MATEUS 5:12 - BIBEL JAMITA NA DENGGAN

¹² Jop ma rohamunu jana marolop-olop ma hamu, angke godang do upamunu di banua ginjang, dibaen laing songon i do diayak-ayak halahi angka panurirang na jumolo sian hamu.”

MATEUS 5:12 ပူးပေါင်းရင်းမြစ်များ

PAMUNGKAAN 15:1

Dung i dijagit si Abram ma sada halumbaan, jana dibege ia ma Tuhan mandok tusia, “Ulang ho mabiar Abram, Au do mangondingi ho sian parmaraan, jana lehenonKu ma tu ho upa bahat.”

1 RAJA-RAJA 18:13

Adong he na so unjung dope dibege amang na hutabunihon saratus halak panurirang ni Tuhan di angka liang dompak na nibunu ni si Isebel sian halahi – lima pulu halak di sada liang – jana hulehen halahi mangan dohot minum?

1 RAJA-RAJA 18:4

Dompak na nibunu ni si Isebel angka panurirang ni Tuhan, ditolong si Obaja do saratus halak panurirang ni Tuhan, ditabunihon ia halahi di angka liang – lima pulu halak di sada liang – jana dilehen ia panganon dohot inumon ni halahi.)

1 RAJA-RAJA 19:2

Gabe ditonahon si Isebel ma barita on tu si Elia, “Sai diuhumi angka debata ma au, dibunu pe au jadi ma, anggo so hubaen ancogot songon on ari tu ho songon na nibaenmi tu angka panurirang i.”

1 RAJA-RAJA 21:20

Disi diida si Ahab si Elia, didok ia ma, “O alongku, dipaihut-ihut ho ma au, atehe?” “Tutu do,” ning si Elia mangalusi. “Angke dibaen ho do hajahatan na tarlobi di panatapan ni Tuhan,

1 RAJA-RAJA 22:8

Dialusi si Ahab ma, “Adong dope sada nari, i ma si Mika anak ni si Jimla. Tapi goyak do rohangku mida i, harana na so jungada dope hum saragam panyurirangonnia na denggan tu au; hum na so ture do sude.” “Ulang ma dok songon i!” ning si Josafat.

2 RAJA-RAJA 1:9

Jadi disuru ia ma kehe sada parpangkat, rap dohot lima pulu halak laho manangkup si Elia. Kehe ma parpangkat i jana dapot halahi ma si Elia topet juguk-juguk di sada dolok. “Bia do naposo ni Debata,” ning parpangkat i, “Disuru raja i do ho anso manuat!”

2 JUJUR TAON 16:10

Songon i noma murukna si Asa umbege pandohan ni Panurirang Hanani i jadi gabe dipamasuk ia ma panurirang i tu hurungan. Di hatiha i laing dipisat si Asa do sanga na piga halak sian rayatnia i.

2 JUJUR TAON 36:16

Hape diparmayam-mayam halahi do angka utusan ni Debata i, dipartatai halahi angka panurirangNia jana nada ditangihon halahi hatana. Ujungna sun ma muruk ni Tuhan tu halahi jadi gabe nada adong be dalan ruar di halahi.

NEHEMIA 9:26

Hape mangalo do bangsoMi jana nada mangoloi tu Ho, uhumMu dohot aturanMu dipasiding do, dibunu do angka panurirang na paingotkon halahi, anso mulak tu Ho Debatana, nian halahi. O Tuhan, laing marpupu ma i Ho dipalayas halahi.

MASMUR 19:11

Dung i muse naposoMi diajari ia, upa na godang tu na mangoloi dipasingkop ia.

MASMUR 58:11

Dokkonon ni halak ma, “Dapotan pahalo do da antong halak na denggan, tutu do i, adong do Debata na manguhumi di portibi on.”

PODA 11:18

Halak na jahat nada pasti hauntunganna; halak na denggan pasti pasupasuonna.

JESAYA 3:10

Dokkon ma martua halak na tigor! Harana panganan ni halahi ma suha ni parkarejoanna.

JEREMIA 2:30

Nada marguna hamu Hubaen hona uhum, angke na so targorahon do hamu. Songon singa na mangamuk, songon i ma hamu mamatehon angka panurirangmunu.

JEREMIA 26:8

Disi hupabotohon sude tona ni Tuhan songon na niparentahonNia i tu au, manigor ditangkup halahi ma au lalu marsurahi halahi, “Angkon mate ho!

JEREMIA 37:14

Hualusi ma, “Nada tutu i! Nada adong maksudku laho kehe tu pihak ni musu i.” Tapi nada ditangihon si Jeria. Ditangkup ia do au jana dioban ia ma au mangadop tu jolo ni angka pajabat ni pamarenta.

MATEUS 16:27

Ro ne ma Anak Ni Jolma i, mardongan hasangapan ni AmangNia rap dohot angka surusuruanNia. Anggo disi, baloskononNia ma tu ganop jolma hombar tu pambaenan ni halahi be.

MATEUS 6:16

“Dung i muda puaso hamu, ulang ma markaremut bohimunu songon halak pangalancap. Mardalani ma halahi, gale-gale idaon. Hape anso diboto halak do na puaso halahi. Ingot hamu ma! Madung dijagit halahi do sude upa ni halahi.

