MATEUS 5:22 - BIBEL JAMITA NA DENGGAN

²² Tapi anggo saonnari Au mandok di hamu, sanga ise na marmilas ni roha tu donganna, angkon diuhumi do; barang ise na mandok tu donganna, ‘Raka’ (artina ‘Si soada’), hona uhum di jolo ni Mahkamah Ugamo; dung i barang ise na mandok tu donganna, ‘Si naoto’, tama ma ia diambungkon tu api naroko.

MATEUS 5:22 ပူးပေါင်းရင်းမြစ်များ

PAMUNGKAAN 37:4

Jadi dung diida angka angkangnia i na humolongan roha ni amang ni halahi i mida si Josep ulang mida halahi, gabe goyak ma da roha ni halahi mida si Josep jabat nada ra be halahi burju manghobari dohot ia.

PAMUNGKAAN 37:8

“Ning rohamu ma lakna gabe ho na giot mangarajai hami?” ninna angka angkangnia i manyapai ia. Jadi mur tamba ma goyak ni roha ni halahi mida ia hara ni angka na nidoknia i.

2 SAMUEL 16:7

Diburai si Simei ma ia, didok ma, “Morot! Morot ho! Sibunu jolma! Parjahat!

2 SAMUEL 6:20

Di na mulak si Daud tu bagas godang laho manjalangi isi ni bagasnia, ruar ma si Mikal mandapotkon ia jana didok ma, “Anggo sadari on antong tutu ma na marsangap raja ni Israel i dibaen ia sandiri! Jabat do antong marsaemara ia songon halak na bodo di jolo ni angka hatoban dadaboru dohot angka pagawe bagas godang i!”

1 RAJA-RAJA 21:4

Mardongan arsak, dohot muruk hara ni hata na nidok ni si Nabot i tusia, mulak ma si Ahab lalu modom ma ia di podomannia manjorbing adop dingding i jana nada ra ia mangan.

2 JUJUR TAON 16:10

Songon i noma murukna si Asa umbege pandohan ni Panurirang Hanani i jadi gabe dipamasuk ia ma panurirang i tu hurungan. Di hatiha i laing dipisat si Asa do sanga na piga halak sian rayatnia i.

2 JUJUR TAON 19:5

Diangkat ia do angka panguhum di ganop kota na marbenteng,

NEHEMIA 5:8

jana hudok ma, “Sagogonami do hami baen manobus angka kahangginami halak Jahudi na tarpaksa manggadis dirina tu bangso na asing. Hape saonnari hamu muse noma mamaksa halahi manggadis dirina tu hamu, haru pe nian laing halak Jahudi do halahi!” Nada taralusi angka pamimpin i sangkababa hata pe.

MASMUR 109:3

Dipardokkoni halahi do angka na patubu hosom jana diporangi halahi au haru so adong dalanna.

MASMUR 14:1

Didok halak na oto di bagasan rohana, “Nada adong Debata.” Karejo ni halahi hodar jana hagigian nada adong na mambaen hadengganan.

MASMUR 25:3

Sai na pataluon do sanga ise halak na manjehei Ho, na pasti monang do halak na manghaposi Ho.

MASMUR 35:19

Ulang padiar au dipargonjakkon halak na manghosomi au di na so adong dalanna. Ulang padiar au disurak-surahi halak na manghasogohon au so adong dalanna.

MASMUR 37:8

Ulang ho dirajai muruk dohot susa ni roha, hum na pamaol-maolkon dirimu do i sudena.

MASMUR 49:10

Sanga ise pe tarbaensa do mangaligi, halak na marroha pe laing mate do. Halak na bodo dohot na oto laing rap abis, jana manadingkon sinadonganna di halak na asing.

MASMUR 69:4

Halak na magigi mida au di na so dalanna, umbahat sian obuk na di uluniba. Sai giot agohonon ni angka halak na gogo au, dipahata-hata halahi ma au dohot hata na so tutu. Dipaksa halahi au paulakkon arta na so hurampas.

MASMUR 92:6

Anggo halak na bodo nada mangarti halak na oto nada mangastui,

PODA 14:16

Jamot do halak na bisuk jana dipasimbil do hajahatan, tapi muda halak na oto dipapuas do hagiotna jana jop rohana.

PODA 18:6

Muda mamungka halak na bodo martongkar, manigor martenju do pangidoanna.

JEREMIA 17:11

Tudos tu unggas na mamodomi na so pirana; songon i ma halak na geduk maruli arta. Di na satonga umur tobangna agoan ma ia sude artania. Di ujung ni ngoluna tanda ma na santak do, otonia.

