MATEUS 5:14 - BIBEL JAMITA NA DENGGAN

¹⁴ Hamu do sondang ni portibi on. Nada tarbunihon sada kota na di ginjang dolok.

MATEUS 5:14 ပူးပေါင်းရင်းမြစ်များ

PODA 4:18

Songon parbincar ni mataniari do anggo dalan na nibolus ni halak na denggan; mur lolot mur torang, jana ujungna ari pe gabe torang sajo.

JEHESKIEL 5:5

Didok Tuhan Debata ma, “Ligi da, on ma Jerusalem. Hubaen do kota on di tonga-tonga ni angka bangso parbegu jana angka luat ni halahi mangkuliangisa.

JOHANNES 12:36

Haporsayai hamu ma hatiuran i salolot laing di hamu i, anso gabe halak ni hatiuran hamu.” Dung didokkon Jesus songon i, morot ma Ia sian i jana nada ra be Ia patidahon diriNa tu halahi.

JOHANNES 5:35

Songon lampu na gara jana na marsinondang do da anggo si Johannes; jana hamu pe, anggo hum santongkin ra do hamu ditorangi sondang ni lampu i.

JOHANNES 8:12

Didok Jesus dope mangulahi tu halahi, “Au do sinondang ni portibi on. Dapotan sinondang hangoluan do sanga ise na mangihutkon Au. Nada be mardalan di na golap halahi.”

JOHANNES 9:5

Salolot di tano on Au, Au do sinondang ni portibi on.”

2 KORINTUS 6:14

Ulang ma hamu rap sapasangan dohot angka halak na so porsaya. Dia ma he tarbaen marsada hatigoran dohot hageduhan, sanga dia ma lakna pardonganan ni hatorangan dohot hagolapan?

PILIPPI 2:15

Di na songon i, patuduhon hamu ma paboa na tutu hamu dakdanak ni Debata, na so martilako, na bulus jana bonar di tonga-tonga ni angka halak na jahat dohot na mardosa. Jana di na palaluhon jamita taringot tu hangoluan i hamu tu halahi, angkon gabe songon sinondang na manorangi portibi on do hamu maradopkon halahi. Muda songon i ngolumunu, gabe adong ma dalan di au saulahon laho mamuji diringku hara ni hamu, di haroro ni Jesus Kristus mangulahi. I ma tandana, na so sayang boti parjuanganki jana marhasil do halolojangki.

1 TESSALONIKA 5:5

Halak na mangolu di hatorangan do hamu sudena; jana angka halak arian do hamu. Nada angka halak na sian borngin hita, sanga angka halak ni hagolapan.

HALUMBAAN 1:20

On ma arti ni rahasia ni bintang na pitu na niidamu di tangan siamunKon dohot astuan ni parlampuan na pitu na nibaen sian sere i. Bintang na pitu i, i ma angka surusuruan ni parlagutan na pitu i, jana parlampuan na pitu i, i ma parlagutan na pitu i.”

HALUMBAAN 2:5

Hara ni i, ingot hamu ma sanga na dung sadia dao hamu madabu. Pauba hamu ma rohamunu, dung i ulahi hamu ma patuluskon pambaenanmunu na di mulana i. Anggo inda, ro ma Au jana umpatonKu ma parlampuanmunu i sian jongjonganna i – muda nada muba rohamunu.