MATEUS 5:18 - BIBEL JAMITA NA DENGGAN

¹⁸ Ingot ma! Salolot adong langit dohot tano on, satitik sanga sahurup na menek pe nada tola nisesa sian Tona i, lopus tulus sudena i!

MATEUS 5:18 ပူးပေါင်းရင်းမြစ်များ

MASMUR 102:26

Sude do i angkon mago, hum Ho do na sai hot; songon pakean sude do angkon mumut songon baju na buruk ambungkononMu noma i, gabe mago ma sudena i.

MASMUR 111:8

Hot do sapanjangna uhumNia, dipasahat di bagasan hasintongan dohot hatigoran.

MASMUR 119:152

Madung honok huboto angka paraturanMu, dipahot Ho do i anso manongtong salolot-lolotna.

JESAYA 40:8

Mahiang do duhut i jana malos ma bunga i, tapi anggo hata ni Debata sai na hot do i salolot ni lolotna.”

JESAYA 44:26

Tapi Hupalalu do tahi ni angka naposongKu, songon i nang angka tahi ni suruanKu. Hupaboa do inganan ni pangisimu mangulahi Jerusalem jana pajegeson ma mangulahi angka kota luat ni Juda. Jongjong ma mangulahi angka kota na dung sego i.

JESAYA 51:6

Tatap ma tu langit, tailihon ma tu tano, mago ma langit i songon timus. Buruk do tano on songon abit, mate sude na mangingani i songon rongit. Tapi anggo haluaan na Hulehen i, hot do salolotna, hamonanganKu nada adong ujungna.

MATEUS 10:15

Satutuna ma na hudok on! “Numayang do taonon ni isi ni tano Sodom dohot Gomora di ari panguhuman i, ulang kota na songon i!”

MATEUS 10:23

Muda diparkanciti halahi hamu di sada kota kehe ma hamu tu kota na asing. Hupaboa hian ma di hamu: Inda sidung dope tohapmunu dikarejohon hamu di sude kota na adong di Israel, hape ma ro Anak Ni Jolma i.

MATEUS 10:42

Sanga ise na mangalehen minum, hum samangkuk aek ngali pe tu sahalak sian angka na menek on hara ni siihutkon Au halahi, angkon dapotan balos do halahi. Songon i ma satutuna!”

MATEUS 11:11

Ingot hamu ma! Inda adong be jolma na gumodang di tano on sian si Johannes Pandidi. Tapi haru pe songon i, halak na ummenek di Harajaan Ni Banua Ginjang laing gumodang dope i sian si Johannes.

MATEUS 13:17

Tutu do na Hudok on! Harana bahat do panurirang na jolo dohot halak na burju mangoloi Debata malungun marnida na niidamunu saonnari, hape inda habolasan halahi laho marnidasa. Malungun do halahi manangihon na nibegemunu saonnari, hape inda sanga tarbaen halahi laho manangihon.”

MATEUS 16:28

Hudok ma tu hamu: Sasintongna sian tonga-tongamunu na adong dison, adong do na so giot mate anggo so jolo diida ia Anak Ni Jolma i ro songon raja di bagasan harajaanNia.”

MATEUS 17:20

Dialusi Jesus ma, “Angke hurang porsaya hamu. Ingot hamu ma! Sugari sagodang ni batu ni sabi pe adong haporsayaanmunu, tardok hamu do tu dolok on, ‘Morot ma ho sian on tu sadu!’ angkon pinda do dolok i. Jana nada adong sanga aha pe na so tarpatupa hamu! [

MATEUS 18:18

“Ingot hamu on! Sanga aha na nitambatmunu di tano on, laing na tambat muse ma i di banua ginjang. Dung i sanga aha na nipaluamunu di tano on, laing na nipalua muse ma i di banua ginjang.”

MATEUS 18:3

Sasintongna do na Hudok on tu hamu, “Muda so muba rohamunu jana mulak songon dakdanak on, nada tarbaen hamu masuk tu Harajaan Ni Banua Ginjang.

MATEUS 19:23

Jadi didok Jesus ma tu angka anak siseanNia i, “Hudok ma di hamu, na maolan do halak na kayo laho masuk tu Harajaan Ni Banua Ginjang.

MATEUS 19:28

Dialusi Jesus ma halahi, “Hudok ma tu hamu, satutuna di hatiha panompaon muse, di hatiha juguk Anak Ni Jolma i, di habangsa hamuliaonNa, hamu angka na mangihutkon Au, giot juguk di ginjang di habangsa na dua bolas i laho manguhumi Israel na dua bolas marga i.