ANDUNG 3:52

Songon unggas au dikojar musu soada dalan margoyak ni roha tu au.

DANIEL 3:13

Umbege i, muruk sajo ma raja i lalu didabu ia ma parenta anso dioban sitolu halak i ro tusia.

DANIEL 3:19

Jadi gilap ma roha ni Raja Nebukadnesar maradopkon si Sadrakh, si Mesakh dohot si Abednego, jana marrarai bohina. Diparentahon ia ma anso dibaen purunan api na ummilas pitu lompit sian na somal.

OBAJA 1:10

“Jahat do pambaenmu maradopkon angka kahanggimu pomparan ni si Jakob. Jadi hara ni i, roncohonon noma ho, jana ho pe abiskonon noma ro di salolot ni lolotna.

OBAJA 1:12

Nada patut sonang ho nian marnida sitaonon ni angka pomparan ni halak Juda i jana marjop ni roha ho di ari hamamagonai. Nada patut ho antong martata taran susa ia.

MATEUS 10:17

Jago-jago ma hamu harana adong do halak na giot manangkup hamu laho maroban hamu pajongjongon di rapot pangadilan ni ugamo. Loncingon ni halahi ma hamu di angka bagas paribadatan.

MATEUS 10:28

Ulang pola mabiar hamu mida halahi sibunu pamatang tapi na so margogo mamunu tondi. Tapi habiari hamu ma Debata na markuaso mamunu pamatang dohot tondi di api narako.

MATEUS 12:24

Dung dibege halak Parise songon i, ninna halahi ma, “Nada dipaisir Ia angka setan ia so markite-hite si Beelsebul kapala ni setan i.”

MATEUS 17:5

Dompak na mandok hata i si Petrus, dihaliangi ombun na torang situtu ma halahi. Dung i adong ma sada sora sian ombun i na mandok, “On ma AnakKu na Huhaholongi, na pasonangkon rohangKu. Tangihon hamu ma Ia!”

MATEUS 18:21

Dung i ro ma si Petrus tu Jesus manyapai, “O, Tuhan! Muda mardosa dongan tu iba, intap ni piga noli do iba mangampuni ia? Tuk ma pitu noli?”

MATEUS 18:35

Laho paujungkon caritoNia i Jesus, didok Ia ma, “Songon i muse ma baenon ni Damang na di banua ginjang i tu hamu, anggo inda ias rohamunu mangampuni donganmunu.”

MATEUS 23:15

Marjaya ma hamu angka Siboto Surat dohot halak Parise! Angka pangalancap do hamu! Kehe do hamu taripar laut tu na dao laho mangelek-elek sada halak anso masuk mangihutkon ugamomunu. Dung diihutkon ia ugamomunu i, hape na giot pamasuhonmunu do ia tu narako, dua noli lompit jahatna sian hamu sandiri!

MATEUS 23:33

O hamu angka ulok, panipu do hamu! Tar bia be baenonmunu paluahon dirimunu sian uhuman na di narako i?

MATEUS 25:41

Dung i didok Raja i ma tu halak na di siambirangNia i, ‘Morot ma hamu sian on, hamu angka na hona bura! Masuk ma hamu tu api na so ra mintop na niparade di Sibolis dohot di angka surusuruanna!

MATEUS 26:59

Dijalahi angka kapala ni malim i ma dohot sude parrapot i angka hasaksian na so tutu laho mangalo Jesus anso adong dalanna baenon ni halahi mamunu Ia.

MATEUS 3:17

Dung i tarbege ma sora sian langit na mandok, “On do AnakKu Na Huhaholongi, jop do rohangKu mida Ia.”

MATEUS 5:34

Tapi saonnari Au mandok tu hamu: Bagi na bia pe, ulang ho marsumpa. Ulang ho marsumpa markite-hite langit. Harana inganan hasangapan ni Debata do langit.

MATEUS 5:44

Tapi saonnari Au mandok di hamu: Haholongi ma alomu jana tangiangkon ma halak na mamparkanciti ho,

MARKUS 14:55

Sude angka sintua ni malim dohot angka parrapot godang i, sude ma manggogo be laho padapotkon hasalaan ni Jesus anso bisa didabuhon halahi uhuman mamatehon Ia. Hape inda adong bagi aha dapot halahi.

MARKUS 15:1

Jadi sogot dope diompoti parrapot Godang i ma sude, dohot angka sintua ni malim, bagian hatobangon ni halak Jahudi dohot angka Siboto Surat mambaen partahian. Dirante halahi ma Jesus, dung i dioban ma Ia tu si Latus laho pasahatkon Ia tu si Latus.

