MATEUS 5:17 - BIBEL JAMITA NA DENGGAN

¹⁷ “Ulang ninna rohamunu, na giot mansoadahon angka Tona ni ugamo Jahudi na niajarkon ni si Musa dohot panurirang-panurirang i, umbaen na ro Au. Nada na giot mangagohon i umbaen na ro Au, tapi na giot mambaen sanggam do.

MATEUS 5:17 ပူးပေါင်းရင်းမြစ်များ

JESAYA 42:21

Tuhan marpor ni roha mambaen anso malua, mangalehen pangajaranNia na godang jana marmulia.

MATEUS 3:15

Tapi dialusi Jesus ma, “Padiar ma songon i! Harana patut do oloanta sude aturan na nihalomohon ni Debata.” Jadi dididihon si Johannes ma Jesus.

MATEUS 7:12

Baen ma tu halak na asing, sanga aha por ni rohamu baenon ni halahi tu hamu. Songon i ma impola ni angka Tona dohot hata ni angka panurirang.”

LUKAS 16:17

Tapi ummura dope mago langit dohot tano, ulang pado mago sada hurup sian Tona i.

JOHANNES 8:5

Anggo di Tona Ni si Musa, adong do Tona na mandok angkon nidangguran do dohot batu dadaboru sisongon on lopus mate. Saonnari bia do pandapotMu?”

BAENON NI ANGKA RASUL 18:13

Dipajojor halahi ma pangaduan ni halahi songon on, “Dijajang-jajang bayo on do halak na bahat anso marsomba tu Debata sian dalan na maralo tu angka parenta ni Debata na nilehen ni si Musa di hami!”

BAENON NI ANGKA RASUL 21:28

jana marsurak-surak ma halahi, “Jo hamu halak Israel, tolong hamu jolo! On ma da halakna na pahae pahulu mangajari halak sudena taringot tu poda na maralo tu bangso Israel, na maralo tu angka na niparentahon ni Debata markite-hite si Musa songon i laho mangalo Bagas Ni Debata on. Tamba ni i dioban ia muse dope tuson angka bangso na asing na so Jahudi masuk tu Bagas Ni Debata on mambaen hodar inganan na badia on!” ninna halahi. (

BAENON NI ANGKA RASUL 6:13

Jana dioban halahi muse ma angka saksi na mangalehen hatorangan na so tutu taringot tu si Stefanus. Didok angka saksi i ma, “Hum na mangincahi do bayo on tu Bagas Ni Debata na badia i jana laing diincahi ia do angka Tona Ni Debata na nipasahat ni si Musa i.

SURAT NI SI PAULUS TU PARLAGUTAN ROM 10:4

Dibaen Kristus do hasidungan ni Tona i, jadi dapotan hatigoran ma sude halak na porsaya.

SURAT NI SI PAULUS TU PARLAGUTAN ROM 3:31

Muda songon i, na mangagohon Tona i do lakna hami markite-hite haporsayaan i? Dao ma i! Tapi hami pajongjong do Tona i.

SURAT NI SI PAULUS TU PARLAGUTAN ROM 8:4

Dibaen Debata pe songon i, anso tardalankon do tuntutan na tigor sian na nidok ni Tona i di bagasan dirinta, na mangolu mangihutkon Tondi Ni Debata jana na so mangihutkon bako ni jolma.