MATEUS 21:21

“Satutuna, Hudok ma tu hamu, anggo porsaya do hamu jana inda adong ganggu ni roha, tarbaen hamu do songon na Hubaen i tu bona ni gala-gala i. Inda hum i sajo, salangkan tu dolok an pe tardokkon hamu do, ‘Morot ma ho, ambung ma ho tu laut.’ Tulus do i!

MATEUS 21:31

Antong, ise do sian anaknia na dua i na mangoloi na nidok ni amangna?” “Siangkaan i ma antong,” ning halahi. Gabe didok Jesus ma tu halahi, “Satutuna Hudok ma tu hamu: Jumolo do angka sijagit pajak dohot angka anak boru siparkarosuan gabe anggota ni Harajaan Ni Debata ulang pado hamu.

MATEUS 23:36

Tutu do na Hudok on: Angkon tanggungon ni angka halak na saonnari on ma i sudena!”

MATEUS 24:2

Dung i didok Jesus ma tu halahi, “Parrohahon hamu ma sudena i, harana sada batu pe nada tola tinggal susun di ingananna hian. Angkon hona gargar sude.”

MATEUS 24:47

Tutu do, pasahaton ni tuan i ma tu naposonia i sude sinadonganna.

MATEUS 25:12

Tapi dialusi bayo pangoli i ma, ‘Inda hutanda hamu!’ ”

MATEUS 25:40

Alusan ni Raja i ma, ‘Ingot hamu ma on: Hatiha dibaen hamu songon i tu sada halak sian angka kahanggingKu na umdangol i, etongon na tu Au do i dibaen hamu!’

MATEUS 25:45

Alusan ni Raja i ma, ‘Tangkas ma jolo tangihon hamu: Di na so ra hamu mangurupi sahalak sian na umdangol on, etongon na so ra do hamu mangurupi Au.’

MATEUS 5:26

Situtu do na Hudok tu ho: Nada tarbaen ho ruar sian hurungan i, anggo so jolo margarar sude utangmi.”

MATEUS 6:16

“Dung i muda puaso hamu, ulang ma markaremut bohimunu songon halak pangalancap. Mardalani ma halahi, gale-gale idaon. Hape anso diboto halak do na puaso halahi. Ingot hamu ma! Madung dijagit halahi do sude upa ni halahi.

MATEUS 6:2

“Jadi muda dilehen hamu silehenon, ulang paboa-boa hamu i songon na nibaen ni angka halak pangalancap. Anggo halahi, tagi do mambaen na songon i di angka bagas paribadatan dohot di angka dalan godang, anso dipuji halak halahi. Ingot hamu ma! Madung dijagit halahi hian upa ni halahi.

MATEUS 8:10

Dung dibege Jesus hata ni tentara na pangkat i, homang ma rohaNia. Gabe didok Ia ma tu halahi na mangihutkon Ia, “Tangihon hamu ma jolo! Nada unjung dope Au marsuo dohot haporsayaan na songon on godangna di tonga-tonga ni halak Israel.

MARKUS 10:15

Tutu do na Hudok on! Sanga ise na so manjagit Harajaan Ni Debata songon panjagit ni sada dakdanak, inda tarbaen halahi gabe anggota ni Harajaan Ni Debata i.”

MARKUS 10:29

“Tutu do i,” ninna Jesus, “antong ingot hamu ma on: Halak na dung maninggalkon dongan saripena, sanga kahanggina sanga ibotona, sanga inangna bope amangna, sanga dakdanakna, sanga pe sabana, hara ni Au dohot hara ni Jamita Na Denggan na sian Debata,

MARKUS 11:23

tardok hamu do tu dolok an, ‘Morot ma ho, jana ambung ma ho tu laut!’ gabe tulus ma songon i di hamu, asal ma ulang ganggu rohamunu. Dung i pos ma rohamunu angkon tutu situtu tulus na nidokmunu i.

MARKUS 12:43

Dung i dipio Jesus ma angka siseanNia i didok Ia ma tu halahi, “Parrohahon hamu ma jolo on: Umbahat do hepeng na nipamasuk ni ina na mabalu i sian na nipamasuk ni sude angka halak na asing i.

MARKUS 13:30

Situtu do na Hudok on tu hamu! Sude na Hupardokkoni nangkin angkon sanga dope idaon ni angka halak na mangolu saonnari on.

MARKUS 14:18

Jadi hatiha na mangan i halahi di meja na disi didok Jesus ma, “Tangihon hamu ma on! Sahalak sian hamu na rap mangan dohot Au saonnari giot manghianat tu Au.”

