MATEUS 5:26 - BIBEL JAMITA NA DENGGAN

²⁶ Situtu do na Hudok tu ho: Nada tarbaen ho ruar sian hurungan i, anggo so jolo margarar sude utangmi.”

MATEUS 5:26 ပူးပေါင်းရင်းမြစ်များ

MATEUS 10:29

Nada he nigadis dua amporik arga sasen? Tapi haru songon i pe, inda adong na madabu i tu tano anggo so jolo dipaloas Amangmunu i.

MATEUS 18:34

Milas sajo ma roha ni raja i dipamasuk ia ma naposo na jahat i tu hurungan. Angkon disi ma ia lopus digarar ia sude utangnia i.”

MATEUS 25:41

Dung i didok Raja i ma tu halak na di siambirangNia i, ‘Morot ma hamu sian on, hamu angka na hona bura! Masuk ma hamu tu api na so ra mintop na niparade di Sibolis dohot di angka surusuruanna!

MATEUS 25:46

Hara ni i uhumon ma angka halak sisongon i dohot uhuman na manongtong. Hape anggo halak na mambaen lomo ni roha ni Debata mangolu ma halahi jana marjop ni roha dohot Debata.”

MARKUS 12:42

Ro muse ma sada ina na mabalu boti pogos muse. Dipamasuk ia ma dua hepeng tumbaga. I ma tukaran ni hepeng na ummenek argana.

LUKAS 12:58

Muda adong halak na mangaduhon hamu jana maroban hamu tu pangadilan, usahahon hamu ma da manyalosehon parkaro i dohot ia taran di tonga dalan hamu. Anggo inda songon i, saratonnia ma hamu tu jolo ni panguhum jana pasahatonnia ma hamu tu bagasan hurungan.

LUKAS 12:59

Porsaya ma hamu! Nada tarbaen hamu ruar sian hurungan i salolot so digarar hamu dope sudena.”

LUKAS 16:26

Tamba ni i, madung dibaen lung na bidang mangkolangi ho dohot hami, anso ulang tarbaen sian hami on kehe tusi, songon i muse halak na sian i nada tarbaen ro tuson!’

2 TESSALONIKA 1:9

Uhumon ma halahi tu hamagoan na salolot-lolotna, dao sian adopan ni Tuhan i bope sian hasangapan ni hagogoanNia.

JAKOBUS 2:13

Angke sanga ise halak na so maribo ni roha tu halak na asing, sidabuon do uhuman tusi so pola mardongan ibo ni roha. Tapi gumogo dope ibo ni roha ulang uhuman!