LUKAS 12:5

Denggan ma Hupatuduhon di hamu, sanga ise do na angkon sihabiaranmunu. Habiari hamu ma Debata! Angke dung mamunu Ia markuaso muse dope Ia mangambungkon tu narako! Denggan ma ingot hamu; angkon habiaranmunu do Ia!

LUKAS 22:66

Dung torang ari marlagut ma angka hatobangon ni halak Jahudi dohot ma angka sintua ni malim dohot angka Siboto Surat. Dung i dioban ma Jesus tu jolo ni Mahkamah Ugamo ni halahi.

JOHANNES 11:47

Jadi hara ni i, dibaen angka halak Parise dohot angka sintua ni malim ma rapot, i ma rapot godang ni ugamo i. Didok halahi ma disi, “Bia noma baenonta? Bahat do dibaen Bayo i hahomangan!

JOHANNES 15:25

Jadi madung songon i pangalahona anso laing tulus na tarsurat i di Buku Tona ni halahi na mandok, ‘Dihosomi halahi do Au haru so binoto sanga hara ni aha.’

JOHANNES 7:20

Dialusi halak na bahat i ma, “Na marsibolis do Ho, ise he na giot mamunu Ho?”

JOHANNES 8:48

Dialusi halak Jahudi i ma, “Nada he tutu do muda hami dokkon halak Samaria do Ho, jana na nisonggopan ni setan?”

BAENON NI ANGKA RASUL 17:18

Tapi adong do deba sian golongan Epikuros dohot golongan Stoa, na marsoal dohot ia; jadi deba sian halahi mandok, “Aha ma he na giot dohonon ni na matubekbek on lakna?” Adong muse na asing mandok, “Idaon na maroban ajaran taringot tu angka debata na asing do ia,” dibaen dijamitahon ia do jamita na denggan taringot tu Jesus dohot hangongot ni angka na mate.

BAENON NI ANGKA RASUL 22:30

Jadi sai giot botoon ni komandan i ma sanga hara ni aha do satutuna umbaen jabat dipasala halak Jahudi si Paulus. Jadi ancogotna i disuru ia ma marlagut angka sintua ni malim dohot anggota ni Mahkamah Ugamo. Jadi dipalua ma si Paulus sian bayangannia i, dioban ma ia tu jolo ni halahi sude.

BAENON NI ANGKA RASUL 23:1

Diligi si Paulus ma jolo anggota ni pangadilan i, lalu didok ia ma, “Hamu angka kahanggingku! Lopus saonnari na so adong dope huhilala marsala au tu Debata di bagasan taroktokku taringot tu pardalan ni ngolungku.”

BAENON NI ANGKA RASUL 24:20

Tapi padiar ma halak on sandiri ma pajojorkon betak na hajahatan dia dapot halahi di au di na nipajongjong au di tonga-tonga ni Mahkamah Ugamo.

BAENON NI ANGKA RASUL 4:15

Jadi disuru halahi ma anso haruar rasul na dua i sian bagas parrapotan i, dung i martahi ma halahi.

BAENON NI ANGKA RASUL 5:21

Dioloi halahi ma hata i. Sogot dope manyogot i kehe ma halahi tu Bagas Ni Debata, mangajari ma halahi disi. Jadi ro ma Malim Godang i dohot angka donganna i, dibaen halahi ma rapot pangurus ni ugamo rap dohot hatobangon ni halak Jahudi. Dung i disuru alap halahi ma rasul i sian hurungan.

BAENON NI ANGKA RASUL 5:27

Dioban ma angka rasul i mangadop tu rapot i. Disapai Malim Godang i ma halahi.

BAENON NI ANGKA RASUL 6:12

Songon i ma panjajang-jajang ni halahi di jolma i dohot angka hatobangon ni halak Jahudi, songon i dohot angka Siboto Surat i.

BAENON NI ANGKA RASUL 6:15

Marsiligi ma sude halak na disi i tu si Stefanus. Jana tarida ma disi bohi ni si Stefanus songon bohi ni surusuruan.

BAENON NI ANGKA RASUL 7:37

Laing si Musa on do na mandok tu halak Israel, ‘Lehenon ni Debata ma tu hamu sada panurirang na nipiliNia sian tonga-tongamunu sandiri, songon panodoNia di au.’