MARKUS 14:25

Tutu do na Hudok di hamu, inda inumonKu be anggur on. Tapi saulahon inumonKu ma anggur na imbaru muda dung dipajongjong Damang HarajaanNia.”

MARKUS 14:30

“Tutu do na Hudok on, laing di borngin on painte so tahuak manuk padua nolihon, ma tolu noli diporso ho na so nitandamu Au,” ninna Jesus.

MARKUS 14:9

Tutu do na Hudok on tu hamu! Sanga na di dia pe di tano on dibaritahon Jamita Na Denggan na sian Debata, angkon dibaritahon muse ma na nibaen ni anak boru on gabe songon parningotan tusia.”

MARKUS 3:28

Tutu do na Hudok on! Sude dosa na nibaen ni jolma dohot sude hata na jahat na nipardokkonan, tarsesa do i.

MARKUS 6:11

Tapi muda lalu hamu tu sada inganan hape inda ra halak na disi i manjagit hamu dohot manangihon hamu, morot ma hamu sian inganan i. Paspaskon hamu ma abuan na di palakpak ni patmunu i gabe songon parningotan di halahi!”

MARKUS 8:12

Humolos ma Ia, ning Ia ma, “Biasi angkon sai pangidoon ni halak sisaonnari on anso Hubaen tanda hahomangan? Inda! Na so ra do Au mangalehen tanda na songon i di halahi!”

MARKUS 9:1

“Satutuna do na Hudok on tu hamu,” ninna Jesus, “Adong do sanga na piga halak na dison on na so jabat mate, anggo so jolo diida halahi Harajaan Ni Debata di bagasan kuaso!”

MARKUS 9:41

Satutuna do! Sanga ise na mangalehen hamu minum hum hara ni na gabe siihutkon Kristus i hamu, angkon jagitonnia do upania.”

LUKAS 11:51

Mamungka sian hamamate ni si Abel lopus tu hamamate ni si Zakaria, na nibunu di holang-kolang ni langgatan dohot Inganan Na Badia. Olo tutu, ‘Hudok ma tu hamu angkon tuntuton ma i tu halak sisaonnari on.

LUKAS 12:37

Martua do angka naposo na nidapot ni tuanna sai painte-intehon harorona. Na tutu do na Hudokkon tu hamu, dihohosi ia ma gontingna, dung i dipajuguk ia ma halahi jana ro ma ia mangoloi halahi.

LUKAS 13:35

Angkon tarulang noma sude bagasmunu. Jana nada idaonmunu be Au, lopus tu hatihana dokkononmu, ‘Dipasupasu ma na ro markite-hite goar ni Tuhan.’ ”

LUKAS 16:17

Tapi ummura dope mago langit dohot tano, ulang pado mago sada hurup sian Tona i.

LUKAS 18:17

Tutu do na Hudokkon di hamu: Barang ise na so manjagit Harajaan Ni Debata songon dakdanak on, nada tarbaensa masuk tu bagasanna.”

LUKAS 18:29

“Tutu do i!” ninna Jesus, “Tutu do na Hudok on tu hamu! Ganop halak na manadingkon bagasna sanga dadaboruna, sanga kahanggina sanga natorasna, sanga pe angka dakdanakna hara ni Harajaan Ni Debata,

LUKAS 23:43

Gabe didokkon Jesus ma tusia, “Tutu do na Hudok on tu ho, sadari on rap ma ho dohot Au di Pirdaus.”

LUKAS 4:24

Dung i didok Jesus dope tu halahi, “Porsaya ma hamu, nada adong sada panurirang na dipasangap di hutana sandiri.

JOHANNES 1:51

Dung i ninna Jesus ma tusia, “Tutu situtu do na Hudok on tu ho, idaonmu ma mungkap langit, jana manaek mijur ma angka surusuruan ni Debata tu Anak Ni Jolma i.”

JOHANNES 10:1

“Tutu situtu do na Hudok on tu hamu: Sanga ise na masuk tu bara ni biri-biri i nada sian pintu, sipanangko do i jana panyamun.

JOHANNES 10:7

Didok Jesus ma mangulahi, “Tutu do na Hudokkon tu hamu: ‘Au do pintu di biri-biri i.

JOHANNES 12:24

Tutu do na Hudok on tu hamu: Muda so nisuan tu tano jana mate same i, laing tinggal sangkibung i sajo do i. Tapi muda mate same i, baru pe anso bahat eme diparbatuhon.

