sian portibi on do.