SURAT NI SI PAULUS TU PARLAGUTAN ROM 12:10

Tangkas ma hamu antong marsihaholongan sama hamu songon halak na martinadohon, jana marsijolo-joloan ma hamu marsipasangapan.

1 KORINTUS 6:10

angka panangko, na mangkaut tu diri dohot parmabuk, angka na sai ra manilakoi halak, dohot angka na mambuat sian halak na so bagianna – sude halak sisongon i nada dapotan bagian di Harajaan Ni Debata.

1 KORINTUS 6:6

Tapi hape kehe do dongan na sada mandapotkon na so Kristen mangaduhon parkarona maradopkon donganna Kristen!

PANGARATAION 15:11

Sai adong do dapot piga-piga halak na pogos dohot na hurangan di tonga-tonga ni halak Israel. Jadi hara ni i, Huparentahon tu hamu anso basa rohamunu tu halahi.”

PANGARATAION 16:18

“Di ganop kota na nilehen ni Tuhan Debatamunu tu hamu angkon angkatonmunu do panguhum dohot angka parkarejo na asing laho manguhumi rayat i di bagasan na sintong.

1 TESSALONIKA 4:6

Taringot tuson, ulang ma adong na mambaen sala tu donganna sanga na paoto-otohon. Na salpu i madung tangkas hami ondolkon di na hami paboa tu hamu, angkon uhuman ni Debata do angka halak na songon i pangalahona.

TITUS 3:2

Dok tu halahi anso ulang adong na manilakoi sanga ise pe, tapi gumonan ma halahi basar jana burju. Marlambok ni roha ma halahi maradopkon halak sudena.

IBRANI 12:25

Antong, jago ma hamu anso ulang jabat layas rohamunu tuSia na mandok hata i. Salangkan halahi na so manangihon na palalu hata ni Debata di portibi on nada tarbaen marlojong, mur ma hita on na umbege hata na nidokNia sian banua ginjang. Muda nada ra hita manangihonsa, bia dope pambaenna malua hita sian Ia!

IBRANI 5:9

Jadi dung sanggam Ia, gabe Ia ma haroroan ni haluaan na manongtong di sude halak na burju mangoloi Ia.

JAKOBUS 2:20

Ale jolma na oto, saonnari ra dehe ho mamparkatutui bahaso na mate do haporsayaan na so mardongan pambaenan?

JAKOBUS 3:6

Songon api do dila i. Asar ni hajahatan do dila i di pamatangta na pararatkon hajahatan tu sude dirinta. Markite-hite api na sian narako i, dipamosok ia ma sude ngolunta.

1 PETRUS 2:23

Di na hona incak Ia, nada mangincahi Ia mambaloskon. Dompak na niparkancitan i Ia, nada mangondam Ia; tapi dipasahat Ia do parkaroNia i tu Debata, Panguhum na tigor i.

1 PETRUS 3:9

Ulang ma baloskon hamu hajahatan alo ni hajahatan, sanga hata na panyaor-nyaorkon; tapi pasupasu ma pangidohon hamu balos ni i sian Debata tu halahi. Angke anso manjagit pasupasu do hamu umbaen na nipiohon ni Debata hamu.

1 JOHANNES 2:9

Sanga ise na mandok maringanan ia di na torang hape goyak do rohania mida donganna, laing na di bagasan hagolapan dope ia lopus saonnari.

1 JOHANNES 3:10

On ma parasingan ni angka dakdanak ni Debata sian angka dakdanak ni Sibolis: Sanga ise na so patuluskon hatigoran, sanga na so manghaholongi donganna, nada dakdanak ni Debata halak na songon i.

1 JOHANNES 5:16

Muda adong diida hamu dongan Kristen mambaen dosa na so pola mambaen hamatean, sitangiangkononmunu do i tu Debata; jana lehenon ni Debata ma ngolu di halak na songon i, i ma tu halak na mambaen dosa na so pola mambaen hamatean i. Tapi adong do dosa na mambaen hamatean, jana nada hudok anso tangiangkononmunu dosa na songon i tu Debata.

JUDAS 1:9

Tapi si Mikael sandiri kapala ni angka surusuruan i nada jungada dibaen ia songon i. Di na marsalisi ia sanoli dohot Sibolis i hara ni bangke ni si Musa, nada puluk si Mikael mandok hata pincang-pincang laho manguhumi Sibolis i. Hum on sajo do didok si Mikael, “Sai dipincang Debata ma ho!” ning ia.

HALUMBAAN 20:14

Dung i didanggurkon ma hamatean dohot harajaan banua toru i tu bagasan laut api. (Laut api on ma hamatean na paduahon.)