JOHANNES 13:16

Tutu do na Hudok on tu hamu: Nada gumodang naposo sian morana; jana nada gumodang suruan sian na marsurusa.

JOHANNES 13:38

Dialusi Jesus ma, “Tutu ma he na ra ho mate humopkop Au? Tutu do na Hudok on tu ho: Painte so martahuak manuk, ma pola tolu noli diporso ho Au!”

JOHANNES 14:12

Hudok ma tu ho: Satutuna sanga ise na porsaya tu Au, tarbaen ia ma mangkarejohon angka karejo songon na Hupambaeni i, salang na gumodang sian i pe tarbaensa – angke na kehe mandapotkon Ama i do Au.

JOHANNES 16:20

Hudok ma tu hamu: Satutuna martangisan ma hamu jana mangandungi; tapi jop ma roha ni portibi on. Susa ma rohamunu tapi gabe muba ma hasusaanmunu i gabe hajojop ni roha.

JOHANNES 16:23

Anggo di ari i, nada sapaanmunu be sanga aha tu Au. Tutu do na Hudok on tu hamu; sanga aha na nipangidomunu sian Ama i markite-hite goarKu lehenon ni Damang ma i di hamu.

JOHANNES 21:18

Tutu do na Hudok on tu ho: Anggo dompak poso ho, dihobasi ho do dirimu jana mardalani ma ho sanga tu dia pe giotmu. Tapi muda dung matobang ho saulahon, surduhononmu ma tanganmu, jana halak na asing noma manghobasi ho jana maroban ho tu inganan na so giot ni rohamu.” (

JOHANNES 3:11

Tutu do na Hudok di ho: Na hami boto do na hami hatahon, jana na hami ida do na hami patorang; hape nada ra hamu manjagit na hami dok.

JOHANNES 3:3

Dialusi Jesus ma, “Tutu do na Hudok on: Nada tarbaen sanga ise pe gabe anggota ni Harajaan Ni Debata, anggo so jolo sorang ia mangulahi.”

JOHANNES 3:5

Dialusi Jesus ma, “Tutu do na Hudok tu ho: Anggo so sorang halak sian aek dohot sian Tondi, nada tarbaen gabe parsidohot di Harajaan Ni Debata.

JOHANNES 5:19

Dialusi Jesus ma halahi songon on, “Ingot hamu ma na Hudok on: Nada dibaen Anak i sanga na aha pe mangihutkon roha-rohaNia sandiri. Sanga aha na niidaNia dibaen AmangNia, hum i sajo do dibaen Ia. Angke sanga aha na nibaen ni Ama i, laing i muse do dibaen Anak i.

JOHANNES 6:26

Dialusi Jesus ma, “Satutuna do na Hudok tu hamu: Nada hara ni na dung diastui hamu angka hahomangan na Hubaen i umbaen na nijalahanmunu Au, tapi hara ni na dung butongan do hamu mangan roti i.

JOHANNES 6:32

Dung i didok Jesus ma tu halahi, “Satutuna Hupaboa ma di hamu: Anggo na nilehen ni si Musa i di hamu, nada sipanganon na sian banua ginjang i; anggo sipanganon na sian banua ginjang i, i ma sipanganon na satutuna lehenon ni Damang di hamu.

JOHANNES 6:47

“Tutu do na Hudok on tu hamu: Halak na porsaya tu Au, i do na marhangoluan na so mantak.

JOHANNES 6:53

Dung i didok Jesus ma tu halahi, “Tutu do na Hudok on di hamu: Anggo so dipangan hamu do pamatang ni Anak Ni Jolma i jana nada diinum hamu mudarNia, nada adong hangoluan na tutu di bagasan hamu.

JOHANNES 8:34

Dialusi Jesus ma, “Tutu do na Hudok di hamu. Sude halak na mambaen dosa, i ma da hatoban ni dosa.

JOHANNES 8:51

Tutu do na Hudok tu hamu; sanga ise na mangoloi na Hudok, nada mate be Ia salolot-lolotna.”

JOHANNES 8:58

Dialusi Jesus ma, “Tutu do na Hudok di hamu: Dompak so sorang dope si Abraham, madung adong hian Au.”

1 PETRUS 1:25

tapi anggo hata ni Debata hot do salolot-lolotna.” Jamita na Denggan do hata na dung dijamitahon i tu hamu.

HALUMBAAN 20:11

Dung i huida ma sada habangsa na godang, jana na bontar. Huida muse do Ia na juguk di habangsa i. Mago ma langit dohot tano sian joloNia lopus nada haidaan.