LUKAS 13:34

O ale Jerusalem, Jerusalem! Dibunu ho do angka panurirang dohot angka na nisuru tu ho, didangguri ho dohot batu! Madung jotjot sai giot paluhutonKu sude halak na mangingani ho songon sada inang ni manuk na manggobak angka anakna di toru ni habongna, hape nada ra hamu!

LUKAS 6:23

Muda masa songon i, angkon jop ma nian rohamunu manortori marmoga-moga, angke adong do upamunu na godang di banua ginjang. Angka panurirang pe najolo songon i do dibaen angka ompung ni halak on.

LUKAS 6:35

Anggo sapatutna nada songon i! Anggo hamu angkon suhar-suhar ni i do. Angkon haholonganmunu do musumunu jana baen hamu ma na denggan tu halahi. Angkon lehenonmunu do manginjam jana ulang pola arop rohamunu dapotan garar mangulahi. Godang do dapot hamu upa ni i jana gabe anak ni Debata Na Gumincat i ma hamu. Angke anggo Debata, denggan do dibaen Ia maradopkon angka na so malo mandok tarimakasi, songon i muse laing denggan do dibaen Debata maradopkon halak na jahat.

BAENON NI ANGKA RASUL 16:25

Hira-hira tonga borngin, martangiang ma si Paulus dohot si Silas, angka marende bage halahi mamuji Debata. Dibege angka halak na tarhurung na asing i do halahi na marende i.

BAENON NI ANGKA RASUL 5:41

Morot ma halahi sian rapot ugamo i mardongan jop ni roha, harana na dung dietong roha ni halahi do patut marlayas hara ni Jesus.

SURAT NI SI PAULUS TU PARLAGUTAN ROM 5:3

Tapi nada hum i sajo, di bagasan pardangolan pe laing marmoga-moga ma hita, angke madung taboto gabe mur sobar do halak dibaen pardangolan,

1 KORINTUS 3:8

Bope na mananom sanga pe na manyiram sarupa do i.

2 KORINTUS 4:17

Jana anggo hasusaan na so sadia on na hami taon santongkin, lehenon ni i do di hami hasangapan na so tarsuhat jana na manongtong. Dao dope gumodang hasangapan i sugari nipartimbangkon tu hasusaan i sandiri.

PILIPPI 1:29

Angke nada hum dalan mangkaporsayai Kristus na nilehen ni Debata tu hamu, tapi dohot do dalan tu parkancitan hara ni Kristus.

PILIPPI 2:17

Betak na angkon dohot dope haulkononku pamatangkon pasanggamkon haul na ni haulkonmunu i di bagasan haporsayaanmunu na gok tu Debata. Muda pe angkon songon i, mandok tarimakasi do au tu Debata hara ni i jana dohot ma au marjop ni roha rap dohot hamu.

KOLOSSE 1:24

Saonnari jop do rohangku manaon parkancitan laho pasari-sari hamu. Angke hara ni sitaonon na adong di pamatangkon, hupaujung do sanga aha dope na angkon taonon ni Kristus hara ni parlagutanNia i, i ma pamatangNia i.

KOLOSSE 3:24

Diboto hamu do bahaso sian Tuhan i do jagitonmunu, na dung ditontuhon hian. Kristus do Tuan i jana hamu ma angka hatobanNia.

1 TESSALONIKA 2:15

Halak Jahudi i do na mamunu Tuhan Jesus dohot angka panurirang, hami pe diparkanciti halahi muse do. Sai torus do dialo halahi Debata jana gabe musu ni sude jolma do halahi!

IBRANI 10:34

jana dohot do hamu mangkilalahon pardangolan ni angka halak na tarhurung. Jana di na hona rampas sude sinadonganmunu, jop do rohamunu manjagit sasudena i, angke diboto hamu do, laing adong dope di hamu na dao dumenggan na tahan salolot-lolotna.

IBRANI 11:26

Dihilala si Musa dao dope ummarga maruli incak-incak hara ni Kristus na nijanjihon ni Debata i ulang pado manjagit sasude arta ni tano Mesir; harana upa di ari na giot ro do na nipainte ni si Musa.

IBRANI 11:33

Hara ni haporsayaanna, ditaluhon halahi do angka harajaan. Na tigor do na nibaen ni halahi, gabe dijagit halahi ma na nijanjihon ni Debata. Dihuntam halahi do baba ni angka singa.

IBRANI 11:6

Muda so marhaporsayaan sanga ise pe nada tarbaen pasonang roha ni Debata. Angke sanga ise na ro tu Debata angkon porsaya do ia na tutu adong Debata jana lehenon ni Debata do upa tu angka na manjalahi Ia.

JAKOBUS 1:2

Hamu angka dongan! Muda manaon pandugaan na marragam-ragam hamu, etong hamu ma i songon sada hauntungan.

JAKOBUS 5:10

Ligi hamu ma angka panurirang na mandok hata mangasahon goar ni Tuhan. Sobar do halahi jana tahan manaon parkancitan. Jadi, halahi ma baen hamu gabe tiruan.

1 PETRUS 4:13

Angkon mur sonang do rohamunu angke dohot do hamu manaon parkancitan rap dohot Kristus. Jadi saulahon muda dung dipataridahon hasangapan ni Kristus i tu sude jolma, marsurak-surak ma hamu disi.

RUT 2:12

Sai dibalos Tuhan ma hadenggananmi. Jana hara ni na dung ro ho marsilaung tu Tuhan, Debata ni Israel, sai dilehen Ia ma antong parlinggoman sagokgokna di ho!”