MATEUS 5:15 - BIBEL JAMITA NA DENGGAN

¹⁵ Nada adong halak na manutung lampu, dung i ditutupi ia dohot belek. Tu inganan ni lampu do i dibaen halak, anso torang sude idaon ni halak na di bagas i.

MATEUS 5:15 ပူးပေါင်းရင်းမြစ်များ

HARURUAR 25:37

Baen ma pitu lampu di parlampuan i, adop ginjang ma baen sude anso marsinondang tu jolo.

ZAKARIA 4:2

“Aha dehe na niidamu?” ning ia manyapai. “Sada pat ni parlampuan sere do,” ningku mangalusi. “Di ujungna i di ginjang adong mangkuk inganan ni miak. Di pat ni parlampuan i, humaliang mangkuk inganan ni miak i adong pitu lampu, jana ganop lampu adong pitu be parsumbuanna.

BILANGAN 8:2

“Dokkon ma tu si Harun, muda giot dibaen ia lampu na pitu i tu inganan parlampuan i, angkon denggan ditutung ia anso torang sinondangna i tu jolo.”

MARKUS 4:21

Dipaudut Jesus ma mangulahi hataNia, “Unjung dehe halak pagara lampu dung i ditutupi dohot ampang sanga dipayakkon ia di toru ni podoman? Inda he di inganan ni lampu do dipayakkon ia i?

LUKAS 11:33

“Nada adong halak na manutung lampu, jana ditabunihon ia lampu i sanga ditutupi dohot ampang. Tontu tu inganan parlampuan do i dibaen anso torang idaon ni halak, muda masuk halahi.

LUKAS 11:36

Muda sude pamatangmi hona sinondang jana nada adong be deba na golap, gabe torang sajo ma sude pamatangmi, sarupa ma i tu hatiha na nisondangan ni cahaya ni lampu ho.”

LUKAS 8:16

“Nada adong halak manutung lampu, dung i ditungkupi muse dohot ampang, sanga pe dipayakkon di toru ni podoman. Di inganan ni lampu do dibaen lampu, anso diida na ro tu bagas i sondangna i.

PILIPPI 2:15

Di na songon i, patuduhon hamu ma paboa na tutu hamu dakdanak ni Debata, na so martilako, na bulus jana bonar di tonga-tonga ni angka halak na jahat dohot na mardosa. Jana di na palaluhon jamita taringot tu hangoluan i hamu tu halahi, angkon gabe songon sinondang na manorangi portibi on do hamu maradopkon halahi. Muda songon i ngolumunu, gabe adong ma dalan di au saulahon laho mamuji diringku hara ni hamu, di haroro ni Jesus Kristus mangulahi. I ma tandana, na so sayang boti parjuanganki jana marhasil do halolojangki.

IBRANI 9:2

Dipajongjong do sada bandar, bagian parjolona i nigoaran do i Inganan Na Badia. Adong ma disi parlampuan, jana adong muse ma meja dohot roti na nihaulkon tu Debata.

HALUMBAAN 2:5

Hara ni i, ingot hamu ma sanga na dung sadia dao hamu madabu. Pauba hamu ma rohamunu, dung i ulahi hamu ma patuluskon pambaenanmunu na di mulana i. Anggo inda, ro ma Au jana umpatonKu ma parlampuanmunu i sian jongjonganna i – muda nada muba rohamunu.