MATEUS 5:1 - BIBEL JAMITA NA DENGGAN

¹ Dung diida Jesus bahat ni halak i, manangkok ma Ia tu sada dolok. Juguk ma Ia disi. Dung i marroan ma anak siseanNia i tu lambungNia.

MATEUS 5:1 ပူးပေါင်းရင်းမြစ်များ

MATEUS 13:2

Na bahatan halak marlagut mangkaliangi Ia. Gabe masuk ma Ia tu parau, disi noma Ia juguk. Tapi anggo halak na bahat i di topi-topi ma marjongjongan.

MATEUS 15:29

Ditinggalkon Jesus ma inganan i, mardalan ma Ia manopi-nopi Dano Galilea. Dung i manangkok ma Ia tu sada dolok-dolok, juguk ma Ia disi.

MATEUS 4:25

Bahat sajo do halahi na mangihutkon Jesus di hatiha i – adong na ro sian Galilea, adong ma i na ro sian Luat Dekapolis (artina Sampulu Kota), adong na sian Jerusalem dohot sian Judea. Adong dope na ro sian luat na di ipar ni Batang aek Jordan.

MATEUS 5:2

Dipungka Ia ma mangajari halahi.

MARKUS 3:13

Dung i manangkok ma Jesus tu sada dolok, dipiohon Ia ma sanga ise na giot sipioonNia. Marroan ma halahi,

MARKUS 3:20

Dung i masuk ma Jesus tu sada bagas. Tapi laing marlagut dope halak na bahat i, jabat inda sanga mangan Jesus rap dohot angka anak siseanNia i.

MARKUS 4:1

Mangajari ma Jesus mangulahi di topi ni Dano Galilea. Na bahatan halak mangarongomi Ia. Hara ni bahat ni jolma i, kehe ma Ia juguk di bagasan sada parau na di aek i. Di topi ma marjongjongan halak na bahat i.

LUKAS 6:12

Jadi manangkok ma Jesus hatiha i tu sada dolok laho martangiang. Martangiang ma Ia saborngin i tu Debata.

LUKAS 6:17

Dung i manuat ma Jesus sian dolok i rap dohot angka rasul i, maradian ma halahi jongjong di sada inganan na hornop. Adong muse do disi angka anak siseanNia na asing songon i muse angka halak na marroan sian Judea, sian Jerusalem dohot na sian Tirus dohot Sidon dohot sian angka kota na di topi laut.

LUKAS 6:20

Ditailihon Ia ma angka anak siseanNia i didok Ia ma, “Martua ma hamu angka halak na dangol, harana hamu do nampuna Harajaan Ni Debata!

LUKAS 9:28

Dung adong tar sapoken dung diajarkon Jesus taringot tusi, dioban Ia ma si Petrus, si Johannes dohot si Jakobus tu ginjang ni sada dolok laho martangiang.

JOHANNES 6:15

Dung i giot paksaon ni halahi ma Jesus gabe raja ni halahi. Tapi diboto Jesus do na di roha ni halahi i, gabe kehe ma sada Ia tu dolok-dolok i.